Գիտաժողով՝ Կազմակերպութեամբ Հայ Դատի Մոսկուայի Գրասենեակին

Դեկտեմբեր 15-ին, Հայ Դատի Մոսկուայի գրասենեակին նախաձեռնութեամբՙ «Փրեզիտենթըլ» պանդոկի նիստերու դահլիճին մէջ տեղի ունեցաւ միջազգային գիտաժողով` «Հայ-ռուսական համագործակցութիւն. հեռանկարներն ու հիմնական մարտահրաւէրները» խորագիրով: Անոր կը մասնակցէին երկու երկիրներու պաշտօնական անձնաւորութիւններ, դիւանագէտներ, քաղաքագէտներ, վերլուծաբաններ, լրագրողներ եւ հասարակական-քաղաքական գործիչներ:

Ողջոյնի խօսքով հանդէս եկան Ռուսաստանի մօտ Հայաստանի դեսպան Վարդան Տողանեան, Արցախի Հանրապետութեան դեսպան Ռուբէն Զարգարեան, Հ.Յ.Դ. Բիւրոյի քաղաքական ներկայացուցիչ Արմէն Ռուստամեան, Ռուսաստանի պետական Տումայի պատգամաւոր, «Անմահ Գունդ» շարժման համանախագահ Նիքոլայ Զեմցով, հասարակական-քաղաքական գործիչ Վիքթոր Քրիւոփուսքով, ազգերու խորհուրդի անդամ Իսմայիլ Շապանով, Մինսքի խմբակի նախկին համանախագահ Վլատիմիր Քազիմիրով, քաղաքագէտ, թալիշական խորհրդարանի նախագահ Ֆախրատին Ապոսզոտան, բնապահպանական յանձնաժողովի խորհրդական Կարինէ Արամեան: Մասնակիցներուն իր ողջոյնի խօսքը յղեցին կառավարման խորհուրդի անդամ Պորիս Չերնիշով: Համաժողովի նախագահն էր Ռուսաստանի Գիտութիւններու ազգային ակադեմիայի ակադեմիկոս, Հայաստանի Գիտութիւններու ազգային ակադեմիայի արտասահմանեան անդամ Ռուբէն Գարեգին Մելքոնեան:

Ժողովին ներկայացուեցան հետեւեալ զեկուցումները.-

– «Ռուսաստանի եւ Հայաստանի միջխորհրդարանական կապերու զարգացման նոր փուլերը», զեկուցաբեր` Արմէն Ռուստամեան.

– «Հանրային դիւանագիտութիւնը եւ Հայաստանի ու Ռուսիոյ ոչ կառավարական կազմակերպութիւններուն դերը երկկողմանի յարաբերութիւններուն մէջ», զեկուցաբեր` Վիքթոր Քրիւոփուսքով.

– «Ռուսաստան եւ Հայաստան. ժամանակակից հիմնախնդիրներ եւ ապագային ուղղուած յոյսեր», զեկուցող` Ալեքսանտր Աֆանասեւ, Ռուսաստանի արտաքին գործոց նախարարութեան առաջին կարգի խորհրդական, քաղաքագէտ, զինուորական պատմաբան.

– «Եւրասիական համարկումը` իբրեւ երկիրներու կայուն զարգացման կարեւորագոյն գործօն», զեկուցող` Կիւլնուր Ռախմաթուլինա Քալիմովնա, Եւրասիական տնտեսական միութեան տնտեսական եւ ֆինանսական քաղաքականութեան նախարարի խորհրդական.

– «Արցախի տագնապի լուծման վերաբերող բանակցութիւններուն առանձնայատկութիւնները», զեկուցող` Սթանիսլաւ Թարասով, «Ռեկնում» տեղեկատուական գործակալութեան արեւելքի խմբագրութեան գլխաւոր խմբագիր, քաղաքագէտ, վերլուծաբան.

– «Հայաստանի եւ Ռուսիոյ միջեւ գործարար համագործակցութեան եւ միջազգային գործակցութեան զարգացման գործիքակազմը», զեկուցող` Կարինէ Արամեան.

– «Ռուս-հայկական գործընկերութիւն. արդիւնքներ եւ հիմնական մարտահրաւէրներ», զեկուցող` Սէյրան Պաղտասարեան, քաղաքագէտ, հասարակական-քաղաքական գործիչ.

– «Ռուս-հայկական ռազմավարական դաշնակցութիւնը իբրեւ շրջանային անվտանգութեան երաշխիք», զեկուցող` Նորատ Տէր Գրիգորեանց, ռազմական-քաղաքական գործիչ, հազարապետ-զօրավար.

– «Թրքական լոպիական կառոյցներն ու անոնց ազդեցութիւնը հայ-ռուսական յարաբերութիւններուն վրայ», զեկուցող` Վիքթոր Նատէին-Ռայեւսքի, Ռուսիոյ ազգային ակադեմիայի համաշխարհային տնտեսութեան եւ միջազգային յարաբերութիւններու հիմնարկի յառաջատար մասնագէտ, Սեւծովեան եւ Կասպիցծովեան շրջանի քաղաքական-ընկերային հետազօտութիւններու հիմնարկի տնօրէն.

– «Արցախի ճանաչման հրամայականը համաշխարհային եւ շրջանային անվտանգութեան պարունակին մէջ», զեկուցող` Ռուբէն Զարգարեան.

– «Հայ-ռուսական յարաբերութիւններուն մէջ առկայ կնճիռներն ու անոնց լուծման վերաբերող ճամբու քարտէսը», զեկուցող` Նարեկ Առաքելեան, քաղաքագէտ, Ռուսիոյ արտաքին գործոց նախարարութեան դիւանագիտական ակադեմիայի մագիստրոս, հասարակական գործիչ:

Համաժողովի աւարտին կազմուեցաւ աշխատանքային խումբ, որ պիտի մշակէ եւ մասնակիցներուն վաւերացման ներկայացնէ առաջարկներու եւ ուղերձներու հռչակագիր մը` ուղղուած երկու երկիրներու կառավարութիւններուն:

 

Be the first to comment

Leave a Reply

Your email address will not be published.


*