Հ.Օ.Մ.-ի «Սօսէ» Մանկապարտէզը՝ Լուսանկարիչի Ոսպնեակի Ետին

Հ.Օ.Մ.-ի., «Սօսէ» մանկապարտէզը պաշտօնապէս բացաւ իր դռները Ստեփանակերտի մէջ, հայրենի ազատ երկնքի տակ:
Մօտ երեք բախտորոշ տասնամեակներ անցած են այն թուականէն, երբ ազատագրական արիւնալի պատերազմէն նոր դուրս եկած նորազատ Արցախի իշխանութիւնները Հայ Օգնութեան Միութեան կը նուիրէին թշնամի ռմբակոծումներէ կիսաքանդ շէնք մը` վերակառուցելու եւ ի սպաս դնելու զայն պատերազմի որբերու եւ օգնութեան կարօտ ընտանիքներու մանուկներուն որպէս ապաստան: Տարին չանցած` Հ.Օ.Մ.-ի «Սօսէ» մանկապարտէզ-մանկամսուրը գործի կ՛անցնէր երեքէն վեց տարեկան 87 երեխաներով:
Այսպէս, 1998-ին, կիսանորոգ այդ շէնքին մէջ հիմը կը դրուէր, այսօր արդէն` պատմական դարձած, Հ.Օ.Մ.-ի «Սօսէ» մանկապարտէզներու հայրենի հողի վրայ կառուցուող ցանցին:


Աշխարհատարած սփիւռքի տարբեր գաղութներէ, Հայաստանէն եւ Արցախէն հազարաւոր Հ.Օ.Մ.-ականներ եւ հայորդիներ 6 սեպտեմբերին նուիրական առաքելութեամբ մը համախմբուած էին Ստեփանակերտի մէջ` բոլոր յարմարութիւններով օժտուած գեղեցիկ մանկապարտէզի նոր շէնքին պաշտօնական բացումը կատարելու, որուն ներկայ էին նաեւ Արցախի նախագահ Բակօ Սահակեան, Ազգային ժողովի նախագահ Աշոտ Ղուլեան, վարչապետ Արա Յարութիւնեան, պաշտօնատար այլ անձնաւորութիւններ, ներկայացուցիչներ Հայաստանէն և սփիւռքէն:
Ստեփանակերտի «Ապառաժ» թերթի լուսանկարիչ Լուսինէ Թեւոսեան կրցած է լուսանկարել, արդէն իսկ գործող մանկապարտէզի չյիշատակելի ակնթարթները:
անոնց կողքին` հաւատարիմ իր մարդասիրական հայրենանուէր առաքելութեան:

Be the first to comment

Leave a Reply

Your email address will not be published.


*