Քոնկրէսի Անդամներ Պաշտպանած են Ցեղասպանութիւններու Կանխարգիլման Մասին Բանաձեւի Ընդունումը

 ՈՒԱՇԻՆԿԹԸՆ.- Հայ դատի յանձնախումբը կը յայտնէ թէ Միացեալ Նահանգներու Քոնկրէսի աւելի քան 100 անդամ պաշտպանած է ցեղասպանութիւններու կանխարգիլման մասին բանաձեւը:

Ցեղասպանութիւններու պատմութեան եւ Հայաստանի ու Արցախի դէմ Ատրպէյճանի եւ Թուրքիոյ կողմէ աճող յարձակումներուն հանդէպ   հետաքրքրութիւնը յառաջացուցած է օրէնսդիրներուն ուշադրութիւնը: Ատիկա արձանագրած է Հայ դատի գրասենեակը ամբողջ երկրին մէջ 200 օրէնսդիրներու հետ հանդիպումներու ընթացքին: Հայ դատի յանձնախումբի գործադիր տնօրէն Արամ Համբարեան քոնկրեսականներուն շնորհակալութիւն յայտնած է բանաձեւին աջակցելու համար:

Քոնկրէսականներու այս աշխուժութիւնը համընկնած է «Խոստում» ժապաւէնի ցուցադրութեան եւ «Մերժման ճարտարապետները» փաստագրական ժապաւէնի ապագայ շնորհահանդէսին: Բանաձեւը կոչ կ՛ուղղէ օգտուելու  Հայոց ցեղասպանութեան դասերէն` Միջին Արեւելքի մէջ ապագայ  ցեղասպանութիւնները կանխելու համար:

 

Be the first to comment

Leave a Reply

Your email address will not be published.


*