Ազդանշանը Տրուեցաւ Հայաստան-Սփիւռք Համաժողովին


Սեպտեմբեր 17-ին, Հայաստան-Սփիւռք Համահայկական 6-րդ համաժողովի պաշտօնական բացման նախօրեակին՝ Սփիւռքի նախարարուհի Հրանոյշ Յակոբեան համաժողովի 1400 մասնակիցներուն ի պատիւ ընդունելութիւն մը կազմակերպած էր Փարավոն ճաշարանային համալիրին մէջ։
Համաժողովը կը կրէ «Փոխադարձ վստահութիւն, միասնականութիւն եւ պատասխանատւութիւն» խորագիրը։ Սփիւռքի նախարարութեան հիմնադրումէն ետք աւանդութիւն դարձաւ երկու տարին մէկ՝ Հայաստան-Սփիւռք համաժողովներու կազմակերպումը։

Մասնակիցները պիտի բաժնուին չորս տարբեր խումբերու՝ աշխատանք տանելու համար չորս տարբեր ուղղութիւններով՝ տնտեսական զարգացում, պաշտպանական համակարգ, արտաքին քաղաքականութիւն եւ հայապահպանութիւն։ Միաժամանակ պիտի ստեղծուի Համահայկական խորհուրդ։
Հրաւիրեալներու շարքին էր Թուրքիոյ խորհրդարանի անդամ Կարօ Փայլանը:

Be the first to comment

Leave a Reply

Your email address will not be published.


*