Սոփրանօ Կարինէ Պապաճանեանի Ելոյթը Իտալիոյ Մէջ

Իտալացի հռչակաւոր երաժիշտ եւ յակտապէս օփերայի բնագարառէն ներս մասնագիտացած՝ Ճիաքոմօ Փուչինիի երգի փառատօնին, ելոյթ ունեցաւ սոփրանօ Կարինէ Պապաճանեանը՝ Յուլիս 21-28-ին:
Իտալիոյ Թոսքանա շրջանին մէջ կայացած եւ ամբողջովին Փուչինիի գործերուն նուիրուած փառատօնին Պապաճանեան ստանձնած էր Միմիի դերը: Բեմին վրայ տպաւորիչ ներկայութեամբ, գեղեցիկ ձայնով ու հմուտ դերակատարութեամբ, ան հմայեց հարիւրաւոր հանդիսատեսներ, որոնք զինք դիմաւորեցին եւ քաջալերեցին յոտնկայս երկար ծափահարութիւններով։
Պապաճանեան իր երաժշտական ուսումը ստացած է Երեւանի մէջ՝ ուսուցիչ ունենալով վաստակաւոր արուեստագէտ Տաթեւիկ Սազանդարեանը։ 1999-ին մեկնած է Գերմանիա, ուր օփերայի դերերով հանդէս եկած է զանազան քաղաքներու բեմերէն՝ Շթութկարթ, Միւնիխ, Հաննովըր, մեծ յաջողութիւն արձանագրելով մշակոյթի եւ երգարուեստի աշխարհին մէջ։ Մասնակցած է Գերմանիոյ տարածքին կազմակերպուած բազմաթիւ փառատօներու։
Իտալական մամուլը եւ լրատուամիջոցները բարձր գնահատանքով արձագանգեցին Պապաճանեանի այս տպաւորիչ ելոյթին։

Be the first to comment

Leave a Reply

Your email address will not be published.


*