Հ.Յ.Դաշնակցութեան Ա.Պ.Հ. Երկիրներու Ուսանողական Բանակում


Օգոստոս 20-ին, Ծաղկաձորի մէջ, աւարտեցաւ Հ.Յ.Դ. Բիւրոյի Երիտասարդական գրասենեակի նախաձեռնութեամբ կազմակերպուած Անկախ Պերութիւններու Հասարակապետութեան երկիրներու ուսանողական առաջին բանակումը, որուն մասնակցեցան հարիւր ուսանողներ տարբեր երկիրներէ։
Բանակումին մասնակցեցան աւելի քան 100 ուսանողներ: Ողջոյնի խօսք յղեցին Հ.Յ.Դ. Բիւրոյի Երիտասարդական գրասենեակի պատասխանատու Սարգիս Մկրտչեան եւ բանակումի ընդհանուր պատասխանատու Խաչատուր Ստեփանեան:
Սարգիս Մկրտչեան կարեւոր նկատելով նման ձեռնարկի մը իրականացումը, շեշտը դրաւ բանակումի նպատակին վրայ, որն է Ա.Պ.Հ. երկիրներու տարածքին, յատկապէս Ռուսաստանի, երիտասարդները համախմբելը, զանոնք կազմակերպելը, վերածելը ուժի մը, հզօր ուժի, որ ի զօրու ըլլայ իր գործունէութեամբ նպաստելու հայրենիքի հզօրացման եւ զարգացման: Մկրտչեան յոյս յայտնեց, որ բանակումը իսկապէս կը ծառայէ իր նպատակին:
Խաչատուր Ստեփանեան կարեւոր նկատեց անկախ պետականութեան կայացման եւ հզօրացման գործին մէջ հայ երիտասարդութեան եւ ուսանողութեան դերն ու ընելիքը: Խ. Ստեփանեանի համաձայն, բանակումին մասնակիցները կարեւոր ընելիք ունին իրենց շրջապատին մէջ` ի նպաստ հայոց պետականութեան հզօրացման լայնածաւալ գործունէութիւն իրականացնելու մէջ:
Բանակումին առաջին օրը շրջաններու ներկայացուցիչները ներկայացուցին իրենց պատկան շրջանի երիտասարդութեան իրավիճակը, խնդիրներն ու իրենց կատարած աշխատանքները:
Հ.Յ.Դ. Բիւրոյի անդամ Կիրօ Մանոյեան դասախօսութեամբ մը ներկայացուց Հայ Դատի աշխատանքները եւ պատասխանեց ներկաներու բազմաթիւ հարցումներուն:
Մասնակիցները հետեւեցան Հայաստանի ներքին եւ արտաքին քաղաքականութեան, հայկական սփիւռքին, Հ.Յ.Դ.-ի պատմութեան եւ կատարելիք աշխատանքներուն, երիտասարդութեան դերակատարութեան մասին դասախօսութիւններու: Դասախօսութիւններուն նիւթերը առանձին քննարկուեցան աշխատանոցներու ընթացքին, ուր բանակումին մասնակիցները կարելիութիւն ունեցանքննարկուող հարցերուն վերաբերեալ ներկայացնելու իրենց տեսակէտները: Նաեւ կազմակերպուեցան արշաւներ, խաղեր, խրախճանք, խարոյկահանդէս:
Բանակումին կարգախօսն էր` «Կազմակերպուածութիւնը ուժ է»:
Դասախօսութիւններով հանդէս եկան նաեւ Հրանդ Մարգարեան, Հրաչ Թադէոսեան, Սարգիս Մկրտչեան, Լեւոն Մկրտչեանը, Խաչատուր Ստեփանեան, Արա Նռանեան եւ Գեղամ Մանուկեան։
Մասնակիցները քննարկեցին դասախօսութիւններու ընթացքին արծարծուած մտքերը:
Փակման խօսքով ելոյթ ունեցան մասնակից տարբեր շրջաններու ներկայացուցիչներ, բանակումի ընդհանուր պատասխանատու Խաչատուր Ստեփանեանը եւ Հ.Յ.Դ. Բիւրոյի Երիտասարդական գրասենեակի պատասխանատու Սարգիս Մկրտչեանը։

Be the first to comment

Leave a Reply

Your email address will not be published.


*