Հայ Դատի Յանձնախումբը Կը Մասնակցի Սպիտակ Տան Առջեւ Կատարուած Եզիտիներու Ցեղասպանութեան Ոգեկոչման

 

ՈՒԱՇԻՆԿԹԸՆ.- Օգոստոս 3-ին, Ամերիկայի Հայ դատի յանձնախումբի անդամներ եւ համակիրներ իրենց մասնակցութիւնը բերին, Սպիտակ տան առջեւ տեղի ունեցած եզիտիներու ցեղասպանութեան ի յիշատակ մոմավառութեան եւ ոգեկոչման ձեռնարկին:
Ոգեկոչումը կազմակերպուած էր «Ազատ Եզիտիներ» հիմնարկին եւ Ամերիկեան եզիտի կեդրոնին միացեալ ջանքերով` Իրաքի Շինկալ (Սինճար) շրջանին վրայ ՏԱՀԵՇ ահաբեկչական կազմակերպութեան յարձակումին երրորդ տարեդարձին առթիւ:
Այդ յարձակումին ընթացքին հազարաւոր կիներ եւ երեխաներ սպաննուած էին, իսկ ուրիշներ առեւանգուելով` սեռային ստրուկներ դարձած էին:
2016-ին Ներկայացուցիչներու տունը «ցեղասպանութիւն» որակած էր քրիստոնեաներու, եզիտիներու եւ ցեղային ու կրօնական այլ փոքրամասնութեանց դէմ ՏԱՀԵՇ-ի գործած ոճիրները:
2014-ի յարձակումէն ետք մօտաւորապէս յիսուն եզիտի ընտանիքներ ապաստանած էին Հայաստան, ուր կը բնակին քառասուն հազար եզիտիներ:

 

Be the first to comment

Leave a Reply

Your email address will not be published.


*