ԵԱՀԿ-ի Մինսքի Խմբակի Նախագահները Արցախ Եւ Հայաստան Այցելեցին

minsk2

Արցախի Հանրապետութեան նախագահ Բակօ Սահակեան Հոկտեմբեր 24-ին Ստեփանակերտի մէջ ընդունեց ԵԱՀԿ-իՄինսքի խմբակի համանախագահներ՝ Իկոր Փոփովը (Ռուսաստան), Փիէր Անտրիէօն (Ֆրանսա), Ճէյմս Ուորլիքը (Միացեալ Նահանգներ), ԵԱՀԿ-ի նախագահի անձնական ներկայացուցիչ, դեսպան Անճէյ Քասփրչիքը: Նախագահ Սահակեան երախտագիտութիւն յայտնեց ֆրանսացի պաշտօնաւարտ համանախագահ Փիէր Անտրէօյին՝ անոր ազնիւ ու արդիւնաւէտ աշխատանքին համար։
Հանդիպման ընթացքին քննարկուեցան հակամարտութեան կարգաւորման եւ վերջին զարգացումներուն առընչուող հարցեր:
Նախագահ Սահակեան կարեւոր նկատեց զինադադարի պահպանման ու խախտումներու բացայայտման վերաբերող միջոցներու մշակման անհրաժեշտութիւնը՝ զայն նկատելով խաղաղ գործընթացի առանցքային բաղադրիչներէն մէկը:
Հոկտեմբեր 25-ին, պատուիրակութիւնը անցնելով Հայաստան, տեսակցութիւններ ունեցաւ նախագահ Սերժ Սարգսեանի, Պաշտպանութեան նախարար Վիգէն Սարգսեանի եւ Արտաքին գործոց նախարար Էդուարդ Նալպանտեանի հետ:

Be the first to comment

Leave a Reply

Your email address will not be published.


*