EUTANASIA.- Բժ. Ժագ Գէորգեանին

Dr. Jack Kevorkian

 

ՅԱԿՈԲ  ՆԱԼՊԱՆՏ  ՏԼՏԼԵԱՆ

Հալէպ                

Փետրուար 7, 2011

 

Ինծի օգնէ՛«մարդասպան»

Որ քիչ առաջ սպաննած զոհը

Միասին շալակնիս նետած

Տանինք

Ըստ կարգին թաղենք

Յետոյ քեզ մեր տուն հրաւիրեմ

Զոհիդ արեան հետքերէն

Մաքրուելու համար

 

Լոգանք մը ընդունիր

Մինչ այդ

Ես արնաթաթախ հագուստներդ

Վերացնեմ

Արդուկուած նոր տարազ մը

Քեզի համար պատրաստեմ

Վերջը սպանութեան ծէսին

Օգտագործուած միջոցները

Հականեխեմ        փայլեցնեմ

Եւ սկսիմ սպասել

Սպանումիս ծիսակատարութեան

Նոյն «ոճրագործի»

Կատարելագործութեամբ

Եւ խղճի խորունկ անդորրով

Զի մահն այդքան մօտ կը զգամ

Բազմաչարչար հոգւոյս ալեկոծութիւններուն

Վերջալոյսին

 

Դեռ կարգի սպասող

Եւ իրենց «ոճրագործները» փայփայող

Ինչքան մահանալ ուզողներ

Տենչանքով այրողներ կան

Առանց ինքնասպանութեան

Քաջութեան տիրանալու

 

Ինծի օգնէ՛ «մարդասպան»

Be the first to comment

Leave a Reply

Your email address will not be published.


*