ՎԱՂԸ ԱՌՏՈՒ ԿԻՐԱԿԻ Է

sunday-morning

ՅԱԿՈԲ ՆԱԼՊԱՆՏ ՏԼՏԼԵԱՆ

Հալէպ, 2010

Հիմա փետուրի մը պէս
թեթեւ եմ
բառերը բերնէս
ծորակներէն հոսող
սահուն ջուրերու նման
հեզասահ կը հոսին
այս իրիկուն
մտածելէ աւելի պէտք է որ զգանք
զգանք ամէն ինչ
կերակուրի համը տեսքը
գինիի բուրմունքը զգլխանքը
նոր լուացուած հագուստներու
փափկութիւնն ու մաքրութիւնը
նորոգուած սաւաններն ու
անկողինը
անկողինը որ աւելի տաք
աւելի հարազատ
եւ աւելի երազային պիտի ըլլայ
այս գիշեր
որովհետեւ
վաղը առտու Կիրակի է

 

Be the first to comment

Leave a Reply

Your email address will not be published.


*