«Ոսկէ Ծիրան»ի 12-րդ Փառատօն

600x450xgolden-Apricot-moscow-cinema.jpg.pagespeed.ic.1i3jBAwHAX

ԵՐԵՒԱՆ.- Կիրակի, Յուլիս 12-ին, «Ալեքսանտր Սպենդիարեան»ի անուան օփերայի եւ պալէի ազգային ակադեմական թատրոնին մէջ, նախանցեալ օր տեղի ունեցաւ Երեւանեան «Ոսկէ Ծիրան» 12-րդ միջազգային շարժապատկերի փառատօնի բացման հանդիսաւոր արարողութիւնը: apricot2
Նախքան, բացման հանդիսութիւնը, կատարուեցաւ ծիրանի օրհնութիւն, ապա տեղի ունեցաւ կարմիր գորգի հանդիսաւոր արարողութիւնը, որուն մասնակցեցան փառատօնի պատուաւոր հիւրեր՝ Օռնելա Մութի եւ Նասթազիա Քինսքի, ինչպէս նաեւ հռչակաւոր բեմադրիչ, Հայաստանի Հանրապետութեան արուեստի վաստակաւոր գործիչ եւ ժողովրդական արուեստագէտ Արտաւազդ Փելեշեան, բազմաթիւ անուանի արուեստագէտներ, հիւրեր եւ լրատուամիջոցներու ներկայացուցիչներ: Փառատօնի հիմնադիր տնօրէն Յարութիւն Խաչատրեան յայտնեց թէ, Հայոց Ցեղասպանութեան հարիւրերորդ տարելիցին առիթով, այս տարի մուտք գործած են «Մենք Կանք» եւ «Այլեւս Երբեք» ծրագիրները:
12-րդ «Ոսկէ ծիրան»ը այս տարի ստացած է աւելի քան 1600 դիմում 105 երկիրներէ: Ընտրուած մօտ 200 ժապաւէնները բաշխուած են չորս մրցութային ու արտամրցութային ծրագիրներու վրայ:IMG_7679wYBdXqvcSJLZtZXQWmeeAsymmW
Հայաստանի Հանրապետութեան նախագահ Սերժ Սարգսեան հանդիպում ունեցաւ «Ոսկէ ծիրան» 12-րդ միջազգային շարժապատկերի փառատօնի պատուաւոր հիւրերու եւ Հայաստանէն ու աշխարհի տարբեր երկիրներէն փառատօնին մասնակցող շարժապատկերի մարզի գործիչներուն հետ:
Նախագահը ողջունեց հանդիպումին մասնակիցները, նաեւ` անոնց մասնակցութիւնը աւանդութիւն դարձած «Ոսկէ Ծիրան» շարժապատկերի փառատօնին, որուն շնորհիւ, ըստ նախագահ Սերժ Սարգսեանի, համաշխարհային շարժապատկերի լաւագոյն նմուշները կը ներկայացուին հայ հանդիսատեսին:flHErojaCPTsvy8NLPjLDq2oDtujYN50GoZEnm603BABKSzXHx8c
Հանրապետութեան նախագահը ոչ պակաս կարեւոր նկատած է, որ ամէն տարի փառատօնի շրջագիծին մէջ Երեւան հասած համաշխարհային շարժապատկերի լաւագոյն ներկայացուցիչներն ալ կը ճանչնան Հայաստանն ու կը ծանօթանան հայ ժողովուրդի դարաւոր պատմութեան եւ հարուստ մշակութային ժառանգութեան: Սարգսեան յաջող ընթացք մաղթեց «Ոսկէ Ծիրան» 12-րդ միջազգային շարժապատկերի փառատօնին:apricot13_2N2FM1BKpKMxMMX3IJXGyNyhaf3
Նշենք թէ «Ոսկէ Ծիրան» կազմակերպութիւնը, Հարիւրամեակին նուիրուած նախաձեռնութիւնները համակարգող պետական յանձնաժողովին եւ մշակոյթի նախարարութեան հետ համագործակցաբար կազմակերպեց շարժապատկերի ցուցադրութիւններ` շուրջ տասը երկիրներու մէջ: Ծրագիրը կ’ընդգրկէ նաեւ ժապաւէններու մասին քննարկումներ եւ դասախօսութիւններ:
Առաջին ձեռնարկը տեղի ունեցաւ Փետրուար 24-ին, հայագիտական «Անիւ» կազմակերպութեան աջակցութեամբ Պիելառուսիոյ մայրաքաղաք Մինսքի պետական համալսարանի պատմութեան բաժինին մէջ: Ընտրուած էր «Ճչացողները»` բեմադրիչ Քարլա Կարապետեանի ներկայութեամբ: Այլ ձեռնարկ մը տեղի ունեցաւ Մոսկուայի մէջ:
Ցուցադրութիւններ տեղի կ’ունենան նաեւ` Գերմանիոյ, Պուլկարիոյ, Լիթուանիոյ, Լեհաստանի, Ֆրանսայի, Զուիցերիոյ, Իրանի եւ Թուրքիոյ մէջ:

Be the first to comment

Leave a Reply

Your email address will not be published.


*