2015` Ոչխարի Տարի

0 0
Read Time:3 Minute, 10 Second

P13 Chinese-Year-of-The-Sheep-Goat-2015

Պատրաստեց` ԳԷՈՐԳ ՊԵՏԻԿԵԱՆ

Այս տարին չինական 4712-րդ տարին է, որուն լուսնային օրացոյցին համաձայն, նոր տարին, որ կը սկսի 19 փետրուար 2015-ին, կ՛անուանուի «ոչխարի տարի»:
Համաձայն չինական աւանդութեան, երբ Պուտտան երկինք պիտի բարձրանար, ուզած էր իրեն հետ իր աստուծոյն տանիլ 12 անասուններ: Անմիջապէս իր խնդրանքին ընդառաջած էր մուկը կամ առնէտը եւ ապա անոր յաջորդած էին` ցուլը, վագրը, ճագարը կամ նապաստակը, վիշապը, օձը, ձին, ոչխարը, կապիկը, աքլորը, շունը եւ խոզը:
Իր կարգին, Պուտտան իւրաքանչիւր անասունի անունը տարուան մը անունով մկրտած է: Ուրեմն չինական առաջին տարին սկսած է մուկով եւ անոր յաջորդած են միւսները: Այս ձեւով, ամէն 12 տարին անգամ մը կրկնուած է անասունին անունը: Ուստի, չինական աստղագիտութիւնը տարիները բաժնած է 12 անասուններու անուններով:
Այս որդեգրումը ընդունուած էր քրիստոնէական օրացոյցի ծնունդէն շատ առաջ եւ բաժնուած էր 12-ի, որովհետեւ մարդիկ նշմարած էին, թէ իւրաքանչիւր տարուան ընթացքին 12 անգամ լիալուսին կը տեսնուէր: Իւրաքանչիւր անասուն ունի իր յատուկ նկարագիրը` տարբեր միւսներէն:
Ոչխարը կը գրաւէ այս շարքի 8-րդ տեղը:P13 FFF
Ստորեւ` չինական տարիներու դասաւորումը.

Առնէտ.- 1900-1912-1924-1936-1948-1960-1972-1984-1996-2008-2020
Ցուլ.- 1901-1913-1925-1937-1949-1961-1973-1985-1997-2009-2021
3.- Վագր.- 1902-1914-1926-1938-1950-1962-1974-1986-1998-2010 -2022

4.- Նապաստակ.- 1903- 1915-1927-1939-1951-1963-1975-1987-1999-2011-2023

5.- Վիշապ.- 1904-1916-1928-1940-1952-1964-1976-1988-2000-2012-2024

6.- Օձ.- 1905-1917-1929-1941-1953-1965-1977-1989-2001-2013-2025

7.- Ձի.- 1906-1918-1930-1942-1954-1966-1978-1990-2002-2014-2026

8.- Ոչխար.- 1907-1919-1931-1943-1955-1967-1979-1990-2003-2015-2027-2039

9.- Կապիկ.- 1908-1920-1932-1944-1956-1968-1980-1992-2004-2016-2028

10.- Աքլոր.- 1909-1921-1933-1945-1957-1969-1981-1993-2005-2017 -2029

11.- Շուն.- 1910-1922-1934-1946-1958-1970-1982-1994-2006-2018-2030

12.- Խոզ.- 1911-1923-1935-1947-1959-1971-1983-1995-2007-2019-2031

Դրական Կէտեր

Բարեկամ, խելացի, վիպապաշտ, հնազանդ: Իրենց սխալներէն օգտուող: Կ՛ըլլան հպարտ եւ միաժամանակ` շուտով յաջողութեան հասնող: Ուժի գործածութեան դէմ են: Կը սիրեն խումբով աշխատիլ ու գործել: Ստեղծագործ են եւ դիրքի տէր:

Ժխտական Կէտեր

Կարելի չէ վստահութիւն ունենալ անոնց վրայ` վտանգաւոր են: Կ՛ըլլան նաեւ կռուազան եւ շատ գերզգայուն: Միշտ կը սիրեն անկախ ապրիլ: Հպարտ են իրենց անձով: Երկչոտ են, սակայն նաեւ` ընկերային: Շնորհիւ իրենց հանդարտ նկարագիրին, շատ անգամ կը մեկուսանան ու շրջապատէն կը հեռանան: Երբեմն անհոգ են, յաճախ ալ` քմահաճ եւ յոռետես:
Ոչխարի Տարուան Ծնունդ Նշանաւոր Անձեր.-
Մարք Թուին, Թովմաս Էտիսըն, Վալանթինօ, Պարպարա Ուալթըր, Ճորճ Պըրնզ, Սըր Լորընս Օլիվիէ, Պրուս Ուիլիս, Մոհամետ Ալի, Ռապըրթ Տը Նիրօ, Մել Կիպսըն, Միխայէլ Կորպաչով, Ճոն Ուէյն, Քաթրին Տընէօվ, Տեպրա Վինկըր:
Ոչխարի տարուան ծնածները ընդհանրապէս կ՛ըլլան` դերասան, բժիշկ, ուսուցիչ, սափրիչ, խմբագիր, գիր գրականութեամբ զբաղող, լաւ ընթերցող, շարժանկարի արուեստի մէջ նշանաւոր եւ հանրայայտ: Ոչխարը յայտնի է իր` մարդուն շատ մօտիկութեամբ: Մէկ խօսքով, յատկանշական են «ոչխարի» ընտանի ըլլալն ու հանդարտութիւնը:
Ըստ չինական աստղագիտութեան, ոչխարի տարին ծնածները կ՛ըլլան հանդարտ, զգայուն, իմաստուն, հաւատարիմ եւ հաւատքով լեցուն` իրենց պատկանած կրօնին: Կ՛ըլլան նաեւ` տնտեսող, մարդասէր, ընկերասէր եւ ընտանիքին համար զոհուած անձեր: Ընտանիքը անոնց համար սրբութիւն է, անոնց համար մարդկային ընկերային յարաբերութեան մէջ օրինակելի են: Կը սիրեն հաւաքական եւ ընկերային կեանքը:
Անոնց հետ հաստատուած բարեկամութիւնը կ՛ըլլայ խոր եւ երկար տարիներու վրայ տարածուած: Կը սիրեն միշտ օգնել: Կ՛ըլլան նաեւ նախանձոտ: Նախաձեռնող ըլլալով հանդերձ, վստահելի ալ են: Շատախօս չեն, բայց երբ անգամի մը համար իրենց խօսելու առիթ տրուի, երկար կը խօսին:
Անոնք քաջատեղեակ են, թէ ոչ մէկ տարի առանց հարցերու եւ դժուարութիւններու կ՛անցնի: Նիւթապէս ապահով կեանք մը կ՛ունենան, որովհետեւ շատ չեն ծախսեր, կամ ալ շատ հաշիւով կը ծախսեն ու երկար ժամանակ կը յատկացնեն որեւէ գնումէ առաջ:
Անոնց հաւատքը տարիքի հետ կապուած չէ: Անոնց համոզումը միշտ անխախտ մնացած է, նոյնիսկ` յառաջացած տարիքի: Ծափահարուիլը չեն սիրեր: Շքանշաններ ստանալու «խենթ» չեն:
Ոչխարին լաւ ամիսներն են` Փետրուար, Օգոստոս:
Բախտաւոր թիւերն են` 2-7-44:
Նախասիրած գոյները` կանաչ, կարմիր:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles