ԼԱԲԻՒՐԻՆԹՈՍԱՅԻՆ ԿԱՑՈՒԹԻՒՆ՝ ԻՐԱՔԻ ԵՒ ԱՐԵՒԵԼՔԻ ՄԷՋ

0 0
Read Time:2 Minute, 6 Second

 

ՀԱՅՐԵՆԻՔ 

Ծաղրանկար՝ Փիթըր Շրանքի (՝՝Տի Ինտիփենտընթ՝՝ - Լոնտոն)
Ծաղրանկար՝ Փիթըր Շրանքի (՝՝Տի Ինտիփենտընթ՝՝ – Լոնտոն)

Ապրիլ 9, 2003…Արդէն իսկ քսան օրեր անցած էին Իրաքի վրայ կատարուած Արեւմտեան ներխուժումէն: Ամերկեան ուժերը հասած էին մայրաքաղաք Պաղտատի դռները, եւ այդ օր, երբ Ա.Մ.Ն.-ի ծովուժի մէկ գումարտակի պատասխանատուներ՝ Լիոն Լէմպըրթ եւ Էտուըրտ Չին, հանրածանօթ “Ֆիրտոս“ հրապարակին վրայ գտնուող Սատտամ Հիւսէյնի վիթխարի արձանը տապալեցին, ոչ թէ բուռն դիմադրութեան առջեւ գտնուեցան, այլ ընդհակառակը, տեղւոյն բնակչութիւնը ժամանած էր ծաղիկներով եւ անուշեղէններով: Աւելին, տեղակալ Պրայըն ՄըքՔոյ յատուկ թեքնիք պատրաստութիւններ տեսած էր, վայրկեանը վայրկեանին ուր Պաղտատ մուտքի դժուարութիւններուն մասին կեդրոնատեղի տեղեկութիւններ փոխանցելու համար: ՄըքՔոյի մտահոգութիւնները ի դեռեւ դուրս եկած էին: Լաւապէս զինուած ու պատրաստուած “Մարին“ները կը դիմաւորուէին թէյով եւ քաղցրեղէններու սպասարկութեամբ եւ այդ օր ընդդամէնը հազիւ քանի մը փամփուշտ պէտք եղած էր արձակել:

Մինչ այդ օրերուն, թէ՛ աշխարհագրականօրէն եւ թէ՛ տեղեկատուական բնագաւառէն ներս, գոյութիւն չունէր “Իսլամական Պետութիւն Իրաքի եւ Արեւելքի մէջ“ (աւելի ծանօթ “ՏԱՀԵՇ“ անունով) խմբաւորումը, որ կազմաւորուած էր Հոկտեմբեր 2006-ին, “Քայիտա“ շարժման մօտիկ Սիւննի դաւանանքի պատկանող ծայրայեղականներու կողմէ։
Յունիս 22, 2014… Քանի մը օրերու ընթացքին ծայր առած յարձակում մը, բաւարար եղաւ որ քանի մը ժամէն Մուսուլի նման հսկայ լայնատարած քաղաք մը “ՏԱՀԵՇ“ի հակակշռին տակ առնուի իր դրամատուներով, մթերանոցներով եւ Իրաքեան բանակին տրամադրուած, ամերիկեան ամենէն աւելի արդիակացած զինուորական կազմածներով: “ՏԱՀԵՇ“ խմբաւորման շղթայազերծած գրոհը, ոչ թէ միայն հասած է Պաղտատի դռները, այլ իր տիրապետութեան տակ ունի հսկայ հողաշերտ մը, որ կը սկսի Հալէպի Արեւելեան շրջաններէն ու կը հասնի Պաղտատի հիւսիս-արեւմտեան շրջանները, իր մէջ ընդգրկելով Ռաքքան, Իտլիպն ու Տէյր Զօրի շրջանները…եւ նոյնիսկ Սատտամ Հիւսէյնի ծննդավայր Թիքրիթը: Աւելի քան եօթ միլիոն բնակչութիւն ընդգրկող այս հողաշերտին մէջ “ՏԱՀԵՇ“ի խալիֆայութիւնը գրեթէ բաժնած է Սուրիոյ եւ Իրաքի սահմանները:
Յունիս 7, 2006…Շուրջ 500 փաունտ ծանրութեամբ (23 քլկ.) ռումբ մը Իրաքի Պաքուպա շրջանի մօտակայքը…բաւարար եղաւ որ սպաննուի այդ օրերու “Քայիտա“ի Իրաքի շրջանի պատասխանատու՝ Այման Զարքաուին: Անոր “մնացորդաց“ հետեւողները փախուստ տուած էին հիւսիսային Անպարի շրջանը եւ հոն ալ հալածուած եւ մեծամասնութեամբ սպաննուած ամերիկեան ուժերուն կողմէ:
Յունիս 22, 2014…Արեւմտեան աշխարհը կը փնտռէ անգտանելին…“ՏԱՀԵՇ“ի ամենէն աւելի վտանգաւոր ղեկավարը՝ Ապու Պաքր Ալ Պաղտատին, որ նոյնիսկ իր մօտիկ բարեկամներուն հետ…երեսը ծածկած դիմակով կը ներկայանայ:
Էֆ. Պի. Այ.-ը պատրաստ է տաս միլիոն տոլար տրամադրելու այն անձին որ, տեղեկութիւններ կը փոխանցէ այս վտանգաւոր ղեկավարին՝ Ալ Պաղտատիին առնչութեամբ:
…Մինչ այդ 2005-ին այդ փնտռուած Ալ Պաղտատին ձերբակալուած էր նոյնինքն ամերիկեան գաղտնի սպասարկութեան կողմէ եւ վեց տարի շարունակ բանտարկուելէ ետք…2011-ին, ամերիկեան ուժերու հրաժեշտին առթիւ շնորհուած ընդհանուր ներման որոշումին արդիւնք, ազատ արձակուած էր:
Այսքանը բաւարար է, բնութագրելու համար լաբիւրինթոսային կացութիւնը՝ Իրաքի եւ Արեւելքի մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԼՈՅՍ ՏԵՍԱՒ .-  SISTERS OF MERCY AND SURVIVAL – ARMENIAN NURSES (1900-1930)
Next post ՍԹ­ՐԱԶ­ՊՈՒՐ­ԿԻ ՄԷՋ  Ա­ԼԻ­Ե­ՒԻ ԴԷՄ ՑՈՅՑ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles