ՍՈՒՐԻԱԿԱՆ ԲԱՆԱԿԸ ԳՐԱՒԵՑ ՔԵՍԱՊԸ

0 0
Read Time:59 Second

Kessab-liberated-4
Shamtimes սուրիական անկախ լրատուական գործակալութիւնը կը յայտնէ, թէ Յունիս 14¬ի երեկոյեան, սուրիական բանակի յառաջապահ ստորաբաժանումները մուտք գործած են Քեսապի քաղաքակեդրոն եւ հասած միչեւ հրապարակ, ուր բարձրացուցած են սուրիական դրօշը։

Ըստ նոյն աղբիւրին եւ այլ լրատուական ցանցերու, նոյն օրուան ընթացքին Երկու Աղբիւրի եւ Քեսապի շրջակայ այլ ճակատներու վրայ պարտութիւն կրած նահանջող ահաբեկչական զինեալ խմբաւորումներուն դիմաց թրքական սահմանապահ ուժերը փակած են սահմանը։kes3

Kessab-liberated-2Kessab-liberated-3Kessab-liberated-6Kessab-liberated-12kessab 22Սուրիական ընդդիմութեան պաշտօնական խօսափողը հանդիսացող Syrian Observatory for Human Rights տեղեկատուական գրասենեակը Յունիս 14֊ին յայտարարեց, որ Քեսապի ճակատէն հեռացած են Սուրիոյ իշխանութիւններուն հակադրուող Սուրիոյ Ազատ բանակի զինեալները, ինչպէս նաեւ արմատական իսլամական Ժապհաթ Ալ Նուսրա, Ահրար Ալ Շամ, Հարաքաթ Շամ Ալ Իսլամ կազմակերպութիւններու զինեալ խմբաւորումները, որոնք նահանջած են դէպի Ժապալ Ալ Աքրատ։ Քեսապի շրջակայքը մնացած են փոքր թիւով Անսար Ալ Շամի զինեալներ եւ թուրքմէն զինեալներ։ Նոյն աղբիւրը յայտնեց նաեւ, թէ սուրիական օրինաւոր բանակի յառաջացող ստորաբաժանումներուն կողքին են լիբանանեան Հըզպալլահ կազմակերպութեան զինեալները։kes2

Սուրիական ընդդիմութեան հեռատեսիլի Ալ Մաշրէք կայանը իր հաղորդումներուն մէջ նոյնպէս հաստատեց Քեսապը գրաւած զինեալներու նահանջը, յայտնելով, որ անոնցմէ շատեր չեն յաջողած անցնիլ Քեսապի թրքական սահմանակէտը, որովհետեւ այդ կէտը գրաւած են սուրիական բանակի ուժերը։ Ալ Մաշրէք նաեւ յայտնեց, թէ նոյն օրը, Սուրիոյ Ազատ բանակի զինուորական ատեաններէն եւ Ազատ բանակի ռազմական ճակատի հրամանատարներէն հրաժարած են 9 բարձրաստիճան հրամանատարներ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՊՕՂՈՍ ՍՆԱՊԵԱՆ ՈՉ ԵՒՍ Է
Next post ՔՍԱՆԵՐՈՐԴ ՄՈՆՏԻԱԼԻ ՀԱՅ ՄԱՐԶԻԿՆԵՐԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles