ՀԱՅ ԴԱՏԻ ԹԵԼԵԹՈՆԻ ԴՐԱՄԱՀԱՒԱՔԸ ԳԵՐԱԶԱՆՑԵՑ ԵՐԿՈՒ ՄԻԼԻՈՆԸ

0 0
Read Time:51 Second

anca1 Կիրակի, Յունիս 1ին, Ամերիկայի Հայ Դատի յանձնախումբի հիմնադրամին ի նպաստ թելեթոնին ընթացքին, կարելի եղաւ աւելի քան երկու միլիոն տոլարի նուիրատուութեան խոստումներ ապահովել:

Նախքան թելեթոնը, արդէն իսկ շարք մը հաւաքոյթներ կազմակերպուած էին եւ վարժարաններէ ներս յատուկ նախաձեռնութիւններ կատարուած, թելեթոնին առաւելագոյն աջակցութիւն ապահովելու նպատակով:
Բազմաթիւ կազմակերպութիւններու ներկայացուցիչներ, կամաւորներ, եկեղեցիներ, համայնքային ղեկավարներ, Հայ Դատի մասնաճիւղերու ներկայացուցիչներ, արուեստագէտներ, քոնկրէսականներ եւ նահանգային խորհրդարանի անդամներ մասնակցեցան դրամահաւաքին՝ նպաստելով անոր յաջողութեան:
Ամերիկայի Հայ Դատի յանձնախումբին նկատմամբ ժողովրդային զօրակցութեան աննախընթաց ցուցանիշով մը, տասնեակ հազարաւոր հայեր՝ զանազան շրջաններէ, իրենց օժանդակութիւնը խոստացան պատկերասփռուած յայտագիրին ընթացքին, ուր լուսարձակի տակ առնուեցան վերջին երկու տարիներուն Հայ Դատի իրագործումները, ինչպէս նաեւ՝ տարուելիք աշխատանքները:anca2
Այս տարուան թելեթոնին, յատուկ զարկ տրուեցաւ համացանցային ընկերային ցանցերու՝ Դիմատետր (Facebook), Դայլայլիչ (Twitter) եւայլն, ինչպէս նաեւ “#goANCA“ խորհրդանիշով լուսանկարներու արշաւը մեծ ուշադրութիւն կրցաւ ներգրաւել: Այս ոճով կարելի եղած էր բացատրել թէ, Ամերիկայի Հայ Դատի յանձնախումբի հիմնադրամը նեցուկ կը կանգնի կրթական, երիտասարդական ու քաղաքացիական շարք մը ծրագիրներու՝ գլխաւոր նպատակ ունենալով ազդու կերպով տարածել ամերիկահայութեան ձայնն ու տեսակէտները՝ զօրացնելով ամերիկեան քաղաքացիական կեանքին մէջ հայութեան ներկայութիւնը, միաժամանակ դէմ դնելով հայ ազգի շահերուն դէմ գործող ուժերուն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՄԱԶԳԱՅԻՆԻ 7-ՐԴ ՊԱՏԳԱՄԱՒՈՐԱԿԱՆ ԺՈՂՈՎ 
Next post ՀԱՂՈՐԴԱԳՐՈՒԹԻՒՆ.- ՀԱՄԱԶԳԱՅԻՆԻ Է. ՊԱՏԳԱՄԱՒՈՐԱԿԱՆ ԺՈՂՈՎԻ ԱՒԱՐՏ ԵՒ ԿԵԴՐՈՆԱԿԱՆ ՎԱՐՉՈՒԹԵԱՆ ԸՆՏՐՈՒԹԻՒՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles