ԸՆՏՐՈՒԵՑԱՒ Հ.Յ.Դ. ԳԵՐԱԳՈՅՆ ՄԱՐՄԻՆԸ

0 0
Read Time:1 Minute, 18 Second

kerakouyn  Աղվերանի մէջ, Ապրիլ 18-էն 20, տեղի ունեցաւ Հ.Յ.Դ. Հայաստանի կառոյցի հերթական Գերագոյն Ժողովը:

Հ.Յ.Դ. “Սիմոն Վրացեան“ կեդրոնէն ներս Հ.Յ.Դ. նորընտիր Գերագոյն մարմնի անդամներ` Արմէն Ռուստամեան եւ Աղուան Վարդանեան հանդէս եկան մամլոյ ասուլիսով մը, որուն ընթացքին, անդրադարձան ժողովին քննարկուած նիւթերուն մասին:
Գերագոյն ժողովին ընթացքին քննարկուած հարցերուն մէջ յստակօրէն տեղ գտաւ Հայաստանի նոր կառավարութեան հարցի քննարկումը: Ժողովը վերահաստատեց, որ Հ.Յ. Դաշնակցութիւնը մաս պիտի չկազմէ նոր ձեւաւորուող կառավարութեան: Դաշնակցութեան յայտարարութեան մէջ նշուած էր, որ կուսակցութեան նպատակը եղած է, ու կը շարունակէ մնալ Հայաստանի պետականութեան հզօրացումը, եւ քաղաքացիներու արժանապատիւ, բարեկեցիկ կեանքը:
Յիշեցնենք, որ Գերագոյն Մարմինը որոշած էր` “հետեւիլ իշխանութեան եւ կառավարութեան գործողութիւններին, նրանց հանդէպ վերաբերմունքն ու գործակցութեան ձեւաչափը պայմանաւորել առաջարկուած փաթեթի իրագործման աստիճանով“:
Ժողովի աւարտին ընտրուեցաւ Գերագոյն Մարմնոյ նոր կազմը, որ կը բաղկանայ հետեւեալ անձնաւորութիւններէն.- Արմէն Ռուստամեան, Արծուիկ Մինասեան, Աղուան Վարդանեան, Լիլիթ Գալստեան, Հրաչ Թադէոսեան, Միքայէլ Մանուկեան, Պետրոս Մեղրեան, Արտաշէս Նիկոյեան, Յովհաննէս Թադէոսեան, Վարդան Ալեքսանեան եւ Սամուէլ Երանեան:
Նշենք թէ, Հ.Յ.Դ. խմբակցութեան գրասենեակին մէջ տեղի ունեցած էր Ազգային ժողովի ոչ իշխանական խմբակցութիւններու հերթական հանդիպումը, ուր քննարկուած էին քառեակի հետագայ գործողութիւնները: Այս քննարկման մասնակցեցան Հ.Յ.Դ.-էն` Արմէն Ռուստամեան, Աղուան Վարդանեան եւ Արծուիկ Մինասեան, Հայ Ազգային Քոնկրէսէն` Լեւոն Զուրապեան եւ Արամ Մանուկեան, “Բարգաւաճ Հայաստան“ կուսակցութենէն` Վարդան Օսկանեան, Նայիրա Զոհրապեան եւ Ստեփան Մարգարեան, “Ժառանգութիւն“էն` Ազգային ժողովի պատգամաւոր Թեւան Պօղոսեան եւ Ժառանգութիւն կուսակցութեան փոխնախագահ Արմէն Մարտիրոսեան: “Մենք կը գործադրենք բոլոր ջանքերը, որպէսզի խորհրդարանական չորս խմբակցութիւնները կատարեն միացեալ յայտարարութիւն` նոր կառավարութեան ձեւաւորման վերաբերեալ: Ներկայիս, անշուշտ, խմբակցութիւններէն ամէն մէկը իր դիրքորոշումը ունի այդ հարցին վերաբերեալ, սակայն մենք համաձայնութեան պիտի հասնինք եւ պիտի կատարենք միացեալ յայտարարութիւն“, նշեց Արմէն Ռուստամեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԱՊՐԻԼ 29-ԻՆ ՊԻՏԻ ՍՏՈՐԱԳՐՈՒԻ ՄԱՔՍԱՅԻՆ ՄԻՈՒԹԵԱՆ ՄԻԱՑՄԱՆ ՓԱՍՏԱԹՈՒՂԹԸ
Next post ՔԵՍԱՊԻ ՀԱՐՑԻ ԱՌՆՉՈՒԹԵԱՄԲ.- ՀԱՆԴԻՊՈՒՄ` ՖՐԱՆՍԱՅԻ ԽՈՐՀՐԴԱՐԱՆԷՆ ՆԵՐՍ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles