ՔՈՆԿՐԷՍԷՆ ՆԵՐՍ ԶԱՐԱՔՕԼՈՒԻ ԿՈՉԸ Ի ՆՊԱՍՏ ՀԱՅՈՑ ՑԵՂԱՍՊԱՆՈՒԹԵԱՆ ՃԱՆԱՉՄԱՆ

0 0
Read Time:1 Minute, 33 Second

zarakolu  ՈՒԱՇԻՆԿԹԸՆ.- Չորեքշաբթի, Ապրիլ 9ի երեկոյեան, Միացեալ Նահանգներու Քոնկրէսի շէնքէն ներս, տեղի ունեցած Հայկական Ցեղասպանութեան ոգեկոչման տարեկան ձեռնարկին ընթացքին, Ծերակոյտի Արտաքին յարաբերութիւններու յանձնախումբի ատենապետ Ռապըրթ Մենենտէս եւ Ներկայացուցիչներու տան Արտաքին յարաբերութեան յանձնախումբի ատենապետ Էտ Ռոյս անգամ մը եւս Ցեղասպանութեան ճանաչման կարեւորութիւնը լուսարձակի տակ առին, աւելի քան երկու տասնեակ քոնկրէսականներու աջակցութեամբ:

Քոնկրէսի Հայկական համախմբումին, Միացեալ Նահանգներու մօտ Հայաստանի եւ Արցախի ներկայացուցչութեանց եւ ամերիկահայ կազմակերպութեանց համատեղ ջանքերով կազմակերպուած այս ձեռնարկը տեղի ունեցած է Քոնկրէսի “Ռէյպըրն“ մասնաշէնքի սրահին մէջ, իսկ անոր հանդիսավարն էր Ֆիլատելֆիոյ Հայ Դատի յանձնախումբի գործիչ` տոքթ. Արա Չալեան:

Այս տարուան ոգեկոչման ընթացքին, ներկայ էր առաջին անգամ ըլլալով մարդկային իրաւանց թուրք իրաւապաշտպան եւ “Պելկը“ հրատարակչատան պատասխանատու` Ռակըփ Զարաքօլու, որ իր խօսքին մէջ շեշտեց Ցեղասպանութեան ճանաչման եւ Թուրքիոյ ուրացման քաղաքականութեան վերջ տալու կարեւորութիւնը: Ան յաայտնեց թէ.- “Միացեալ Նահանգները Թուրքիոյ լաւ բարեկամ է, սակայն եթէ իսկական ընկերն է, ապա պէտք է այլ ձեւով գործէ` պէտք է աջակցի Թուրքիոյ ժողովրդավարութեան, իսկ Թուրքիոյ մէջ իսկական ժողովրդավարութիւնը կը սկսի առերեսուելով պատմութեան հետ, մե՛ր պատմութեան, 1915ի իրականութեան“:

Նշեալներու կողքին, ելոյթներ ունեցան ծերակուտականներ Ճեք Ռիտ, Շելտըն Ուայթհաուս, Էտ Մարքի, Քոնկրեսի Հայկական համախմբումի համանախագահ Ֆրենք Փալոն, ինչպէս նաեւ քոնկրեսականներ Կաս Պիլիրաքիս, Ճուտի Չու, Տէյվիտ Սիսըլին, Քեթրին Քլարք, Ճան Քանիըրզ, Ճիմ Քոսթա, Քերոլայն Մըլոնի, Ճիմ ՄըքԿավըրն, Լինտա Սանչեզ, Տենի Տէյվիս, Ճենիս Հան, , Տինա Թայթըս,

Ճիմ Լենկվին, Էտըմ Շիֆ, Պրետ Շերմըն, Ճեքի Սփիր, Ճան Թիէրնի եւ Լինտա Սանչէս:

Իրենց պատգամները փոխանցեցին նաեւ Միացեալ Նահանգներու մօտ Հայաստանի դեսպան Թաթուլ Մարգարեան եւ Արցախի Հանրապետութեան ներկայացուցիչ Ռոպերթ Աւետիսեան, իսկ հոգեւոր պատգամներ փոխանցեցին Անուշաւան Եպս. Դանիէլեան եւ Վիգէն Արք. Հայկազեան:

Ամերիկայի Հայ Դատի յանձնախումբի գործադիր վարիչ Արամ Համբարեան, իր կարգին յայտնեց0.- “Կ՛ողջունենք Ռակըփ Զարաքօլուն, որ իր խիզախ պատգամը այս երեկոյեան լսելի դարձուց Քոնկրեսի դահլիճին մէջ: Յարգուած թուրք մտաւորականին, ինչպէս նաեւ ատենապետներ Մենենտեզի եւ Ռոյսի ու գրեթէ երկու տասնեակ օրէնսդիրներու հնչեցուցած հզօր խօսքերը ազդու ազդանշաններ են Թուրքիոյ եւ Ուաշինկթընի մէջ անոր դաշնակիցներուն համար` մեր համայնքի սկզբունքային դիրքորոշման եւ ճշմարտութեան ու արդարութեան նուիրուածութեան մասին“:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՊԱՏՄԱԿԱՆ ՃԱԿԱՏԱԳՐԱԿԱՆ ՓՈՐՁԱՔԱՐ
Next post ԾԵՐԱԿՈՅՏԻ ՅԱՆՁՆԱԽՈՒՄԲԸ ՎԱՒԵՐԱՑՈԻՑ ՑԵՂԱՍՊԱՆՈՒԹԵԱՆ ԲԱՆԱՁԵՒԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles