ԿԱՐՄԻՐ ԼՈՒՐԵՐ…ՔԵՍԱՊԷՆ

0 0
Read Time:1 Minute, 49 Second

 

p1 khemp

ՀԱՅՐԵՆԻՔ

Խմբագրական

 

“Թո՛ղ մարդերը հասկնան, մարդուն ոճիրը մարդուն դէմ…
Մարդուն չարիքը մարդուն դէմ“,

Սիամանթօ (“Կարմիր Լուրեր Բարեկամէս“)

 

Չափազանցութիւն պիտի չըլլայ բաղդատել Քեսապի մէջ, վերջին օրերուն պատահածներն ու  վերոյիշեալ հայրենի հանրահռչակ բանաստեղծին ներկայացուցած արիւնաթաթախ բանաստեղծութիւններու շարքը, ի յիշատակ 1909-ի Ատանայի ջարդի զոհերուն:

Ճիշտ այդ տարին էր Ապրիլի կէսերուն, երբ հինգ հազարէն աւելի թուրք խուլիկաններ յարձակեցան Քեսապին վրայ եւ հրկիզեցին ու թալանեցին գիւղերը:

Հազարներ հաշուող խուժանին դէմ, քանի մը հարիւր հայորդի մարտիկներ դիմադրեցին եւ ի վերջոյ ծովային ճամբով, ֆրանսական փոխադրանաւի մը օժանդակութեամբ, փոխադրուեցան Լաթաքիա:

Գրեթէ նմանօրինակ դէպքերու իրերայաջորդութիւնը պիտի կրկնուէր, շրջանի մօտակայ հիւսիսային շրջանի Մուսա Տաղ գիւղին մէջ, ուր անգամ մը եւս Ֆրանսական նաւ մը փրկած էր շաբաթներ շարունակ պայքարած հայորդիները: Եւ այս բոլորը կը պատահէր քանի մը տարի անց… Հայոց Ցեղասպանութեան գագաթնակէտի օրէն` Ապրիլ 24, 1915-էն շաբաթներ ետք:

Այսպէս, Հայոց Ցեղասպանութեան հարիւրամեակի սեմին, երբ քաղաքակրթուած աշխարհ մը, հայ թէ՛ օտար, կը պատրաստուի նշել ահաւոր  դէպք մը…եղելութիւն մը, ահաւասիկ պատմութիւնն է որ ինքզինք կը կրկնէ, սակայն բոլորովին տարբեր պայմաններու տակ:

Կրօնամոլ համաշխարհայնացած ծայրայեղ շարժումներ նոյնիսկ աղաւաղած են “Սուրիոյ ներքին քաղաքացիական պատերազմ“ հասկացողութիւնը, եւ բնականաբար ասոր արդիւնք իսկական ընդդիմութիւնը, տեղի տալով մէկ կողմէն շարունակ ճնշման տակ դնող Ասատի վարչամեքենային եւ յատկապէս միւս կողմէն` կրօնամոլ ծայրայեղ ահաբեկիչներու քաղաքականութեան դէմ, հետզհետէ քաշուեցաւ քաղաքական հրապարակէն եւ նախընտրեց հեռու մնալ …նկատելով թէ անձրեւի փոխարէն, արդէն իսկ կարկուտ կը տեղայ:

Առ այդ տեղին է նշել, թէ մենք բոլորս շատ լաւ կը յիշենք Քեսապի պատմութիւնը, որ վերջին հարիւրամեակի ընթացքին, ցաւօք հարուստ է հայերու տեղահանման իրողութիւններով: Այս հաստատումը, որ կատարեց նոյնինքն Հ.Հ. նախագահը, յոյժ յիշատակելի եւ առաջնահերթ է, մանաւանդ որ դեռ այդ արհաւիրքի օրերուն, Ազգային Ժողովէն ներս, բոլորովին անիրատես քաղաքական դէմքեր, ամենայն անտրամաբանութեամբ եւ ապիկարութեամբ, յայտնած էին թէ Քեսապի մէջ պատահած միջադէպերը, ներքին Սուրիական հարցեր են եւ …պէտք չէ միջամուխ ըլլալ:

Այս քաղաքագէտները չէին հասկցած թէ կը կատարուի…“Մարդուն ոճիրը մարդուն դէմ…Մարդուն չարիքը մարդուն դէմ“: Անոնք չէին իմացած թէ, այս խուլիկան ահաբեկիչները ժամանած էին Քեսապ, Թուրքիոյ վրայով, եւ դէպքը կը պատահէր այն օրերուն, երբ վարչապետ Էրտողան ազդանշանը տուած էր իր ընտրարշաւին:

Կարմիր լուրեր Քեսապէն…“Սուգ“, “Քաւութիւն“, “Դաշոյն“…սակայն աւարտին` “Յաղթանակ Մը“: Սիամանթօն պայքարի ոճով աւարտած էր իր կոթողական քերթուածներու շարքը:…Քեսապցի հայորդին պիտի վերադառնայ իր հողին: Վհատելու կարիք չկայ:

 

 

 

 

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ.Օ.Մ.-Ը 125 ՀԱԶԱՐ ՏՈԼԱՐ ԿԸ ՏՐԱՄԱԴՐԷ ՍՈՒՐԻԱՀԱՅՈՒԹԵԱՆ
Next post ՆԱԽԱԳԱՀ ՍԱՐԳՍԵԱՆ ԽՈՐ ՄՏԱՀՈԳՈՒԱԾ ՔԵՍԱՊԻ ԱՌՆՉՈՒԹԵԱՄԲ

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “ԿԱՐՄԻՐ ԼՈՒՐԵՐ…ՔԵՍԱՊԷՆ

  1. I found this reporting under a headline “BLOODY NEWS FROM KESSAB” uncalled for. Those who read in Armenian are especially sensitized to the term “Bloody News” as it it the title of a famous book of poetry by Siamanto, called “Bloody News from My Friend” and the book of poetry pertains to massacres of Armenians. There is a lot of irrisponsible reporting on the internet. There are numerous Armenian news outlets on the Internet each vying to attract more readers. There is trend of sensationalizing news to attract readers. The headlines are getting exaggerated. Hairenik Weekly should be more responsible and should refrain from using such titles unless really warranted.

Leave a Reply

Your email address will not be published. Required fields are marked *

Social profiles