ՊԵԼՃԻՔԱՅԻ ՀԱՅ ԴԱՏԻ ՅԱՆՁՆԱԽՈՒՄԲԷՆ ՊԱՏՈՒԻՐԱԿՈՒԹԻՒՆ ՄԸ ՏԵՍԱԿՑԵՑԱՒ ԶՈՒԻՑԵՐԻՈՅ ԴԵՍՊԱՆԻՆ ՀԵՏ

0 0
Read Time:1 Minute, 28 Second

ambass.-suisse_benedict  ՊՐԻՒՔՍԷԼ.- Յունուար 15-ին, Հ.Յ.Դ. Պելճիքայի Հայ Դատի յանձնախումբէն պատուիրակութիւն մը այցելեց Պելճիքայի մէջ Զուիցերիոյ մշտական եւ լիազօր դեսպան Պենետիքթ Տը Սերժայի, ներկայութեամբ նաեւ կցորդ տիկին Ուրսինա Էկենշուիլերի, դիմելով, որ դեսպանը փոխանցէ Զուիցերիոյ կառավարութեան` Եւրոպական Մարդկային իրաւանց դատարանի Դեկտեմբեր 17-ի Փերինչեք – Զուիցերիա վճռին դէմ բողոքելու:

Պելճիքայի Հայ Դատի յանձնախումբը, դեսպան Տը Սերժայի, Փերինչեք – Զուիցերիա դատավարութեան հիմնական կէտերը եւ վճռին հիմնաւորումները ներկայացուց: Դեսպանը իր հարցադրումներով, տեղեակ պահուեցաւ հարցին ընդհանուր հանգամանքներուն, եւ հայութեան դիրքորոշումներուն ու Զուիցերիոյ կողմէ որոշումին դէմ բողոքարկման անհրաժեշտութեան: Նաեւ ներկայացուեցաւ Փերինչեքի նախամտածուած մարտահրաւէրը Զուիցերիոյ դէմ, Ցեղասպանութեանց մերժման քրէականացման օրէնքին նկատմամբ:

Հայկական Ցեղասպանութեան հարիւրամեակի նախօրէին, նման վճիռ մը, որ իրաւականօրէն առաջինն է, որ կը դասէ Ցեղասպանութեան մերժումը ենթակայ խօսքի ազատութեան իրաւունքին, շատ անգամ հակասական եւ անհիմն բացատրութիւններով, ճամբայ կը բանայ Եւրոպայի մէջ – եւ ոչ միայն –  հակահայ դրսեւորումներու, ինչպէս նաեւ կը հզօրացնէ թուրք ծայրայեղ շարժումները, խեղդելով արդարութեան կոչերը եւ հաշտութեան հիմնական սկզբունքը:

Հայ Դատի յանձնախումբը իր պատրաստակամութիւնը յայտնեց Զուիցերիոյ դեսպանին ամեն կերպով աջակցութիւն ցուցաբերել, որ բողոքարկումը ստանայ պաշտօնական ընթացք: Զուիցերիա հարկաւոր է բողոքարկել վերոնշեալ վճիռը, ելլելով իր ժողովրդավարութեան եւ արդարութեան սկզբունքներէն, առիթ տալով, որ հայ ժողովուրդի դէմ առնուած այս ապակողմնորոշիչ վճիռը գտնէ իր ճիշդ ուղին, նաեւ Զուիցերիան տէր կանգնի իր քրէական օրէնքներուն դէմ խախտման պարագաներուն, իր իրաւունքին երկրի օրէնքները, ըստ իրենց նախատեսութեան գործադրելու:

Հանդիպման աւարտին, յանձնախումբը նշեց, որ դեսպանին տեղեակ պիտի պահէ այս հարցին յառաջընթացին մասին, յոյս յայտնելով, որ Զուիցերիա պիտի բողոքարկէ վճիռը:

Նշենք թէ Ֆրանսայի հայկական կազմակերպութիւններու համակարգող խորհուրդը պատրաստած է միջնորդագիր մը, որուն ճամբով Զուիցերիոյ կոչ ուղղած է բողոքարկելու Մարդու իրաւունքներու եւրոպական դատարանի վճիռը:

Ֆրանսահայ կազմակերպութիւններու խորհուրդը նշած է, որ իր պատրաստած միջնորդագիրը պէտք է տարածուի ամբողջ աշխարհին մէջ, քանի որ եթէ եւրոպական դատարանի վճիռը անվաւեր չճանչցուի, կրնան յօդս ցնդիլ Ցեղասպանութեան ժխտման դէմ հայերուն պահանջները: Որպէսզի միջնորդագիրը իրաւական ուժ ունենայ, զայն պէտք է ստորագրէ առնուազն հարիւր հազար մարդ:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՄԱՐԹԱ ԱՐԱՄԵԱՆԻ ՀՐԱԺԵՇՏԸ
Next post ՄԱՐԴԿԱՅԻՆ ԻՐԱՒԱՆՑ ԵՒՐՈՊԱԿԱՆ ԴԱՏԱՐԱՆԻ ԱՆԱՐՔ ՎՃԻՌՆ ՈՒ… ՈՃԻՐԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles