ՈՒՍԹԸՐ.- Ա.Մ.Ն. ԱՐԵՒԵԼԵԱՆ ՇՐՋԱՆԻ Հ.Ե.Դ. 80-ՐԴ ՊԱՏԳԱՄԱՒՈՐԱԿԱՆ ԺՈՂՈՎ

0 0
Read Time:1 Minute, 10 Second

p1 Convention-2013-group-photo  Դեկտեմբեր 26-30, 2013-ին, Ուեսպորոյի (Ուսթըր, Մասաչուսէց) մէջ տեղի ունեցաւ, Ա.Մ.Ն. Արեւելեան Շրջանի Հ.Ե.Դ.-ի 80-րդ պատգամաւորական ժողովը, որուն մասնակցեցան քառասունի շուրջ ներկայացուցիչներ:

Տեղւոյն “Արամ“ մասնաճիւղը կը հովանաւորէր այս ժողովը, որ նաեւ կազմակերպած էր հիւրասիրութիւն մը՝ Շաբաթ Դեկտեմբեր 28-ին:

Ժողովին ներկայ եղան քանի մը հիւրեր, որոնք կատարեցին զեկուցումներ: Այսպէս, “Քէմփ Հայաստան“ի պատասխանատու Դաւիթ Համբարեան յաւելեալ տեղեկութիւններ փոխանցեց եւ անդրադարձաւ գործակցութեան մասին:

Մեծն Պոսթընի Հ.Օ.Մ.-ի պատասխանատուներէն` Հէտըր Գրաֆեան, իր կարգին զեկուցեց երիտասարդութեան կատարելիք ներդրումին մասին, Հայ Օգնութեան Միութեան բնագաւառէն ներս: Թամար Գանարեան անդրադարձաւ Հայ Դատն ու հայ երիտասարդութիւնը նիւթին մասին եւ կոչ ուղղեց երիտասարդութեան, որ աւելի գործեն Հայ Դատի գործունէութեան դաշտէն ներս:

Մէն Թոփալեան անդրադարձաւ Հ.Ե.Դ.-ի Ողիմպիականին գծով, որ տարեկան դրութեամբ կը կատարուի, ստեղծելով մեծ հետաքրքրութիւն: Արամ Քայսէրեան խօսեցաւ Հ.Մ.Ը.Մ.-ի մասին:

Ա.Մ.Ն. Արեւմտեան Շրջանի ներկայացուցիչ` Ստեփանոս Քէշիշեան, ներկայացուց իր շրջանի իրավիճակն ու մտահոգութիւնները: Ապա, Ա.Մ.Ն. Արեւելեան Շրջանի Կ.Կ.-ի ներկայացուցիչ Լեւոն Աթարեան իր կարգին զեկուցելով, շեշտեց երիտասարդութեան դերը, Հայոց Ցեղասպանութեան հարիւրամեակի սեմին: Այս գծով, ժողովականները բաւական ժամանակ տրամադրեցին եւ կատարեցին կարծիքի փոխանակում:

Ժողովականները մեծ խանդավառութեամբ եւ եռանդով, անդրադարձան համահայկական հարցերու մասին, սկսելով Հայաստանէն, մինչեւ Արցախ, Ջաւախք եւ Արեւմտահայաստան:

Աւարտին, կատարուեցաւ նոր Կեդրոնական Վարչութեան ընտրութիւն: Նոր մարմինի անդամներն են.-  Միշէլ Հակոբեան, Ստեփան Յակոբեան(Կրանիթ Սիթի – “Անդրանիկ“ մասնաճիւղ), Րաֆֆի Վարժապետեան, Րաֆֆի  Եափուճեան (Պոսթըն – “Նժդեհ“), Տալիտա Կեցոյեան, Կարօ Թաշեան, Անտրու Պաղտասարեան (Փրովիտընս – “Վարանդեան“):

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post “ՍՈՒՐԻՈՅ ՀԱՅ ՀԱՄԱՅՆՔԻՆ ՎԵՐԱԿԱՆԳՆՈՒՄԸ ՀԱՄԱՀԱՅԿԱԿԱՆ ԱՌԱՋՆԱՀԵՐԹՈՒԹՒԻՆ Է“ ՇԵՇՏԵՑ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԾՆՆԴԵԱՆ ԻՐ ՀԱՅՐԱՊԵՏԱԿԱՆ ՊԱՏԳԱՄԻՆ ՄԷՋ
Next post …ՀԵՐԹԸ ՍԵՒԱՆ ՆՇԱՆԵԱՆԻ՞Ն

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles