Հ.Յ.Դ. ԵՐԻՏԱՍԱՐԴԱԿԱՆԸ ՄԱՍՆԱԿՑԵՑԱՒ ԽԱՂԱՂՈՒԹԻՒՆ ԵՒ ԺՈՂՈՎՐԴԱՎԱՐՈՒԹԻՒՆ ԿՈՒՍԱԿՑՈՒԹԵԱՆ ԽՈՐՀՐԴԱԺՈՂՈՎԻՆ

0 0
Read Time:56 Second

youth tashnagkurd

Հ.Յ.Դ. Բիւրոյի Երիտասարդական գրասենեակը կը տեղեկացնէ, որ  Երիտասարդականի մէկ պատուիրակութիւնը, Նոյեմբեր 30-ին մասնակցեցաւ Թուրքիոյ քրտամէտ Խաղաղութիւն եւ ժողովրդավարութիւն կուսակցութեան երիտասարդականի խորհրդաժողովին` Տիգրանակերտի մէջ: Պատուիրակութեան անդամներն էին Ռուբէն Ճանպազեան եւ Սարգիս Տեկիրմենճեան` Հայաստանէն:

Խորհրդաժողովին մասնակցելու հրաւիրուած էին Ընկերվարական երիտասարդներու միջազգային միութեան անդամ կազմակերպութիւնները: Ներկայ էին տարբեր երկիրներէ ժամանած երիտասարդներ: Խաղաղութիւն եւ ժողովրդավարութիւն կուսակցութեան աւելի քան երեսուն հազար անդամներ եւ համակիրներ ներկայ էին Տիգրանակերտի “Սէյրանթափէ“ մարզահամալիրին մէջ եւ անոր շրջակայքը, ուր տեղի ունեցաւ խորհրդաժողովը: Հ.Յ.Դ. Երիտասարդականի ներկայացուցիչները իրենց կոչը ուղղեցին ներկաներուն` նախ հայերէնով, ապա` թրքերէնով: Ողջունելով Խաղաղութիւն եւ ժողովրդավարութիւն կուսակցութեան երիտասարդական խորհուրդի անդրանիկ խորհրդաժողովը, Հ.Յ.Դ. Երիտասարդականի ներկայացուցիչները կեդրոնացան հայ եւ քիւրտ ժողովուրդներու անցեալի յարաբերութիւններուն եւ ներկայ մարտահրաւէրներուն վրայ, յատուկ կանգ առնելով հայ-քրտական նորօրեայ փոխադարձ յարաբերութիւններուն եւ համագործակցութեան կարելիութեան վրայ` նշելով, որ այդ համագործակցութիւնը պէտք է հիմնուի փոխադարձ յարգանքի վրայ, ի մտի ունենալով երկու ժողովուրդներուն շահերը: Ելոյթի աւարտին Հ.Յ.Դ. Երիտասարդականի ներկայացուցիչները Խաղաղութիւն եւ ժողովրդավարութիւն կուսակցութեան երիտասարդական խորհուրդի անդամներուն յուշանուէր մը յանձնեցին: Խաղաղութիւն եւ ժողովրդավարութիւն կուսակցութիւնը Թուրքիոյ խորհրդարանին մէջ ներկայացուած միակ կուսակցութիւնն է, որ կը ճանչնայ Հայոց Ցեղասպանութիւնը: Ան հիմնադրուած է 2008-ին եւ դէտի կարգավիճակով կ՛անդամակցի Ընկերվար միջազգայնականին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՄԱՀԱՅԿԱԿԱՆ “ՀԱՅԱՍՏԱՆ“ ՀԻՄՆԱԴՐԱՄԻ ԹԵԼԵԹՈՆԻՆ ՀԱՒԱՔՈՒԵՑԱՒ ՇՈՒՐՋ 22,5 ՄԻԼԻՈՆ ՏՈԼԱՐ
Next post ԼՈՅՍ ՏԵՍԱՒ.- ՎՐԷԺ-ԱՐՄԷՆԻ “ԻՄ ՈՒՂԵՊԱՏՈՒՄԸ“

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles