ՆԻՒ ՃԸՐ­ԶԻ.- “ԿՈ­ՄԻ­ՏԱՍ` ՀՈ­ԳԵ­ԲԱ­ՆԱ­ԿԱՆ ՎԵՐ­ԼՈՒ­ԾՈՒՄ ՄԸ“ ԳԻՐ­ՔԻ ՆԵՐ­ԿԱ­ՅԱ­ՑՈՒՄ

p7 NJ HAMAZKAYIN  Շա­բաթ, Հոկ­տեմ­բեր 5-ին, Նիւ Ճըրզիի Սուրբ Վար­դա­նանց եկե­ղեց­ւոյ սրա­հին մէջ, տեղ­ւոյն “Հա­մազ­գա­յին“ի կազ­մա­կեր­պու­թեամբ, տե­ղի ու­նե­ցաւ գիր­քի ներ­կա­յա­ցում: Ար­դա­րեւ, դոկտ. Մե­լի­նէ Գա­րա­գաշ­եան, ներ­կա­յա­ցուց “Կո­մի­տաս` Հո­գե­բա­նա­կան Վեր­լու­ծում մը “ գիր­քը:

Գիր­քը գրուած է արեւմ­տա­հա­յե­րէ­նով եւ տպուած Դեկ­տեմ­բեր 2011-ին,  Մե­ծի Տանն Կի­լիկ­իոյ Կա­թո­ղի­կո­սու­թեան Ռի­չըրտ եւ Թի­նա Գա­րօ­լան հիմ­նադ­րա­մի  կող­մէ, Գեր. Ծայր. Վար­դա­պետ Չիֆճ­եա­նի խմբագ­րու­թեամբ: Այս գոր­ծը նա­եւ թարգ­ման­ուած է արեւելա­հա­յե­րէ­նի եւ անգ­լե­րէ­նի:

Դոկտ. Մե­լի­նէ Գա­րա­գաշ­եան յայտ­նեց թէ հայ ժո­ղո­վուր­դի հա­մար, Կո­մի­տաս հան­ճա­րը ոչ միայն պաշ­տա­մուն­քի առար­կայ մըն է, այլ նա­եւ` Ցե­ղաս­պա­նու­թեան խորհր­դա­նիշ: “Այն ինչ, որ երե­ւան ելաւ հե­տա­զօ­տու­թեան ըն­թաց­քին այն­քան հե­տաքրք­րա­կան է ինչ­քան գիր­քը, որով­հե­րեւ ան ցոյց կու տայ Ցե­ղաս­պա­նու­թեան նկատ­մամբ հա­սա­րա­կա­կան հո­գե­բա­նու­թիւն մը հա­յե­րու մօտ, որ ցարդ չէ ու­սում­նա­սիր­ուած“, ըսաւ դա­սա­խօ­սը:

Այս հե­տաքրք­րա­կան ներ­կա­յաց­ման աւար­տին, շրջա­նի հո­վիւ Յով­նան Պօ­զոյ­եան, յու­շան­ուէր մը փոխանցեց դա­սա­խօ­սին:

 

Be the first to comment

Leave a Reply

Your email address will not be published.


*