ՏԷՐ ՀԱՅՐ` ՄԱԷՍԹՐՕ ՊԵՏՐՈՍ ՇԻԹԻԼԵԱՆ ՄԱՍՆԱԿՑԵՑԱՒ ՍԷՆԹ ՓԻԹԸՐԶՊԸՐԿԻ ՓԱՌԱՏՕՆԻՆ

0 0
Read Time:4 Minute, 3 Second

 

 Սփրինկֆիլտի Սուրբ Գրիգոր Լուսաւորիչ եւ Թրոյի Սուրբ Խաչ եկեղեցիներու հովիւ Պետրոս Շիթիլեան, որ նաեւ մասնագիտացած է խմբավարութեան բնագաւառէն ներս, վերջերս հրաւիրուեցաւ Ռուսաստանի Սէնթ Փիթըրզպըրկ (նախկին Լենինկրատ) քաղաքը, եւ ղեկավարեց տեղւոյն երգչախումբն ու նուագախումբը: Ստորեւ, հարցազրոյց մը Տէր Հօր հետ, այս փառատօնին առթիւ.-


 Հ.- Կարելի՞ է յաւելեալ մանրամասնութիւններ փոխանցել այս Սէնթ Փիթըրզպըրկի փառատօնին մասին:

Պ.-Փառատօնը հիմնուած է 1990-ին,  Վլատիմիր Փութինի հրամանով, որ այն ժամանակ Սէնթ Փիթըրզպըրկի քաղաքագլուխի տեղակալն էր: 1994-97 ընդմիջում մը եղած է, այս պատճառով այս տարի 20-ամեակն էր, որ նշուեցաւ յատուկօրէն Ռուսիոյ նախագահի Սէնթ Փիթըրզպուրկի` “Քոնսթանթինովսկի“ ընդունելութեան պալատին մէջ ¢ արդէն նախագահ Վլատիմիր Փութինի կողմէն յատուկ ղրկուած շնորհաւորագիրով:

Հ.- Կազմակերպող մարմինը կը պատկանի յատուկ հիմնարկի՞ մը: Յատուկ թեմա՞յի մը շուրջպատրաստուած է այս փառատօնը:

Պ.-Փառատօնը ունի իր յատուկ կազմակերպութիւնը նոյն անուան տակ ¢ հիմնադրամ մը: Կը կոչուի “Սէնթ Փիթըրզպըրկի Պալատներ Միջազգային Երաժշտական Փառատօն“: Չնայած ռուսեր կը հրաւիրուին, բայց նա¢ օտարներ, մանաւանդ համաշխարհային համբաւ ունեցող երգիչներ ¢ երաժիշտներ:

Հ.- Առաջին անգա՞մն է որ հրաւիրուեցաք իբրեւ խմբավար այս փառատօնին, կատարելու նմանօրինակ խմբավարութիւն մը:

Պ.-1997-ին երբ դեռ Ռուսաստան կը բնակէի, արդէն մասնակցած էի այս փառատօնին ղեկավարելով “Իտալիոյ Միջազգային Նուագախումբը“:

Հ.- Յայտագրի յատուկ գործերու ներկայացման գծով, որոշ գործակցութիւն գոյութիւն ունի՞ կազմակերպողին եւ հրաւիրուող արուեստագէտին միջեւ: Աւելի յստակացնելու համար, ներկայացուելիք գործերը, ո՞վ կ՛որոշէ:

Պ.- Համաձայնութեամբ կ՛ըլլայ: Այս պարագային իմ առաջարկած երկու գործերն ալ յարմար նկատուեցան:

Հ.- Իսկ խմբավարութեան գծով, գործակցած էք տեղացի թէ օտարարուեստագէտներու,“Սմոլնի“ եկեղեցւոյ երգչախումբին եւ “Քոնսթանթինովսքի“խումբին հետ: Այս գծով, կարելի՞ է յաւելեալ մանրասնութիւններ փոխանցել:

Պ.-“Սմոլնին“ ռուսական տաճար մըն է, որ համայնավարութեան ժամանակ փակուած էր ու դեռ վերաօծուած չէ ¢ աւելի կ՛օգտագործուի համերգներու համար:  Ձախակողմեան  խորանին վրայ եկեղեցական արարողութիւններ տեղի կ՛ունենան: Երգչախումբը այս տաճարին անուան տակ կը գործէ: “Քոնսթանթինովսքի“ նուագախումբը Ռուսիոյ նախագահի Սթ. Փիթըրզպըրկի ընդունելութեան պալատին անունով կոչուած է ¢ ան կը պատկանի փառատօնի կազմակերպութեան: Փառատօնէն դուրս ¢ տարուան ընթացքին ան պարբերաբար ելոյթներ կ՛ունենայ:

Հ.- Ղեկավարեցի՛ք դասական երաժշտութեան գեր-տպաւորիչ գործերէն մէկը` Մոցարթի“Ռեքուեմ“ը: Ի՞նչ էր ձեր տպաւորութիւնը:

Պ.-Նախ պէտք է ըսեմ, որ առաջին անգամը չէ որ կը ղեկավարեմ այս գործը: “Ռեքուիեմ“-ը կաթողիկէ եկեղեցւոյ հոգեհանգստեան պատարագն է:1995 Ապրիլ 24-ի օրը, զայն ղեկավարած եմ Սէնթ Փիթըրզպըրկի Ֆիլհարմոնեայի մեծ դահլիճին մէջ, համերգի մը ընթացքին որ նուիրուած էր Մեծ Եղեռնի 80 ամեակին ¢ հովանաւորուած էր Սէնթ Փիթըրզպըրկի Հայ Առաքելական Եկեղեցւոյ կողմէն: Իմ տպաւորութիւնս ինչ կրնայ ըլլալ այս գլուխ գործոցի մասին: Միայն կարելի է ըսել, որ նման ստեղծագործութիւններ երեւան կու գան ոչ թէ միայն մարդկային կարողութեամբ, այլ վերէն ներշնչումով: Եկեղեցական բառերով ըսած Սբ.Հոգիին ներգործութեամբ: Գերմարդկային երեւոյթներ կան հոն, յաճախ մարդիկ կը հարցնեն, թէ ինչպէ՞ս մարդը կրնայ նման գործեր ստեղծել: Մոցարդը անշուշտ, որ հանճար մըն էր, անկրկնելի հանճար մը: Այս գործը իր վերջինն է ¢ իրականին մէջ մահուան պատճառով Մոցարդը զայն չկրցաւ վերջացնել: Իր աշակերտն էր որ ամբողջացուց զայն անոր մահէն ետք: Այս պատճառով վերջին մասը գրեթէ կրկնութիւնն է առաջին մասին: Կ՛ըսեն, թէ երբ այս գործը յօրինելու պատուէրը ստացած է մեծ երգահանը ըսած է.“Իմ հոգեհանգիստս է որ կը գրեմ“:  Վերջացնելու համար պէտք է աւելցնել, որ “Ռեքուիեմ“-ի սօփրանօ մեներգչուհին այսօրուան օփերային արուեստի աստղերէն ¢ La Scala-ի մեներգչուհի իտալուհի` Քիարա Թայիճին էր:

 Հ.- -Մոցարթի “Ռեքուեմ“-ին կողքին, այլ գործ ղեկավարեցի՞ք:

Պ.- Ռուս եկեղեցւոյ արտաքին յարաբերութիւններու բաժանմունքի վարիչ Մեթրոփոլիթ Հիլարիոնը նա¢ երաժիշտ է ¢ երգահան: Իր այս վերջին հանգամանքով ան լաւ յայտնի է Ռուսիոյ մէջ: Ահա անոր վերջերս յօրինած “Stabat Mater“ գործը ղեկավարեցի համերգին առաջին մասին ընթացքին: Առաջին անգամն էր, որ ան կը հնչէր Սէնթ Փիթըրզպըրկի մէջ: Stabat Mater` Կանգնած Մայրը. խօսքը խաչելութեան ժամանակ խաչին քովը կանգնած Աստուածամօր ու անոր տառապանքի ¢ արցունքներուն մասին է: Այս մէկը դարձեալ կաթողիկէ եկեղեցւոյ ծէս է, որ տեղի կ՛ունենայ Աւագ Ուրբաթ օրը:

Հ.- – Համերգը յատուկ առիթի մը նուիրուա՞ծ էր:

Պ.- Այո, ան բարեգործական համերգ էր ու նախքան համերգը ներկայացումը եղաւ ՍԷՆթ Փիթըրզպըրկի մէջ շինարարութիւնը սկսած  Ռուս Ուղղափառ Եկեղեցւոյ պատկանող “Բարեգործութեան Տուն“ ընկերաբժշկական ծրագրին:                                     Ցարական Ռուսիոյ ժամանակ նման կեդրոններ գոյութիւն ունեցած են, հիմա նոյն աւանդութիւնը կը վերականգնուի: Իրականութիւնը մէջ այս համերգին մէջ հայերն ու Հայ Առաքելական Եկեղեցին, Ռուս Ուղղափառ Եկեղեցին ¢ Կաթողիկէ Եկեղեցին, բոլորն ալ իրենց բաժինը ունէին: Կարեւոր ու ճիշդ ծրագրուած նախագիծ փառատօնի ղեկավարներուն կողմէն: Նման նախագիծերը կը նպաստեն նա¢ լաւ մթնոլորտ ստեղծելու համար հայերուս նկատմամբ: Ես այս կը կոչեմ Մեծ Քաղաքականութիւն, ուր ազգ մը ո՛չ թէ միայն զուտ քաղաքական քարոզչութիւն կը տանի, այլ այդ կ՛ընէ իր ունեցած ուրիշ արժէքներով. կրօնք, մշակոյթ, արուեստ….¢ այլն: Հաւատացէք, որ այս անուղղակի “քարոզչութիւնը“ աւելի խորունկ հետք կը ձգէ ու վերջ ի վերջոյ աւելի արդիւնաւէտ է:

Հ.- Յայտագրին մէջ, նկատելի է երկու այլ հայորդիներու մասնակցութիւնը` ջութակահար Մարիա Սաֆարեանցի եւ խմբավար Քոնսթանթին Օրբելեանի: Այս գծով, յաւելեալ գործակցութիւն տեղի ունեցա՞ւ:

Պ.- Մարիա Սաֆարեանցը փառատօնին գեղարուեստական ղեկավարն է, ան մեծ համբաւ ունի Ռուսիոյ մէջ որպէս ջութակահարուհի ¢ մշակութային գործիչ: Քոնսթանթին Օրբելեանը հիմնադիրը եղած է փառատօնին ¢ նախորդ ղեկավարը: Նոյն անունով անոր յայտնի հօրեղբայրը երկար տարիներ ղեկավարը եղած է Հայաստանի Էսդրատային Նուագախումբին:

Հ.- Ապագայի գծով յաւելեալ ծրագիրներ կա՞ն: Այլ խմբավարման հրաւէրներ ստացա՞ք էք:

Պ.- Յաջորդ տարի դարձեալ հրաւիրուեցայ այս փառատօնին մասնակցելու: Կան ուրիշ հրաւէրներ, որոնց յստակացումը ընթացքի մէջ է:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՐՈՏ ԱՅԼԸՆՏԻ ՈՒՈՐՈՒԻՔ ՔԱՂԱՔԸ ԿԸ ՆՇԷ ՇՈՒՇԻԻ ԱԶԱՏԱԳՐՈՒԹԵԱՆ ՔՍԱՆԱՄԵԱԿԸ
Next post ՀԱՐՑԱԶՐՈՅՑ.- “ՅԱՌԱՋԻԿԱՅ ՏԱՐԻՆԵՐՈՒՆ ԿԸ ՓԱՓԱՔԻՆՔ ԱՒԵԼԻ ՄԵԾ ԹԻՒՈՎ ԱՇԱԿԵՐՏՆԵՐ ԸՆԴՈՒՆԻԼ…“, ԿՒ ՅԱՅՏՆԷ ՊՈՍԹԸՆԻ ՍՈՒՐԲ ՍՏԵՓԱՆՈՍ ՎԱՐԺԱՐԱՆԻ ՏՆՕՐԷՆՈՒՀԻ` ՀՈՒՐԻ ՊՈՅԱՄԵԱՆԻ ՀԵՏ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles