ԵՒՐՈՊԱՅԻ ՀԱՅ ԴԱՏԻ ԳՐԱՍԵՆԵԱԿԸ ԿԸ ՔՆՆԱԴԱՏԷ ԱՏՐՊԷՅՃԱՆԻ ՅԱՐՁԱԿՈՒՄՆԵՐԸ

0 0
Read Time:1 Minute, 0 Second

 Պրիւքսէլ.- Եւրոպայի Հայ Դատի գրասենեակը, hաղորդագրութեամբ մը, բուռն կերպով կը քննադատէ Ատրպէյճանի կողմէ յարձակումները`  Հայաստանի Հանրապետութեան հիւսիս արեւելեան Տաւուշ շրջանին դէմ, որուն իբր արդիւնք` երեք հայ զինուորներ նահատակուած են: Հաղորդագրութիւնը կը նշէ թէ այս յարձակումները աւելի բարձր յաճախականութիւն կը ստանան, սպառնալով շրջանային խաղաղութեան, ու Եւրոպայի ծրագիրներուն, յատկապէս Արեւելեան հարեւանութեան ու “Եուրոնեսթ«ի, որոնք կը նպատակադրեն շրջանային համագործակցութիւնն ու ապահովութիւնը: Ատրպէյճանի մագլցող սպառազինումը եւ միջազգային օրէնքի կոշտ խախտումները կը սպառնան տարածաշրջանի խաղաղութեան ու բարօրութեան:

Այս գծով, Եւրոպայի Հայ Դատի Գրասենեակի նախագահ Գասպար Կարապետեան ըսաւ.- “Ատրպէյճան ցոյց տուաւ, որ երբեք հետաքրքրուած չէ եղած խաղաղութեամբ: ԵԱՀԿ Մինսք խմբակի համանախագահող երկրի, Ա.Մ.Ն.-ի արտաքին գործոց նախարարի այցելութենէն ժամեր առաջ միայն երբ նման յարձակում մը կ’իրագործէ Հայաստանի դէմ, ցոյց կու տայ իր իսկական դիմագիծը, նախագահ Իլհամ Ալիեւի կործանանար ռազմական ոգին: Կը պահանջենք Եւրոպական միութենէն, որ այլեւս դադրի երկու կողմերուն զսպուածութեան կոչեր ուղղելէ, այլ` խիզախօրէն դէմ կենայ ազերի ղեկավարութեան, խստօրէն պահանջելով անոնցմէ, որ դադրեցնեն իրենց արկածախնդրութիւնը: Եւրոպական միութեան յանձնաժողովի փոխ նախագահ եւ արտաքին յարաբերութեանց յանձնակատար Քաթերին Աշթոն պարտի դատապարտել Ազրպէյճանի այս կեցուածքը, որ կը սպառնայ շրջանային խաղաղութեան, եւ յստակօրէն ըսէ երկրի իշխանութիւններուն, թէ Միութիւնը միայն ուժանիւթով չէ հետաքրքրուած, այլ խաղաղութեամբ եւ կայունութեամբ, եւ թէ այս լուրջ ազդեցութիւն պիտի ունենայ Եւրոմիութիւն – Ազրպէյճան համագործակցութեան համաձայնագրին վրայ“:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ի՞ՆՉ ՊԱՏԱՀԵՑԱՒ ՀԱՅԱՍՏԱՆԻ ՄԷՋ ԵՒ ԻՆՉՈ՞Ւ (ՆՈՐ ՄԱՐՏԱՀՐԱՒԷՐ` Հ.Յ.Դ.Ի ԴԻՄԱՑ)
Next post ԱԶԵ­ՐԻ ՈՒ­ԺԵՐ ԲԱԶ­ՄԻՑՍ ԿԸ ՓՈՐ­ՁԵՆ ԹԱ­ՓԱՆ­ՑԵԼ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles