Հ. Յ. ԴԱՇՆԱԿՑՈՒԹԵԱՆ ԳԵՐԱԳՈՅՆ ՄԱՐՄՆԻ ՅԱՅՏԱՐԱՐՈՒԹԻՒՆԸ

0 0
Read Time:1 Minute, 9 Second


 Աւարտուեցին հերթական խորհրդարանական ընտրութիւնները, որոնք նոր քաղաքական ու բարոյական փորձութիւնն էին մեր պետականութեան եւ ժողովրդի համար:
Հ.Յ. Դաշնակցութիւնը հանրութեանը ներկայացաւ ընտրական յստակ ծրագրով, որի կենսագործման դէպքում բոլորս կ՛ապրէինք որակապէս այլ երկրում: Մենք հրապարակային աշխոյժ քարոզարշաւ անցկացրեցինք, մեր մօտեցումները հասցրեցինք ընտրողներին, արժանացանք համընդհանուր ընկալման: Շնորհակալ ենք բոլոր նրանց, ովքեր քուէարկեցին Հ.Յ. Դաշնակցութեան օգտին:

Ցաւոք, ընտրութիւնները չարձանագրեցին ժողովրդի կամքը եւ քաղաքական ուժերի իրական յարաբերակցութիւնը: Պարզ դարձաւ, որ համընդհանուր ընտրախախտումները ծրագրաւորուած էին եւ տեղի ունեցան տեղամասային կեդրոններից դուրս` Մայիսի 6-ին եւ նախորդող օրերին: Իշխող կոալիցիայի անդամների անուան դիմաց գրանցուեցին բարձր արդիւնքներ. նախ եւ առաջ ի հաշիվ պետական եւ վարչական լծակների ամբողջական օգտագործման ու ընտրակաշառքի վերածուած աննախադէպ մեծ ֆինանսական միջոցների: Անառարկելի փաստ է, որ ընտրակաշառքը վճռորոշ ազդեցութիւն ունեցաւ ընտրութիւնների արդիւնքների վրայ:

Այս իրողութիւնը վկայում է, որ սոցիալական դժուար վիճակի մատնուած, իրաւականօրէն անպաշտպան, պետութիւնից օտարուած հայ հասարակութեան բացարձակ մեծամասնութիւնը չկատարեց ազատ ու գիտակցուած ընտրութիւն: Ժողովրդի ապաքաղաքականացումը, աղքատութիւնն ու թշուառութիւնը ընտրակաշառքի եւ ճնշումների միջոցով ապահովեցին իշխանութիւնների վերարտադրումը:

Սա նաեւ նշանակում է, որ քաղաքական ուժերը, այդ թւում Հ.Յ. Դաշնակցութիւնը, դեռ չեն կարողացել մեր հասարակութեան մէջ ազատ քաղաքացու, արժանապատուօրէն ընտրութիււն կատարողի գիտակցութիւն արմատաւորել:

Հ.Յ. Դաշնակցութիւնը, որպէս ինքնուրոյն, յստակ սկզբունքներ դաւանող քաղաքական ուժ, ընտրական արդիւնքների առումով իր այս նահանջը սառնասրտօրէն ձեւակերպում է որպէս գործունէութեան նոր փուլի սկիզբ` համընդհանուր պայքարի շարունակութիւն մինչեւ ամբողջական իշխանափոխութիւն:

Վստահ ենք, որ վաղ թէ ուշ մեր անկախ պետութեան մէջ յաղթանակելու են ԱԶԱՏՈՒԹԻՒՆԸ, ԱՐԴԱՐՈՒԹԻՒՆԸ, ԴԱՇՆԱԿՑՈՒԹԻՒՆԸ:

Հ. Յ. ԴԱՇՆԱԿՑՈՒԹԵԱՆ ԳԵՐԱԳՈՅՆ ՄԱՐՄԻՆ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ.Հ. ԽՈՐՀՐԴԱՐԱՆԱԿԱՆ ԸՆՏՐՈՒԹԻՒՆՆԵՐ
Next post ՄԱ­ՅԻՍ 8-9` ՇՈՒ­ՇԻ…ՄՈՌ­ՆԱՆՔ ՄԱ­ՅԻՍ 6-Ը

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles