ԹԱՔՍԻՄԻ ՀՐԱՊԱՐԱԿԱՒ ՈԽԵՐԻՄՆԵՐԸ…

0 0
Read Time:1 Minute, 27 Second

Թեթեւի կամ անցողակի պէտք չէ առնել  Փետրուար 26ին կատարուած ցոյցը Պոլսոյ Թաքսիմ հրապարակին վրայ, ուր Խոճալուի դէպքերուն քսանամեակին առիթով, խուլիկաններու խուժան մը “մէյտան“ իջած էր եւ սադրիչ ու սահմռկեցուցիչ կարգախօսներով, յաւելեալ թոյն կը սփռէր եւ բեւեռացում կը ստեղծէր, մանաւանդ երբ անգամ մը եւս նշենք ներկայ ղեկավարութեան կիրարկած (կամ այդպէս կարծուող) կիրարկած յաչս մարդկային իրաւանց պաշտպանութեան եւ թոյլատրուող հանդուրժողականութեան (zero tolerence) քաղաքական ընթացքը:

Ընդունելի չէ եւ խստիւ քննադատելի է թէ երբ Էրտողան, Կիւլ, Տաւութօղլու եւ գործընկերներ կը պնդեն, որ Թուրքիա իր երկրէն ու երկինքէն ներս շնչող բոլոր “գոյներ“ուն նկատմամբ սրտբաց մեծ պետութիւն մը պիտի ըլլայ: Անոնք վարդագոյն երազներով կը ներկայացնեն միասին ու միակամ ապրելու մշակոյթը, միեւնոյն ժամանակ անշուշտ Թաքսիմ հրապարակին վրայ, հոծ բազմութիւն մը անհանդուրժողութեան ու մոլեռանդութեան դրօշ ծածանող եւ ատելութիւն սերմանող կարգախօսներով կը ստեղծեն պայթուցիկ մթնոլորտ:

Չափազանցութիւն չէ՛, երբ հսկայ եւ վիթխարի պաստառներու վրայ կը նշուին թէ բոլորս հայ ենք…բոլորս ալ պոռնկորդի, կամ թէ մեր երակներէն պարպուած թունաւոր արիւնը պիտի փոխարինուի Անատոլուի թուրքին ազերիներու հետ ունեցած մաքուր արիւնով:…Տպաւորիչ բժշկագիտական հաստատում մը, որ պարզապէս արեան ճնշում կրնայ ստեղծել…ներկայ դարու քաղաքակրթուած  մարդ էակին վրայ:

Հոս տեղին է նշել կարգ մը արդարամիտ ու այլախոհ թուրքերու նկատողութիւնները: Անոնք կը նշէին թէ այդ խուլիկան ամբոխը Խոճալուի զոհերուն հանդէպ ցաւ եւ այլ լուրջ զգացումներ չունէր, այլ պարզապէս յաւելեալ ատելութիւն մըն էր, որ կը սրէր եւ նոյնիսկ կը հրահռէր նոր սպանդներ պատրաստելու:

Դրական երեւոյթը այն է թէ Մարդկային իրաւանց միութեան անդամներ, արդէն իսկ Պոլսոյ դատական պալատ գացած ու գանգատ են թէ այդ հաւաքին ընթացքին գործածուած կարգախօսները խոտոր ու անյարիր են: Շատ աւելի ամբողջական պիտի ըլլար, եթէ նաեւ նշուէր թէ Հրանդ Տինքը սպաննած Օկիւն Սամասթին նման ճերմակ “պերէ“ գլխարկակիր ազգայնամոլ երիտասարդներ, յատկապէս ժամանած Պուրսայէն, կը փորձէին կարգ մը խափանարարական արարքներ գործադրել:

Այսպէս, այդ օր Փետրուար 26, 2012-ին, Թաքսիմի հրապարակին վրայ…հրապարակ իջած էին խուլիկան ոխերիմները:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՍՈՒՐԲ ՍՏԵՓԱՆՈՍ ԱԶԳԱՅԻՆ ՎԱՐԺԱՐԱՆԻ ԸՆԴԱՐՁԱԿՄԱՆ ԾՐԱԳԻՐ
Next post ՆԻՒ ԵՈՐ­ՔԻ ՄԷՋ.- ԷՐԻՔ ՊՕ­ՂՈՍ­ԵԱՆ ԿԸ ԽՕ­ՍԻ ՍՈ­ՂՈ­ՄՈՆ ԹԵՀ­ԼԻՐ­ԵԱ­ՆԻ ՄԱ­ՍԻՆ ԾՐԱԳ­ՐԱԾ ԻՐ ԳՐՔԻՆ ՇՈՒՐՋ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles