ՑՄԱՀ ԲԱՆ­ՏԱՐ­ԿՈՒ­ԹԻՒՆ` ՀՐԱՆԴ ՏԻՆ­ՔԸ ՍՊԱՆ­ՆԱԾ ԵԱ­ՍԻՆ ՀԱ­ՅԱ­ԼԻՆ

0 0
Read Time:2 Minute, 17 Second

ՊՈ­ԼԻՍ (“Թու­տէյզ Զա­ման“).- Երեք­շաբ­թի Յուն­ուար 17-ին, տե­ղի ու­նե­ցաւ “Ակօս“ թեր­թի խմբագ­րա­պետ Հրանդ Տին­քի սպա­նու­թեան դա­տա­վա­րու­թեան հեր­թա­կան նիս­տը, եւ ատ­եա­նը ցմահ բան­տար­կու­թեան վճիռ ար­ձա­կեց, գլխա­ւոր մե­ղադր­եալ Եա­սին Հա­յա­լին: Դա­տա­րա­նը նա­եւ վճռեց, թէ Տին­քի սպա­նու­թիւնը “որե­ւէ կազ­մա­կեր­պու­թեան գոր­ծը չէ“: Ատ­եա­նը որո­շեց ան­պարտ հռչա­կել նոյն յան­ցան­քով ամ­բաս­տան­ուած Էր­հան Թուն­ճե­լը, որ նա­խա­պէս տաս տար­ուան բան­տար­կու­թեան դա­տա­պարտ­ուած էր` Տրա­պի­զո­նի մէջ “Մըք­Տա­նըլտց“ ճա­շա­րա­նին մը վրայ յար­ձա­կում կա­տա­րած ըլ­լա­լուն հա­մար:

Հրանդ Տին­քի ըն­տա­նի­քի փաս­տա­բան Ֆեթհիէ Չե­թին քննա­դա­տեց դա­տա­րա­նի վճի­ռը` ըսե­լով, որ անի­կա կը նշա­նա­կէ, որքա­ղա­քա­կան սպա­նու­թիւն­նե­րու պե­տա­կան աւան­դու­թիւն: Հինգ տա­րի տե­ւած դա­տա­կան հո­լո­վոյ­թին ըն­թաց­քին անոնք հեգ­նե­ցին մեզ: Մենք չէ­ինք սպա­սեր, որ անոնք մե­ծա­գոյն կա­տա­կը կը ձգէ­ին վեր­ջին պահ­ուան հա­մար: Այս վճի­ռը կը նշա­նա­կէ, որ սո­վո­րու­թիւն մը ան­փո­փոխ մնացքա­ղա­քա­կան սպա­նու­թիւն­նե­րու պե­տա­կան աւան­դու­թիւնը, որ խտրա­կա­նու­թիւն կը դնէ իր քա­ղա­քա­ցի­նե­րուն մի­ջեւ եւ զի­րենք կը վե­րա­ծէ թշնա­մի­նե­րու, ըսաւ Չե­թին:

“Հրան­դի ըն­կեր­նե­րը“ կազ­մա­կեր­պու­թիւնը հան­դէս եկաւ հե­տեւ­եալ յայ­տա­րա­րու­թեամբ. Այս որո­շու­մը թրքա­կան պե­տու­թեան որո­շումն է: Ապա­հո­վա­կան մար­մին­նե­րու, հե­տա­խու­զու­թեան, դա­տա­րա­նի, մա­մու­լի, կա­ռա­վա­րու­թեան, ընդ­դի­մու­թեան հետ մի­ա­սին, 5 տա­րի առաջ Հրան­դը մեր մէ­ջէն վերց­նե­լու որո­շում տուած իշ­խա­նու­թիւնը, նման խայ­տա­ռակ վճիռ ար­ձա­կեց, իր հսկո­ղու­թեան տակ գտնուող ար­դա­րա­դա­տու­թեան սրա­հին մէջ: Սոյն կազ­մա­կեր­պու­թիւնը, երէկ` Հինգ­շաբ­թի Յուն­ուար 19ին` Տին­քի սպա­նու­թեան հին­գե­րորդ տա­րե­լի­ցին առի­թով, քայ­լար­շաւ մը կազ­մա­կեր­պեց Պոլ­սոյ կեդ­րո­նա­կան “Թաք­սիմ“ հրա­պա­րա­կին մօտ:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ա.Մ.Ն.-Ի ՀԱՅ ՄՇԱ­ԿՈՒ­ԹԱ­ՅԻՆ ՄԻՈՒ­ԹԵԱՆ ՎԻ­ՃԱ­ԿԱ­ՀԱ­ՆՈՒ­ԹԻՒՆԸ ԿԱ­ՏԱՐ­ՈՒԵ­ՑԱՒ
Next post ԴԵՐԱՍԱՆՈՒՀԻ ՌՈԶԻ ՎԱՐԴԻ ՀՐԱԺԵՇՏԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles