ՈՉ ԵՒՍ Է ՓՕԼ ՄՈԹԵԱՆ

0 0
Read Time:46 Second

Սուգի մէջ է ճազ երաժշտութեան եւ յատկապէս հարուածային գործիքներու աշխարհը: Արդարեւ, Նոյեմբեր 22-ին, յետ ոսկրածուծի բարդոյթներու արդիւնք, ութսուն տարեկան հասակին, իր մահկանացուն կնքեց հանրածանօթ թմբկահար Փօլ  Մոթեանը (ծանօթ` Մոշըն հնչումով):

Հայոց Ցեղասպանութէնէն ճողոպրած եւ Քուպայի ճամբով Միացեալ Նահանգներ ժամանած ընտանիքի զաւակ է Ստեփան Պօղոս Մոթեանը: Ծնած Մարտ 25, 1931-ին Ֆիլատելֆիոյ մէջ եւ ապա փոխադրուած` Փրովիտէնս, Մոթեան յիսունականներու սկիզբը բանակին ծառայելէ ետք, մուտք գործեց ճազ երաժշտութեան աշխարհէն ներս:

Նախապէս, փոքր տարիքին, կիթարի լարային աշխարհը զինք կը հետաքրքրէր, սակայն թմբուկն է որ եղաւ իր կեանքի մօտիկ բարեկամը:

Ան հռչակաւոր դաշնակահար Պիլ Էվընզի հետ գործակցեցաւ, ապա բազմիցս ելոյթ ունեցաւ դաշնակահար Քիթ Ճառէթի հետ:  Նաեւ, ան բազմիցս ելոյթներ ունեցած է փողահար Ճօ Լովանոյի, կիթարահար Պիլ Ֆրիզէլի, իտալացի դաշնակահար Էնրիքօ Փիեռանունսիի եւ այլ աստղերու հետ:

2004-էն ի վեր, Մոթեան կը մերժէր Նիւ Եորքէն հեռանալ եւ նոյնիսկ կարճ ճամբորդութիւններ կատարել: Մինչեւ վերջերս, ան կը շարունակէր իր ելոյթները, Նիւ Եորքի հանրածանօթ ճազի ակումբներէն` “Պըրտլէնտ“ի եւ “Պլունօթ“ի մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՆՇՄԱՐ.- Կ՛ԱՐԺԷ՞ ՈՐ ՊԱՀ ՄԸ ՄԵՐ ՈՏՔԸ ԿՏՐԵՆՔ ԳԵՏՆԷՆ…
Next post ԽՄԲԱԳՐԱԿԱՆ.- ՁՄՐԱՆ ՕՐԵՐՈՒ…ՏԱՔ ՃԱԿԱՏՈՒՄՆԵՐ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles