ԽՄԲԱԳՐԱԿԱՆ.- ԱՆԱՌԱԿ ՈՐԴԻԻՆ ԱՌԱԿԸ

0 0
Read Time:1 Minute, 23 Second

Ակնթարթ մը մէկդի դրած քաղաքական աշխարհն ու անոր ստեղծած փոխադարձ յարգանքի բնագաւառն ու “փրոթոքոլային“ օրէնքները, կը թուի թէ Ատրպէյճանի նախագահը վերադարձած է անտառ…եւ անտառային (գէթ նոյնինքն Ալիեւի համար` անտարակոյս եւ “անտառակոյս“) օրէնքի:

Արդարեւ, վերջերս Պաքուի մէջ, Թուրքիոյ վարչապետ Ռէճէպ Թայիպ Էրտողանի հետ տեսակցութեան ժամանակ, բեմահարթակէն պաշտօնապէս խօսք առնելով, ան կատարած է անհարիր եւ “սեթեւեթ“ արտայայտութիւններ, վերադառնալով անտառային քաղաքականութեան ակունքներ եւ կատարելով փոխաբերական բաղդատութիւններ:

Այսպէս Ատրպէյճանի նախագահը, վիթխարի Թուրքիան, իր աշխարհաքաղաքական ներկայութեամբ, տնտեսական կառոյցով եւ ռազմական ուժով նկարագրած էր, իբրեւ հուժկու փիղ մը, որ իր դէմ ունի աննկատելի միջատ մը` մրջիւն մը, յանձին Հայաստանի:

Արդեօ՞ք նախագահ Ալիեւ յատուկ տկարութիւն մը ունի ֆրանսացի հանրահռչակ առակագիր Ժան Տը Լա Ֆոնթէնի հանդէպ եւ այս “բարի նախանձ“ի արդիւնք, պատրաստած է իւրայատուկ առակ մը, դէմ յանդիման հանելով թէեւ աննկուն, սակայն ոչ շատ ճկուն փիղն ու…թէեւ մանր ու պզտիկ, բայց շարունակ անզիջող մրջիւնը:

Ի վերջոյ, Լա Ֆոնթէնին նկարագրած “անասնական առասպել“ներուն մէջ, միշտ ալ անսպասելին է որ կը պատահի եւ կամաց ու դանդաղ կրիան կը գերազանցէ արագաշարժ ու ցատկռտող նապաստակը,  կամ խորամանկ աղուէսը կ՛ընկրկի համբերատար ու պաղարիւն ագռաւին դիմաց: Բնականաբար, Լա Ֆոնթէնի այս “անտառային ու անասնական“ գրականութեան մէջ համեմատաբար աւելի դրական դեր ունի աննկատ ու աննշմարելի մրջիւնը:

Իսկ, եթէ Ալիեւ ի մտի ունեցած ու ներշնչուած է Ճորճ Օրուէլի “Էնիմըլ Ֆարմ“էն, այդ պարագային ան ամէնայն անուշադրութեամբ չէ նկատած թէ այդ մէկ նորավէպը կը նկարագրէ իւրայատուկ ժամանակաշրջան մը` Բ. համաշխարհային պատերազմի նախօրեակը,  յատկապէս խոշորացոյցի տակ առնելով Խորհդային Միութիւնը, իր կեղծիքներով եւ ստաբանութեամբ:

Ահաւասիկ անառակ նախագահն ու իր առակը…

Մինչ այդ Օրուէլեան ագարակի ներշնչումով Լա Ֆոնթէնեան առակը կը շարունակուի…Հոն հեռուն, Կովկասեան Բարձրաւանդակին վրայ մրջիւնը փոքր ու աննշմար էր, սակայն հսկայ ու վիթխարի փիղ մը նեղացնելու աստիճան “զօրաւոր“:

“Հայրենիք“

Օգոստոս 1, 2011

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post 120-ԱՄԵԱՅ ԾԱԾԱՆՈՒՄ
Next post Ա.Մ.Ն. ԱՐԵՒԵԼԵԱՆ ՇՐՋԱՆԻ ԱՌԱՋՆՈՐԴԱՐԱՆԻ ՏԱԹԵՒ ՀԻՄՆԱՐԿԻ ԱՄԱՌՆԱՅԻՆ 25-ՐԴ ՀԱՒԱՔԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles