ՀԱՅ ԲԱՆԱՀԻՒՍՈՒԹԵՆԷՆ ՆԵՐՇՆՉՈՒԱԾ ՄԱՆԿԱԿԱՆ ՊԱՏԿԵՐԱԶԱՐԴ ՆՈՐ ԳԻՐՔԻ ՄԸ ԴԱՍԵՐԸ՝ ԱՄԷՆ ՏԱՐԻՔԻ ԸՆԹԵՐՑՈՂՆԵՐՈՒ ՀԱՄԱՐ

0 0
Read Time:2 Minute, 57 Second

Մարտ 2011ին, «Մարշալ Գէվընտիշ» հրատարակչատունը անգլիախօս ընթերցողի սեղանին կը դնէ հայկական հէքեաթ մը՝ ամերիկահայ գրագիտուհի Լուսին Գասպարեանի մշակումով ու մոսկուացի արուեստագիտուհի Մարիա Զայքինայի նկարազարդումով:

 «Որկրամոլ ճնճղուկը. հայկական հէքեաթ մը» «The Greedy Sparrow: An Armenian Tale»  կը պատկանի հայ հին բանաւոր աւանդութեան ու մշակոյթին, գրեթէ ջնջուած՝ 1915ի հայերու, ասորիներու եւ յոյներու դէմ Թուրքիոյ գործած ցեղասպանութեան ընթացքին: Հեղինակին հայրը՝ խմբագիր եւ հրապարակագիր Չարլզ Կարապետ Գասպարեանը (C. K. Garabed), հէքեաթը պատմած է գիշերները՝ քնանալու ժամուն: Իր կարգին, Չ. Գասպարեանը հէքեաթը սորված է իր մեծ մօրմէն, որ նշանաւոր հէքեաթասաց եղած է Երկրին մէջ: Հէքեաթը առաջին անգամ մշակած էր Յովհաննէս Թումանեանը անցեալ դարու սկզբնաւորութեան: 

«Որկրամոլ ճնճղուկը» այս հէքեաթին անգլերէն առաջին ներկայացումն է՝ իբրեւ մանկական պատկերազարդ հատոր: Պատմումը կը սկսի հին օրերուն, երբ փուշ մը կը խոցէ ճնճղուկի մը ոտքը: Դէպքերու հետաքրքրական շղթայ մը կը յաջորդէ թռչունին օգնութեան խնդրանքին, զայն փոխադրելով հայկական գեղջուկ միջավայրը, ուր տոհմիկ ժողովուրդին կը հանդիպի: «Որկրամոլ ճնճղուկը»ի անսպասելի վերջաբանը բարոյական դասերը կը պարունակէ՝ փառասիրութեան, անձնասիրութեան ու անձնական դատողութեան մասին: Հեղինակին կայքէջը՝ www.lucinekasbarian.com, հէքեաթին բարոյական ու մարդկային բովանդակութեան քննարկումի եւ աշխատասիրութեան ուղեցոյց մը կը տրամադրէ: 

Sesame Street” հեռատեսիլի ծանօթ յայտագրի խօսնակ, հէքեաթասաց Պապ ՄաքԿրաթը կ՚ըսէ որ, թէեւ հէքեաթը 4-էն 8 տարեկան ընթերցողներու ուղղուած է, «՝՝Որկրամոլ ճնճղուկը՜՜ ըստ էութեան բոլորին համար է: Խելացի ու զուարթ պատում մըն է, որուն հիանալի նկարազարդումները ոչ միայն գոյն կ՚աւելցնեն, այլեւ ճշգրտօրէն կը մեկնաբանեն պատմողական գիծը»: Մոսկուացի նկարապատմող (animator) եւ նկարազարդող Մարիա Զայքինան հայ բանահիւսական աւանդութիւնները հարազատօրէն կը պատկերացնէ: Հեղինակն ու հրատարակիչը զայն որպէս  «Որկրամոլ ճնճղուկը»ի նկարիչ ընտրած են՝ հայ բանահիւսութեան անոր նկարապատումները դիտելէ ետք YouTube-ի մէջ  www.youtube.com/watch?v=QJ5NAXT9pLs&feature=player_embedded

Հեղինակը՝ Լ. Գասպարեանը, ազատ լրագրող մըն է արհեստով, որ ներկայիս «Փրոկրեսիվ Պուք»ի գովազդային տնօրէնութիւնը կը վարէ (բացակայութեան թոյլտուութեամբ): Ան շրջանաւարտ է Նիւ Եորք համալսարանի լրագրութեան ճիւղէն եւ նախապէս եղած է «Ռէտ Ուիլ, Վայզըր եւ Գոնարի» հրատարակչատան գովազդային տնօրէնն ու «Հըրսթ Պուքս»ի գովազդի եւ վաճառքի վարիչը: Տիկ. Գասպարեանը նաեւ հեղինակն է «Հայաստան՝ Հաստատուն Երկիր, Տոկուն ժողովուրդ»  (Armenia: A Rugged Land, an Enduring People,  Dillon Press/Simon & Schuster, 1998) հատորին եւ աշխատակից խմբագիրը՝ «Գոպըլսթոն» ամսագրի ամերիկահայութեան նուիրուած յատուկ թիւին  (Carus Publishing, 2000): Հայկական Ցեղասպանութեան վերապրողներու թոռնուհին վարչական պաշտօններ վարած է Հայ Երիտասարդաց Դաշնակցութեան եւ Երկիր եւ Մշակոյթ Կազմակերպութեան մէջ: Այլ կազմակերպութիւններու շարքին, ան անդամ է Ազգային Գրողներու Միութեան, Մանկական Գիրքերու Գրողներու եւ Նկարազարդողներու Ընկերութեան եւ Կանացի Գիրքերու Ազգային Ընկերակցութեան:

Հեղինակն ու ամուսինը՝ լրագրող Տէյվիտ Պօյաճեանը, Պելմոնթ (Մասաչուսէց) եւ Թինէք (Նիւ Ճըրզի) կը բնակին: Նկարազարդողը հեղինակը ընտրած է որպէս բնորդ՝ «Որկրամոլ ճնճղուկը»ի հարսը ներկայացնելու համար: Գիրքին հարսանեկան տարազը հեղինակին սեփական հարսանեկան հագուստին շատ նման է:

«Որկրամոլ ճնճղուկը» 32 էջնոց լաթակազմ հատորը տրամադրելի կ՚ըլլայ Մարտ 2011ին՝ գրախանութներու եւ առցանց (online) գրավաճառներու, ինչպէս նաեւ հրատարակիչին միջոցաւ: Գինը 17.99 տոլար է ԱՄՆի եւ 20.95 տոլար՝ Գանատայի մէջ: Հրատարակիչէն ապսպրելու համար, հաճեցէք դիմել հետեւեալ անձին ու հասցէին՝ Janet Kelly, Order Department, Marshall Cavendish Corp., 99 White Plains Rd., Tarrytown, NY  10591« հեռաձայն՝  (800) 821-9881 x 325; jkelly@marshallcavendish.com, www.marshallcavendish.us/kids.

Թարգմ. Վարդան Մատթէոսեան

 

Վերապատում՝ Lucine Kasbarian« նկարազարդում՝ Maria Zaikina

Հրատարակիչ՝ Marshall Cavendish Children; Հրատարակութեան թուական՝ Մարտ  2011

ISBN – 13: 978-0-7614-5821-0; LOC: 2010018172:

Տեսակ՝ Առեւտրական ամուր լաթակազմ մանկական նկարազարդ հատոր – ժողովրդական հէքեաթ

Նկարագրութիւն՝ ճնճղուկ մը օտարականներէ բարիք կը տեսնէ եւ իւրաքանչիւր բարի շարժումի դիմաց աւելիին

կը ձգտի, բայց ի վերջոյ իր սկզբնական վիճակի կը մատնուի

Գին՝ $17.99 ԱՄՆի մէջ, $20.95 Գանատայի մէջ

Ապսպրանքի համար՝ Marshall Cavendish Corporation, անվճար հեռաձայն 800-821-9881

Հեռապատճէն՝ 914-332-1888; www.marshallcavendish.us/kids

Յաւելեալ տեղեկութեան համար՝ Brian Buerkle, վաճառքի տնօրէն. bbuerkle@marshallcavendish.com

Հեղինակի կայքէջ.- www.lucinekasbarian.com

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ա.Մ.Ն. ԱՐԵՒԵԼԵԱՆ ՇՐՋԱՆԻ Հ.Օ.Մ.-Ի ԵՐԻՏԱՍԱՐԴԱԿԱՆ ՄԻՕՐԵԱՅ ՀԱՄԱԳՈՒՄԱՐ
Next post Սլաք.- ԳԻՒՏԱՐԱՐՆԵՐ…

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles