ՇՆՈՐՀԻՒ ԾԵՐԱԿՈՒՏԱԿԱՆ ՊՈՔՍԸՐԻ ՄԻՋԱՄՏՈՒԹԵԱՆ՝ ՊՐԱՅԶԱՅԻ ԹԵԿՆԱԾՈՒԹԻՒՆԸ ՄՆԱՑ ԱՌԿԱԽ

0 0
Read Time:2 Minute, 27 Second

Մի­աց­եալ Նա­հանգ­նե­րու Ծե­րա­կոյ­տի ար­տա­քին յա­րա­բե­րու­թիւն­նե­րու յանձ­նա­խում­բը, Երեք­շաբ­թի, Սեպ­տեմ­բեր 21-ին, քու­է­ար­կու­թեամբ հա­ւա­նու­թիւն տուած էր Մի­աց­եալ Նա­հանգ­նե­րու նոր դես­պան­նե­րու պաշ­տօն­նե­րուն հա­մար, նա­խա­գահ Պա­րաք Օպա­մա­յի կող­մէ նկա­տի առն­ուած թեկ­նա­ծու­նե­րէն՝ Մա­թիու Պրայ­զա­յին, որ­պէս­զի ստանձ­նէ Ատր­պէյ­ճա­նի մէջ Մի­աց­եալ Նա­հանգ­նե­րու դես­պա­նի պաշ­տօ­նը: Սա­կայն մե­տա­սա­նե­րորդ պա­հուն, Ծե­րա­կու­տա­կան Պար­պը­րա Պոք­սըր մի­ջամ­տած էր, յայտնե­լով թէ Պրայ­զա՝ Ար­ցա­խի վրայ կա­տար­ուած Ատր­պէյ­ճա­նի հե­տե­ւո­ղա­կան յար­ձա­կում­նե­րուն գծով, միշտ ալ ան­տար­բե­րու­թիւն ցու­ցա­բե­րած է, երե­ւոյթ մը որ մտա­հո­գիչ նկա­տեց: Այսպէս, Պրայզայի թեկ­նա­ծու­թեան առն­չու­թեամբ, վերջնական քու­է­ար­կու­թիւն տե­ղի չու­նե­ցաւ:

Նոյ­նան­ման վե­րա­պա­հու­թիւն­ներ յայտ­նած էր նա­եւ այլ ծե­րա­կու­տա­կան մը՝ Ռո­պըրթ Մե­նեն­տէս (Դե­մոկ­րա­տա­կան – Նիւ Ճըր­զի): Նշենք թէ, նա­խա­պէս ալ, Պրայ­զա ստիպ­ուած եղած էր պա­տաս­խա­նե­լու հա­յա­մէտ ծե­րա­կու­տա­կան­ներ Պար­պա­րա Պոք­սը­րի եւ Ռոպըրթ Մենետէսի խիստ հար­ցում­նե­րուն, եւ անոր պա­տաս­խան­նե­րը միշտ ալ կցկտուր եղած էին: Սոյն հար­ցադ­րում­նե­րը կը վե­րա­բե­րէ­ին Ար­ցա­խի հար­ցը լու­ծե­լու գոր­ծին մէջ Պրա­յզա­յի կողմ­նա­կալ դիր­քո­րո­շու­մին, Պոլ­սոյ մէջ իր հար­սա­նի­քին հա­մար ստաց­ուած նուի­րա­տուու­թիւն­նե­րուն, Ատր­պէյ­ճա­նի մէջ հայ­կա­կան գե­րեզ­մա­նոց­նե­րը քան­դե­լու օրե­րուն անոր ան­տար­բե­րու­թեան, ազ­գա­յին ինք­նո­րոշ­ման իրա­ւուն­քին առն­չու­թեամբ անոր ան­թոյ­լատ­րե­լի դիր­քո­րո­շու­մին:

Հայ Դա­տի Յանձ­նա­խում­բի Ուա­շինկ­թը­նի կեդ­րո­նա­կան գրա­սեն­եա­կի պա­տաս­խա­նա­տու Արամ Համ­բար­եան, այս առ­թիւ խօսք առ­նե­լով ըսաւ.- »Շատ բան կը պար­տինք Ծե­րա­կու­տա­կան Պոք­սը­րի, որուն նա­եւ գոր­ծակ­ցե­ցաւ, Հայ Դա­տի բա­րե­կամ Ծե­րա­կու­տա­կան Մե­նեն­տէս: Անոնք ողջ­միտ ձե­ւով ներ­կա­յա­ցու­ցին Պրայ­զա­յի կողմ­նա­կա­լու­թեան հար­ցը: Յստակ է թէ ան սխալ անձն է այդ պաշ­տօ­նին հա­մար«:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԱՂԹԱՄԱՐԻ ՄԷՋ ԱՆՇՈՒՔ ՊԱՏԱՐԱԳ …
Next post ՀԱՅԱՍՏԱՆ ՏՕՆԵՑ ՎԵՐԱՆԿԱԽԱՑՄԱՆ 19-ԱՄԵԱԿԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles