ՌԻՉՄԸՆՏԻ ՄԷՋ ԳՈՒՄԱՐՈՒԵՑԱՒ Հ.Օ.Մ.Ի ԱՐԵՒԵԼԵԱՆ Ա.Մ.Ն.Ի 90-ՐԴ ՊԱՏԳԱՄԱՒՈՐԱԿԱՆ ԺՈՂՈՎԸ

Հայ Օգնութեան Միութեան Ա.Մ.Ն. Արեւելեան շրջանի 90րդ պատգամաւորական ժողովը տեղի ունեցաւ Ռիչմընտի (Վըրճինիա) «Սիեռա» պանդոկին մէջ, հիւրընկալութեամբ տեղւոյն  մասնաճիւղին, Յուլիս 15էն 18, 2010ին:

Պատգամաւորական ժողովի մասնակիցները ներկայացուցին Հ.Օ.Մ.ի Արեւելեան Ա.Մ.Ն.ի Նիւ Ճըրզիի, Նիւ Եորքի, Ռոտ Այլընտի, Մասաչուսէցի, Փէնսիլվանիոյ, Քանեթիքըթի, Վիրճինիայի, Միշիկընի, Իլինոյի, Ուաշինկթընի, եւ Ուիսքանսընի մասնաճիւղերը:  Ներկայացուցիչներուն կողքին, իրենց մասնակցութիւնը բերին ներկայացուցիչներ եւ հիւրեր:

Ներկայ էին Ա.Մ.Ն Արեւելեան Շրջանի Առաջնորդական Փոխանորդ Տ. Անուշաւան Ս. Եպսկ. Դանիէլեան, շրջանի Ամէնայն Հայոց եկեղեցւոյ հովիւ Հայր Մեսրոպ Յովսէփեան եւ Ուաշինկթընի շրջանի Մեծի Տանն Կիլիկիոյ Թեմի հովիւ Հայր Աարգիս Ագթաւուգեան:

Հ.Յ.Դ. «Շիրակեան» Կ. Կոմիտէութիւնը կը ներկայացնէր Անժէլ Մանուկեան:

Ժողովի ընթացքին տարեկան նիւթաբարոյական ատենագրութիւնը ներկայացուեցաւ£ Զանազան առաջարկներ կատարուեցան յարաբերական եւ տնտեսական բնագաւառէն ներս, եւ վաւերացուեցաւ 2010-2011 տարեշրջանի հաշուեցոյցը:

Նորընտիր Շրջանային Վարչութան անդամներն են.- Սիլվա Գույումճեան (Նիւ Ճըրզի), Սիւզան Ազարեան (Նիւ Ճըրզի), Քարոլին Շմաւոնեան (Փենսիլվանիա), Քարոլ Ճաֆարեան (Մասաչուսէց), Վարսէն Պետրոսեան (Ուաշինկթըն), Վալենթին Պէրպէրեան (Նիւ Եորք) եւ Անի Աթթար (Միշիկըն):

Be the first to comment

Leave a Reply

Your email address will not be published.


*