ՆԻՒ ԵՈՐՔԻ Ս. ԼՈՒՍԱՒՈՐԻՉ ԱՄԵՆՕՐԵԱՅ ՎԱՐԺԱՐԱՆԻ 33-ՐԴ ԱՄԱՎԵՐՋԻ ՀԱՆԴԷՍԸ

Սուրբ Լուսաւորիչ Ամենօրեայ Վարժարանի ամավերջի 33-րդ հանդէսը տեղի ունեցաւ, Կիրակի, Յունիս 13, կէսօրէ ետք, ժամը 1:00-ին, հովանաւորութեամբ Թեմիս Բարեջան Առաջնորդ՝ Տ. Օշական Ս. Արքեպիսկոպոս Չօլոյեանի, Մայր Եկեղեցւոյ Փաշալեան սրահին մէջ: Ներկայ էր նաեւ՝ Առաջնորդական Փոխանորդ Տ. Անուշաւան Ս. Եպս. Դանիէլեան:

Բացման խօսքով, Տնօրէնուհի Քրիստին Րիկըլհօ‎‎ֆ  նշեց, թէ կրթական բեղուն տարեշրջան մը բոլորած է վարժարանը: Ան շնորհակալութիւն յայտնեց՝ Ազգային Առաջնորդարանին, Մայր Եկեղեցւոյ, «Արմէն Գարօ» Կոմիտէին,  կազմակերպութեանց, Միութեանց եւ անհատ նուիրատուներուն, իրենց զօրակցութեան եւ քաջալերանքին համար,  եւ այժմ պահն էր վայելել հանդէսը: 

Մանկամսուրէն մինչեւ Ե. կարգի աշակերտները, երգեցին, արտասանեցին եւ թատերական արար ներկայացուցին, Յովհաննէս Թումանեանի, Աւետիք Իսահակեանի, Խաչիկ Դաշտենցի, Կոմիտասի եւ օտար գրագէտներու գործերէն՝   ծափահարուելով ներկաներէն: 

Յայտագրի աւարտին, Տնօրէնուհիին կողմէ բեմ հրաւիրուեցաւ Սրբազան հայրը որ  իր ոգեշնչող պատգամով շնորհաւորեց շրջանաւարտներն ու ծնողները:

Ապա՝  անոնց յանձնեց  ուսումնական կեանքի առաջին վկայականները: 

Մանկապարտէզէն շրջանաւարտ եղան՝ Անի Մակարեանը, Արշալոյս Փափազեանը,  Նաթալի Էօրտէքեանը, Արման Գէորգեանը եւ Ամանտա Ուըրթին: 

Սուրբ Լուսաւորիչ Մայր Եկեղեցւոյ Հովիւ Տ. Մեսրոպ Քհնյ. Լագիսեանը իր եւ Հոգաբարձութեան անունով շնորհաւորեց փոքրիկները եւ յանձնեց նուէրներ: Ապա, վարժարանի խնամակալ մարմնի ատենապետ՝ դոկտ. Հրանդ Մարգարեան խօսեցաւ հայ դպրոց պահելու հրամայականին եւ անոր անփոխարինելի դերին մասին:  

Ներկայ մը

Be the first to comment

Leave a Reply

Your email address will not be published.


*