«ԱԶԱՏՈՒԹԵԱՆ ՆԱՒԱՏՈՐՄԻՂ»Ի ԱՐԴԻՒՆՔ.- ԹՈՒՐՔԻԱ – ԻՍՐԱՅԷԼ ԼԱՐՈՒԱԾՈՒԹԻՒՆԸ ԿԸ ՍԱՍՏԿԱՆԱՅ

0 0
Read Time:1 Minute, 12 Second
Թէլ Աւիւի համալսարանին մէջ ցոյց կատարելով, հրեայ ցուցարարներ կը յիշեն Հայոց Ցեղասպանութիւնը...Լուսանկար՝ Associated Press-ի

Իսրայէլեան ծովուժի մասնայատուկ ուժերու յարձակումը, դէպի Կազա (Պաղեստին) մարդասիրական օժանդակութիւն փոխադրող նաւատորմիղին վրայ, մեծ աղմուկ ստեղծեց եւ յատկապէս սաստկացուց արդէն իսկ գոյութիւն ունեցող  լարուածութիւնը՝ Թուրքիոյ եւ Իսրայէլի միջեւ:

Թէեւ միջազգային բազմաթիւ կազմակերպութիւններ իրենց մասնակցութիւնը բերած էին այս օժանդակութեան, սակայն Թուրքիան էր որ ամէնէն աւելի աշխատանք տարած էր:

Թուրքիոյ վարչապետ Ռեճէպ Թայիպ Էրտողան խորհրդարանին մէջ, խօսք առնելով բուռն կերպով դատապարտեց «Ազատութեան նաւատորմիղ»ին դէմ իսրայէլեան յարձակումը: Ան յայտնեց, որ «Իսրայէլի կողմէ դէպի Կազա մարդասիրական օժանդակութիւն փոխադրող «Ազատութիւն նաւատորմիղ»ին դէմ իրագործուած այս արիւնալի ջարդը ամէն տեսակի անէծքի արժանի է: Այս յարձակումը միջազգային օրէնքի, մարդկային խղճի եւ աշխարհի խաղաղութեան դէմ է…»: Ան այս յարձակումը Միացեալ Ազգերու Կազմակերպութեան հիմնական գաղափարի խախտում նկատեց: «Մենք մերժեցինք վիրաւոր ճամբորդները ուղղարկելու Իսրայէլի առաջարկը: Մենք մեր վիրաւորները առնելու կամքն ու ուժը ունինք», ըսաւ ան եւ աւելցուց, որ «Իսրայէլ պէտք է միջազգային հանրային կարծիքը ճշգրիտ կերպով տեղեակ պահէ: Պէտք չէ միջազգային գործակցութենէ խուսափի: Իսրայէլ պէտք է ճանչնայ կացութեան կարեւորութիւնը եւ սրբագրէ իր սխալը»:

Էրտողան, որ Հայոց Ցեղասպանութեան ուռացման գծով, հետեւողական ձեւով աշխատանք կը տանի, միջազգային համայնքին կոչ ուղղեց իր ոճիրներէն չամչցող կառավարութեան մը սպասելու փոխարէն հետաքննութեան մը ձեռնարկելու:

Պոլսոյ մէջ զայրացած ցուցարարներ փորձեցին իսրայէլեան հիւպատոսարան ներխուժել, ապա քաղաքի գլխաւոր հրապարակին վրայ բողոքի ցոյց մը կատարեցին: Անոնք պահանջեցին, որ իրենց կառավարութիւնը Իսրայէլի դէմ շօշափելի քայլ մը առնէ, իսկ թրքական բանակը ազատագրէ գերեվարուածները:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԱԶԱՏՈՒԹԵԱՆ ՆԱՒԱՏՈՐՄԻՂՆ ՈՒ … ՆԱՒԱՊԵՏԸ
Next post ԱՐԺԱՆԹԻՆԻ ՀԱՅ ՀԱՄԱՅՆՔԸ ԱՐԳԵԼՔ ՀԱՆԴԻՍԱՑԱՒ ՈՐ ԱԹԱԹՈՒՐՔԻ ԿԻՍԱՆԴՐԻՆ ԶԵՏԵՂՈՒԻ ՊՈՒԷՆՈՍ ԱՅՐԷՍԻ ՄԷՋ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles