ԽՄԲԱԳՐԱԿԱՆ.- ՄԱՅԻՍԵԱՆ ԸՆՏՐԱՆՔ ԵՒ … ԸՆՏՐՈՒԹԻՒՆՆԵՐ

0 0
Read Time:1 Minute, 11 Second

Մայիսեան պողպատեայ ընտրանքին պտուղն էր Շուշիին ազատագրումը:
…Մայիսեան ընտրանքին արդիւնքն էին նաեւ Մայիս 23-ի խորհրդարանական ընտրութիւնները:
Այդ ազատագրութեան խորհրդանիշ-թուականէն 18 տարի ետք, այս անգամ Մայիսեան վրէժխնդրութեան եւ արդարութեան բռունցք արտայայտող ընտրանքին հետ, զուգահեռ ընթացան Մայիսեան ընտրութիւնները… խորհրդարանական ընտրութիւնները, որոնք ահաւասիկ արժանացան տարբեր երկիրներէ ժամանած անկախ դէտերու դրական գնահատականներուն՝ իրենց արդար օրէնսդրութեամբ, թափանցիկութեամբ, ամբողջականութեամբ, արդար մրցակցութեամբ, միջազգային չափանիշներու մակարդակի ժողովրդավարութեամբ:
Եթէ 1992-ի Մայիս ամսուան ընթացքին ազատագրուած էր համազգային ենթագիտակցութեան մէջ դրոշմուած Շուշին, արդ անցեալ շաբաթավերջի Մայիսեան խորհրդարանական կամ համեմատաբար աւելի ծանօթ Հանրապետութեան Ազգային ժողովի ընտրութիւններով, ի յայտ եկած էր նոյնինքն Շուշիի եւ անոր ետին կանգնող Արցախցիին կապուածութիւնն ու գուրգուրանքը:
Մայիս 23-ի կայացած ընտրութիւններով, Արցախի Հանրապետութեան քաղաքացիները անգամ մը եւս ապացուցեցին՝ թէ անոնք որքա¯ն վճռակամ են  ազատ եւ անկախ ապրելու, թէ անոնք կառչած իրենց հողին, որքա¯ն ձեւաւորած են կայուն քաղաքական հիմնարկներ, օրինական իշխանութիւններ՝ պետական կառավարման եւ տեղական ինքնակառավարման մարմիններ:
Այսուամէնայնիւ, նկատի ունենալով վերջին ամիսներու մէկ կողմէն, Ռուսաստան – Թուրքիա եւ Ռուսատան – Ատրպէյճան խօսակցութիւններն ու մերձեցումը, անակնկալ մը չէր Ռուսաստանի արտաքին գործոց նախարարութեան ներկայացուցիչին մէկ մեկնաբանութիւնը, թէ Մոսկուա կþընդունի Ատրպէյճանի տարածքային ամբողջականութեան սկզբունքը եւ Լեռնային Ղարաբաղը չի ճանչնար իբրեւ անկախ պետութիւն: Հոս տեղին է, առ ի յիշողութիւն կամ մատնանշում, փոխանցել թէ այդ տասնեակներով դիտորդներու պատուիրակութիւններու շարքին, մաս կը կազմէին նոյնինքն Մոսկուայի կողմէ պաշտօնապէս  ճանչցուած Հարաւային Օսեթիոյ« Աբխազիոյ պետութիւններու ներկայացուցիչները:
Որքա¯ն տպաւորիչ էր համազգային ենթագիտակցութեան մէջ դրոշմուած Արցախի ազատագրութեան խորհրդանիշ-թուականը՝ Շուշիի ազատագրութեան տօնը նշել խորհրդարանական ընտրութեամբ…թափանցիկ ու անկեղծ ընտրութեամբ:

«Հայրենիք»
Մայիս 24, 2010

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՄԱԹԻՈՒ ՊՐԱՅԶԱ ՊԱՇՏՕՆԱՊԷՍ ԱՌԱՋԱԴՐՈՒԵՑԱՒ ՍՊԻՏԱԿ ՏԱՆ ԿՈՂՄԷ
Next post ԱՐՑԱԽԻ ՀԱՆՐԱՊԵՏՈՒԹԻՒՆ.- ԽՈՐՀՐԴԱՐԱՆԱԿԱՆ ԹԱՓԱՆՑԻԿ ԸՆՏՐՈՒԹԻՒՆՆԵՐ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles