ՓԵՏՐՈՒԱՐԵԱՆ ԱՊՍՏԱՄԲՈՒԹԵԱՆ ԵՒ ՍՈՒՄԿԱՅԻԹԻ ՋԱՐԴԻ ՆՇՈՒՄ ՏԻԹՐՈՅԹԻ ՄԷՋ

0 0
Read Time:2 Minute, 0 Second

Օրուան բանախօսը Սեդօ Պոյաճեան շրջապատուած
Հ.Յ.Դաշնակցութեան Տիթրոյթի »Ազատամարտ, կոմիտէութիւնը, Փետրուարեան ապստամբութեան 89րդ եւ Սումկայիթի սպանդին 22րդ տարեդարձի առիթով կազմակերպեց երկօրեայ շահեկան դասախօսութիւն մը: Օրուան դասախօսն էր Լոս Անճելոսաբնակ եւ Հ.Յ.Դ. Ա.Մ.Ն. Արեւմտեան շրջանի Կ.Կոմիտէի անդամ՝ իրաւաբան ընկ. Սեդօ Պոյաճեան: Շաբաթ, Փետրուար 27, 2010ին, երեկոյեան ժամը 8:00ին, Հայ Կեդրոնի սրահին մէջ, »Ազատամարտ, կոմիտէութեան, եւ Հ.Ե.Դ.ի»Գոբեռնիկ Թանտրճեան, մասնաճիւղի երէց անդամներու ներկայութեան, Պոյաճեան համառօտ գիծերու մէջ բացատրեց ՀայաստանԹուրքիա փոխ յարաբերութեան վերաբերեալ ստորագրուած փրոթոքոլի կարգ մը պայմանները որոնք կը հակասեն Հայոց Ցեղասպանութեան ճանաչման, Արցախի հիմնահարցին: Ան իր խօսքը կեդրոնացուց Հայ Դատի կատարած աշխատանքներուն, կեդրոնանալով քոնկրէսի հայկական համախումբին կողմէ Հայոց Ցեղասպանութիւնը ճանչնալու թիւ 252 բանաձեւին շուրջ:
Փետրուարեան ապստամբութեան եւ Սումկայիթի կոտորածին հրապարակային դասախօսութիւնը տեղի ունեցաւ Սուրբ Սարգիս եկեղեցւոյ յարակից »Լիլիըն Առաքելեան, սրահին մէջ: Ներկայ էր Ս. Սարգիս եկեղեցւոյ հոգեւոր հովիւ Արժպ. Տ. Տարօն Քհնյ. Ստեփանեան, հոգաբարձութեան անդամներ, Հ.Յ.Դ. Բիւրոյի անդամ ընկ.Հայկ Օշական, եւ հարիւրէ աւելի ներկաներ:Օրուայ հանդիսավարն էր կոմիտէութեան հերթապահ ընկհ. ՃօրճիԱնն Օշական, որ հրաւիրեց դասախօսը: Փետրուարեան ապստամբութիւնը պատմական անջնջելի վկայութիւն մըն է՝ խորիմաստ եւ նշանակալի:Առանց այդ եղելութեան, պոլշեւիզմը հաւանաբար կարողանար համոզել աշխարհը, թէ Հայաստանը սիրայօժար ընդունեց լենինեան վարդապետութեան ներմուծումը Հայաստան: Բայց Փետրուար 18 վկայութիւնն է այդ վարդապետութեան եւ վարչակարգին՝ հայ ժողովուրդի հոգիին եւ բաղձանքներուն անհարազատ ըլլալուն: Ան աւելցուց թէ, պատմական այս եղելութեան հանդէպ պոլշեւիկներու եւ անոնց մանկլաւիկներուն զայրոյթը կու գայ անկէ, որ Փետրուար 18 վերջնականապէս կը հաստատէ Հայաստանի այժմու վարչակարգին հայ ժողովուրդի կամքին հակառակ հաստատուած ըլլալը: Հակառակ այս բոլորին՝ տակաւին կան մարդիկ, որոնք կը յամառին արկածախնդրութիւն որակել հայ ժողովուրդի նկարագիրը բնորոշող տարերային այս պոռթկումը, որ կարմիր թելով մը կապուած է հայոց պատմութեան գերագոյն թուականներուն՝ սկսած Հայկի առասպելական նետէն, մինչեւ Աւարայրի ճակատամարտը: Պոյաճեան ըսաւ թէ Փետրուար 18 պատմականօրէն եղաւ առաջին պոռթկումը պոլշեւիկեան բռնակալութեան դէմ եւ հայութիւնը, իբրեւ գերազանցօրէն ազատատենչ ժողովուրդ, նոյն կեցուածքն ունեցած էր նաեւ տարիներ առաջ, Վարդանանց պատերազմի օրերուն: Անդրադառնալով Սումկայիթի կոտորածին մասին, ան յայտնեց թէ այս սպանդներն ու ցեղային մաքրագործումները իրենց տեսակին մէջ առաջինը չէին հայութեան դէմ: Սումկայիթի մէջ կատարուածը՝ Թուրքիոյ ազգակից Ատրպէյճանի կողմէ, ունէր իր շարունակութիւնը՝ Պաքուի, Կիրովապատի եւ հայաբնակ այլ շրջաններու մէջ: Դասախօսը նաեւ մատնանշեց իրականութիւնները կեղծելու եւ իբրեւ այդպիսին ներկայացնելու ազերի քարոզարշաւները, ինչպէս նաեւ այս ջարդերը իբրեւ հայութեան կողմէ ազերիներուն դէմ գործուած սպանդներ նկատող հաղորդագրութիւնները՝ աւելցնելով, որ կան փաստեր, նաեւ օտար լրագրողներու վկայութիւններ, որոնք իրականութիւնը կը բացայայտեն: Ներկայ հասարակութեան կողմէ եղան զանազան հարցումներ, որոնց յարգելի բանախօսը տուաւ գոհացուցիչ պատասխաններ:
ԱՆԴՐԱՆԻԿ ԳԱՐԱՏՕԼԵԱՆ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ.Օ.Մ.-Ի ԿԵԴՐՈՆԱԿԱՆ ՎԱՐՉՈՒԹԵԱՆ ԱՏԵՆԱՊԵՏՈՒՀԻ ՎԻԳԻ ՄԱՐԱՇԼԵԱՆԻ ԽՕՍՔԸ
Next post ՄԱՐՏ 15, 1921… ԹԱԼԷԱԹԻ ԱՀԱԲԵԿՈՒՄԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles