ՈՒԱՇԻՆԿԹԸՆ.- ԲՈՂՈՔ-ՑՈՅՑ` ԱՏՐՊԷՅՃԱՆԻ ԴԵՍՊԱՆԱՏԱՆ ԴԻՄԱՑ

0 0
Read Time:1 Minute, 6 Second

Կազմակերպութեամբ, Ուաշինկթընի շրջանի Հայ Երիտասարդաց Դաշնակցութեան «Անի» մասնաճիւղին եւ Ամերիկայի Հայ եկեղեցւոյ երիտասարդական կազմակերպութեան, անցեալ շաբաթավերջին, ցոյց մը կատարուեցաւ Ատրպէյճանի դեսպանատան մուտքին, իբրեւ բողոք, 22 տարի առաջ Սումկայիթի մէջ կատարուած սպանդին:

Ցոյցին մասնակցողները, լոզունքներով նշեցին Սումկայիթի նահատակներուն յիշատակը, եւ նշեցին թէ պատահածը ազերի բարբարոսութիւններուն մէկ մասնիկն էր:

Պաստառներուն վրայ գրուած էին.- «Ճշմարտութիւն` Սումկայիթի ոճրագործութեան հարցով», «Սումկայիթի ցեղասպանութիւնը ոճիր է մարդկութեան դէմ», «Սումկայիթի ոճրագործները ցարդ կը մնան անպատիժ», «Ազատութիւն Արցախին»:

Այս առթիւ, Ուաշինկթընի Սուրբ Խաչ եկեղեցւոյ հոգեւոր հովիւ Սարգիս քհնյ. Ագթաւուգեան յայտնեց, որ կազմակերպուած ցոյցով կը պահանջուի Ատրպէյճանէն` ընդունիլ Արցախի ազատագրումը, ինչպէս նաեւ իր կազմակերպած ոճիրը, որ թրքական ցեղասպանութեան շարունակութիւնն է:

«Այս շատ կարեւոր դէպք մըն է որ պէտք է յիշենք, եւ մեր յարգանքները փոխանցենք զոհերուն, որոնց միակ մեղքը` հայ ըլլալն էր: Մենք չենք կրնար արտօնել որ Ատրպէյճանի կառավարութիւնը մոռնայ իր այս ոճիրը անմեղ մարդոց դէմ:  Յոյսով ենք որ մեր ջանքերուն արդիւնք` անցեալի այս դէպքերը լուսանցքի տակ առնուին, որպէսզի ապագային ոչ մէկ ուրիշ ազգ կամ կրօն նման ոճիրներու զոհ ըլլայ…», յայտնեց շրջանի Հայ եկեղեցւոյ երիտասարդական կազմակերպութեան  ատենապետուհի Մեկան Քարանֆիլ:

Իսկ Հ.Ե.Դ.-ի “ԱՆԻ” մասնաճիւղի ատենապետ Յակոբ Սիմոնեան, իր կարգին խօսք առնելով յայտնեց.- «1991-էն ի վեր, Լեռնային Ղարաբաղի Հանրապետութիւնը ժրաջանօրէն աշխատած է որպէսզի ժողովրդավարութիւն եւ խաղաղութիւն կերտէ, նոյնիսկ Ատրպէյճանի սպառնալիքներուն շուքին տակ:  Մենք պիտի շարունակենք Արցախի ժողովուրդին հետ ձեռք-ձեռքի բռնած աշխատիլ, պահպանելու եւ ուրճացնելու համար մեր այդ ձգտումները»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post 22 ՏԱՐԻ ԱՌԱՋ…ՓԵՏՐՈՒԱՐ 27-29-ԻՆ ՊԱՏԱՀԱԾ ՍՈՒՄԿԱՅԻԹԻ ՍՊԱՆԴԸ
Next post ՄԱՄԼՈՅ ՀԱՂՈՐԴԱԳՐՈՒԹԻՒՆ.- Հ.Օ.Մ.-Ի ՀԱՐԻՒՐԱՄԵԱԿԻ ՁԵՌՆԱՐԿՆԵՐՈՒ ԲԱՑՈՒՄ՝ ՆԻՒ ԵՈՐՔԻ ԳԱՌՆԸԿԻ ԴԱՀԼԻՃԷՆ ՆԵՐՍ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles