ՆԻՒ ԵՈՐՔ.- ՇՈՒՇԻ ՊԱՐԱԽՈՒՄԲԻՆ ԵԼՈՅԹԸ ՍՈՒՐԲ ՎԱՐԴԱՆ ՄԱՅՐ ՏԱՃԱՐԻ ՕԾՄԱՆ ՀԱՆԴԻՍՈՒԹԵԱՆ

0 0
Read Time:47 Second

Անցեալ տարի, Նիւ Եորքի Սուրբ Վարդան Մայր Տաճարը բոլորեց իր հիմնադրութեան քառասուն տարիները: Այս առթիւ, վերջերս, Սուրբ Պատարագէն ետք, տեղի ունեցաւ Տաճարի նոր պրոնզեայ դռներու օծում, ձեռամբ Առաջնորդ Սրբազան Խաժակ Արք. Պարսամեանի, եւ ներկայութեամբ Նիւ Եորք Նահանգի Կառավարիչ Մայքըլ Պլումպըրկի:

Shushi Diocese 3 girls (small)
Օծումէն ետք, հնչեց Արա Գէորգեանի »Արցախ«ը եւ »Շուշի« պարախումբի անդամները իրենց տպաւորիչ ու հմայիչ շարժումներով խանդավառեցին ներկաները: Բոլոր ներկաները ակնածանքով դիտեցին ներկայացուող պարերը:
Ապա բեմ բարձրացաւ Շուշիի երեց անդամներէն, շնորհալի հայուհի Լոռի Տապաղեանը որ ապրումով ասմունքեց Վահան Թէքէեանի »Եկեղեցին Հայկական«ը, յուզելով ներկաները:
Այս խանդավառ մթնոլորտէն ետք ներկաները հիւրասիրուեցան Տաճարի սրահը, որուն յաջորդեց գեղարուեստական յայտագիր մը նուիրուած պրոնզեայ դռներու նուիրատուներուն:

Shushi Diocese Bloomberg  small
Նշենք թէ »Շուշի« պարախումբը, որ կը բաղկանայ 139 անդամներէ (6էն 25 տարեկան անդամներ), Հայ Մշակութային Կեդրոնի կազմակերպած հռչակաւոր նաւապտոյտին հիւրն էր: Խումբին գեղարուեստական ղեկավար Սեդա ՓասքալեանԳանթարճեանի նուիրումով պարախումբը այսօր կը նկատուի Նիւ Եորք Նիւ Ճըրզի շրջանի հայկական կարեւոր պարախումբերէն մէկը: Պարախումբը ելոյթներ ունեցած է Ա.Մ.Ն.ի տարբեր Նահանգներու մէջ, ինչպէս նաեւ Քանատա եւ Հայաստան:

About Post Author

admin

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «ԹԻՒՖԷՆՔԵԱՆ» ՀԱՍՏԱՏՈՒԹԻՒՆԸ ԿԸ ՇԱՐՈՒՆԱԿԷ ԳՈՐԾԵԼ ՔԱՇԱԹԱՂԻ ՄԷՋ
Next post ԳԱՐԵԳԻՆ Ա. ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՎԱԽՃԱՆՄԱՆ ՏԱՍՆԱՄԵԱԿԻՆ ԱՌԻԹՈՎ ԱՆՄՈՌԱՆԱԼԻ ՅՈՒՇ ՄԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles