0
0
ՆԻԿՈՍԻԱ. Յիսուն տարուայ ընդմիջումէ ետք, Կիպրոսի մայրաքաղաքի հին թաղամասի Հայ Առաքելական Սուրբ Աստուածածին եկեղեցւոյ մէջ, պատարագ մատուցուեցաւ, անցեալ Կիրակի Մայիս 11ին:
Եկեղեցական համալիրը, որ վատ վիճակի մէջ կը գտնուէր, 2008-2013ին վերանորոգուեցաւ Մ.Ա.Կ.ի զարգացման գործակալութեան եւ Միացեալ Նահանգներու օժանդակութեան գործակալութեան նիւթական օժանդակութեամբ՝ Կիպրոսի մէջ Միացեալ Նահանգներու դեսպան Ճոն Քէօնիկի նախաձեռնութենէն ետք:
Պատարագիչն էր Կիպրոսի հայոց թեմի կաթողիկոսական փոխանորդ Վարուժան արք. Հերկելեան: Այս առթիւ, Կիպրոսի խորհրդարանին մէջ հայ համայնքի ներկայացուցիչ Վարդգէս Մահտեսեան եւ հայկական եկեղեցւոյ յանձնախումբի ատենապետ Սեպուհ Դաւիթեան խօսք առին:
Այս պատարագին, ներկայ էին նաեւ, այլ համայնքներու եւ յարանուանութիւններու ներկայացուցիչներ, ինչպէս նաեւ դիւանագէտներ:
Սուրբ Աստուածածին եկեղեցին, որ թրքական ներխուժման արդիւնք վնասուած էր, եւ 1963էն ի վեր լքուած վիճակին մէջ էր: 1915-1923ին Հայոց Ցեղասպանութենէն փախուստ տուած հազարաւորներու համար իբրեւ ապաստանարան ծառայած էր:
