0
0
ԵՐԵՒԱՆ.- Անցեալ շաբաթասկիզբին, Հայաստան ժամանեց Ռուսաստանի Արտաքին Գործոց նախարար Սերկէյ Լաւրով որ հանդիպումներ ունեցաւ իր պաշտօնակից Եդուարդ Նալպանտեանի, նաեւ Հ.Հ. նախագահ Սերժ Սաչգսեանի հետ:
Այս տեսակցութիւններու ընթացքին վերստին արծարծուեցան Հայաստանի՝Եւրասիական համարկման գործընթացներուն միանալու հարցերը, որ Մոսկուա աշխոյժ կերպով կը պաշտպանէ։ Նաեւ, անդրադարձ կատարուած է Լեռնային Ղարաբաղի հակամարտութեան կարգաւորման: Լաւրով այցելեց Ծիծեռնակաբերդ, ի յարգանք Հայոց Ցեղասպանութեան զոհերուն:
Ռուսաստանի Արտաքին Գործոց նախարարին համաձայն Ռուսաստանը, ինչպէս երկկողմանի յարաբերութիւններու տեսանկիւնէ, այնպէս ալ որպէս Մինսքի խումբի համանախագահ երկիր, կողմ է հակամարտութեան շուտափոյթ կարգաւորման: »Մենք կը մեկնինք անկէ, որ այս խնդիրի լուծման հիմք գոյութիւն ունի: Ես նկատի ունիմ այն սկզբունքները, որոնք շեշտադրուած են Ռուսաստանի, Միացեալ Նահանգներու եւ Ֆրանսայի նախագահներու յայտարարութիւններուն մէջ՝վերջին չորսէն հինգ տարիներուն: Հիմա գլխաւորը այդ սկզբունքները գործնականօրէն կեանքի կոչելու ուղիներու եւ յաջորդական քայլերու մշակումը համաձայնեցնելու մէջ է: Ռուսական կողմը՝որպէս համանախագահող երկիրներէն մէկը պիտի ձգտի Հայաստանի ու Ատրպէյճանի նախագահներու ուղղակի երկխօսութեան շարունակութեան՝նպաստելով կարգաւորման մնացած հարցերուն մէջ լուծումներ գտնելուն« յայտնեց Լաՙւրով:
