ՄԵՐ ՇԱՏ ՍԻՐԵԼԻ ՀԱՅՐ ՌԱՓԱՅԷԼԻՆ.- ՅԵՏ ՎԱԽՃԱՆՄԱՆ ՀՐԱԺԵՇՏԻ ԳԱԶԵԼ

0 0
Read Time:1 Minute, 48 Second

p15 FrRaphaelAndonian Զ.Թ.

Վենետիկի թիւ 20 շոգեմակոյկին փողը հնչեց՝ տալով վերադարձի ազդանշանը ու կտրեց այս մտածումներուս շղթան…: Քանի մը վայրկեան ետք, Սուրբ Ղազար կղզին ամբողջութեամբ կորսուեցաւ յետմիջօրէի արեւու ճառագայթներուն հետ, թանձր ու խիտ գոլորշիին ետին: Շոգեմակոյկը կը սուրայ դէպի Սուրբ Մարկոսի հրապարակ, սակայն դեռ մեր մտքին մէջ է Հայր Ռափայէլը: Երեւակայութի՞ւն, երա՞զ թէ իրապաշտ կեանքէ առնուած պատառիկ մը:

Այո՛, այլեւս Սուրբ Ղազարի կամ տեղացիին համար “Իզոլա Տէլյի Արմենի“ին մէջ կը հանգչի մեր ընկերը՝ Հայր Ռափայէլը:

Այո՛, մեր բոլորին համար Վենետիկ եւ Սուրբ Ղազար երթալը նոյնքան զգացական պիտի ըլլայ որքան Զուարթնոց օդակայան ժամանելը: Հոն ունինք Հայրենիքը, իսկ Վենետիկ՝ Հայր Ռափայէլը, որ այսպէս միացաւ այլ պատմութիւն կերտած հայրերու:

Այո՛, Հայր Ռափայէլը այդ փաղանգին մաս կը կազմէր: Յայտնապէս Մխիթարեան հայրերու շունչին տակ հասակ առած ան, գիտակից՝ սփիւռքահայ նոր սերունդին հայեցի դաստիարակութիւն ջամբելու իր առաքելութեան, յաջողած էր ոչ թէ միայն հայկականութեամբ, այլ իսկական բարձր մակարդակի ամբողջական դաստիարակութեամբ տոգորել հայ աշակերտները: Հայր Ռափայէլը մաս կը կազմէր այդ դպրոցին՝ Մխիթարեան միաբանութեան, որ իր հոգեւոր առաքելութեան առընթեր, կարեւոր դեր ունեցած է եւ դեռ ալ ունի սփիւռքահայ նոր սերունդներու հայեցի դաստիարակութեան գծով ու մեծ նպաստ բերած հայ մշակոյթի զարգացման, մանաւանդ՝ պատմագիտական ու լեզուաբանական բնագաւառներէն ներս:

Լեզուաբանական գծով, հետաքրքրական մանրամասնութիւն մը …Հայր Ռափայէլին համար, պէտք է հայերէն սորվիլ, եւ այս պարագային ո՛չ թէ միայն հայերէն, այլ գրաբար հայերէն, քերականութիւն, հայագիտութիւն:

Այո՛, զինք հաւանաբար Ռաֆայէլ կրնայինք յայտնել, սակայն գրութեամբ Ռափայէլ պէտք էր որ ըլլար: Այդ գծով, մանրամասն բացատրողական նամակ մըն ալ գրած էր, նշելով թէ նորընտիր Պապին անունը Փրանկիսկոս պէտք էր հնչել: Այդպէս ալ ըրինք եւ այսօր Փրանկիսկոս Պապը կը գործածենք, որ “Սուրբ Ղազար“եան տարբեր լրջութիւն կամ ծանրութիւն մը կը փոխանցէ:

Այո՛, հակառակ իր հեզ նկարագրին ու ժպտուն դէմքին, Հայր Ռափայէլ խստապահանջ էր եւ բծախնդիր: Անոր համար, Տանթէ կարդալու համար, նախընտրելի էր իտալերէն սորվիլ եւ իսկական բովանդակութիւնը կարդալ: Պարագան նոյնն էր Կապրիէլ Կարսիա Մարքէսին կամ Փապլօ Ներուտային, ուր նախընտրելի էր Սերվանթէսի լեզուն լաւապէս իւրացնել:

Les Choses de la Vie…Կեանքի բաները:

Որոշ տարիքէ մը ետք, մարդ կոչեցեալ էակին աչքերուն մօտակայքրը չոր ու խոպան է, սակայն մեր ամենուն Տէր Հայրը՝ Փատրէ Ռափայէլը հրաշք մը գործած է: …Չոր չեն այլեւս մեր աչքերը:

Ականատես պիտի ըլլանք…պիտի լանք:

Հայ Ռափայէլ… իւրայատուկ ժպտուն դէմք մը:

Արտասուք… այս սուգին առթիւ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles