ՓԱ­ՐԻԶԻ ՄԷՋ ՀԱՆԴԻՊՈՒՄ` ­ՆԱԼՊԱՆ­ՏԵԱ­Ն – ՄԱՄԵ­ՏԻԱՐՈՎ

ՓԱ­ՐԻԶ.- Յունուար 24-ին,  տեղի ունեցաւ Հայաստանի եւ Ատրպէյճանի Արտաքին Գործոց նախարարներ` Էդուարդ Նալպանտեանի եւ Էլմար Մամետիարովի հանդիպումը:

Երկու նախարարները հանդիպած էին նաեւ անցեալ տարուան Դեկտեմբերի սկիզբը` Հայաստանի եւ Ատրպէյճանի նախագահներուն Վիեննայի մէջ տեղի ունեցած հանդիպումին ընթացքին տրուած ցուցմունքներուն համաձայն: Նալպանտեանի եւ Էլմար Մամետիարովի հանդիպումը տեղի ունեցաւ շփման գիծին եւ հայ-ազերի սահմանին վրայ զինադադարի խախտումներուն աշխուժացման պայմաններուն մէջ: