Լրահոս
ԼԻԶՊՈՆԻ ՆԱՀԱՏԱԿՆԵՐՈՒ 30-ԱՄԵԱԿԻ ՈԳԵԿՈՉՈՒՄ
Լիբանանի մէջ, մեծ շուքով նշուեցաւ Լիզպոնի գործողութեան
30-Ամեակը: Արդարեւ հոծ բազմութիւն մը, Հ.Մ.Ը.Մ.-ի
շեփորախումբին առաջնորդութեամբ, Պուրճ Համուտի
հրապարակէն իր քայլերը ուղղեց դէպի Ազգային
գերեզմանատուն, ուր տեղի ունեցաւ հոգեհանգստեան
արարողութիւն, ապա ներկաները հինգ հերոսներու հոգիներուն
համար մոմեր վառեցին եւ ծաղկեպսակ զետեղեցին անոնց
շիրիմին վրայ:
Օրուան բանախօսն էր Յակոբ Հաւաթեան, որ յայտնեց, թէ
Լիզպոնի հինգին գերմարդկային նուիրագործումը կը պարտադրէ
վեր բարձրանալ անձնականէն եւ հաւաքականը առաջնահերթ նկատել:
Ձեռնարկը փակուեցաւ «Վէրքերով լի» երգով:
