Ամերիկայի Հայ Աւետարանչական Ընկերակցութեան 103-րդ Տարեկան Ճաշկերոյթը

0 0
Read Time:3 Minute, 0 Second

Հոկտեմբերի 22-ի երեկոյեան, Փըրամըսի (Նիւ Ճըրզի) Ամերիկայի Հայ Աւետարանչական ընկերակցութիւնը կազմակերպեց իր 103-րդ տարեժողովի ճաշկերոյթը, որուն ներկայ էին աւելի քան 225 հիւրեր։

«Հզօրացնել Աւետարանչականի Համաշխարհային Առաքելութիւնը» բնաբանով այս հաւաքին ժամանած էին Գանատայէն, Ֆրանսայէն եւ Աւստրալիայէն ներկայացուցիչներ։

Աւետարանչականի երկարամեայ անդամներ եւ ծառայողներ Վահրամ եւ Լուսիէն Այնիլէանները անգլերէն, հայերէն եւ ֆրանսերէն լեզուներով բարի գալուստ մաղթեցին ներկաներուն։

Տեղւոյն հայ Երիցական եկեղեցուոյ հովիւ վերապատուելի  Ժոզէֆ Կարապետեանի աղօթքին յաջորդեցդեցին Ամերիկայի եւ Հայաստանի ազգային օրհներգերը` Անի Ճիրճիրեանի կատարմամբ:

Փոխանցելով Աւետարանչականի նախագահ Նազարէթ Տարագճէանի ուղերձը` Աւետարանչականի գործադիր տնօրէն Զաւէն Խանճեանը ներկաներուն յիշեցուց, որ «Մեր վերջին հանդիպումը տեղի ունռեցած է Նիւ Ճըրզիի մէջ հինգ տարի առաջ` համաճարակի եւ այլ դժուարութիւնների պատճառով, որոնցմով ազդուած էին Աւետարանչականը, Հայաստանը, Արցախը, Լիբանանը եւ Սուրիան: Այս ընթացքին  Աւետարանչականն օգնած է զոհուած ու հաշմանդամ զինուորներու ընտանիքներուն` հոգեւոր եւ մարդասիրական աջակցութիւն ցուցաբերելով, ինչպէս ժամանակին օգնած էր Հայաստանի երկրաշարժի հետեւանքով  տուժածներուն ու բազմաթիւ որբերուն: Աւետարանչականը միշտ պիտի օգնէ եւ վերակառուցէ»:

Յատուկ հիւրերու շարքին էին Հայոց Առաջնորդարանի Արեւելեան թեմի Առաջնորդական փոխանորդ Գերաշնորհ Տ. Սահակ Եմիշեանը, Թիւֆէնքեան հիմնադրամի ներկայացուցիչ Անդրանիկ Գասպարեանը, Մ․Ա․Կ․-ի մօտ Հայաստանի դեսպան Մհեր Մարգարեանը եւ Ա․Մ․Ն․-ի մօտ Հայաստանի դեսպան Լիլիթ Մակունցը։

Ներկայ էին նաեւ հայ հանրային գործիչներ։

Աւետարանչականի քանատական, աւստրալիական եւ ֆրանսական գործընկերներու ներկայացուցիչները հերթով բեմ բարձրացան` տեսանիւթերով եւ իրենց ղեկավարներու ելոյթներով, մանրամասնելով իրենց կազմակերպութիւնների աճն ու արժանիքները:

Գանատայի Աւետարանչականի նախկին նախագահ եւ այժմ ատենապետ Միհրան Ճիզմեճէանը ներկայացուց Քանատայի Հայ Աւետարանչական Ընկերակցութիւնը, որ 1984-էն ի վեր կը գործէ։

Թորոնթոյի, Քէյմպրիճի եւ Մոնրէալի երկու Հայ Աւետարանական եկեղեցիները Աւետարանչականի գործադիր տնօրէններ վեր․  դոկտ. Կիրակոս Չօփուրեանի եւ դոկտ. Մովսէս Ճանպազեանի հետ երկարատեւ քննարկումներէ ետք  հիմնեցին Քանատայի Հայ Աւետարանչական ընկերակցութիւնը:

Աւետարանչականի Գանատայի  մասնաճիւղի շարունակական ծրագրերը կը  ներառեն մանուկների հովանաւորութիւն Հայաստանի, Արցախի եւ Լիբանանի մէջ: Անոնք  մասնաւորապէս կ՛օժանդակեն Այնճարի (Լիբանան) Հայ Աւետարանական դպրոցին, Ասկերանի (Արցախ) մանկապարտէզին եւ Վանաձորի (Հայաստան) «Շող» կեդրոնին:

Աւետարանչականի վարչական խորհուրդի եւ յանձնախումբերու անդամներ Ճոզէֆ եւ Ճոյս Սթայնները  պատուեցին Աւետարանչականի Աւստրալիոյ մասնաճիւղի նախագահ` վեր. դոկտ. Գրիգոր Իւմշաճըգեանին։

Աւստրալիոյ Հայ Աւետարանչական Ընկերակցութիւնը ստեղծուած է 2001-ին` վեր. դոկտ. Մովսէս Ճանպազեանի երկարամեայ ջանքերով: Աւստրալիոյ մասնաճիւղի ծրագրերը կը ներառեն ուսանողներուն նիւթական օժանդակութիւն Հայաստանի, Արցախի եւ Լիբանանի մէջ, անյետաձգելի օգնութիւն եւ դպրոցներու վերանորոգում Սուրիոյ, Լիբանանի, Հայաստանի եւ Արցախի մէջ, «Շող» կեԴրոննԵր Հայաստանի եւ Արցախի մէջ, ամառնային ճամբարներ, մարդասիրական եւ բժշկական նախաձեռնութիւններ, յաւելեալ կրթաթոշակների օգնութիւն, հոգեւոր գրականութիւն, ինչպէս նաեւ Հայաստանի սահմանամերձ գիւղերէն մէկուն մէջ  ստորգետնեայ ապաստարան։

Աւետարանչականի Հայաստանի նախկին ներկայացուցիչ Յարութ Ներսէսեանը թարգմանեց «Յոյս Հայաստանի համար» կաԦմակերպութեան նախագահ Սերժ Քիւրքճեանի ելոյթը,  որ կը պատմէր Ֆրանսայի Հայ Աւետարանական եկեղեցիներու միութեան նախագահ վերապատուելի Դանիէլ Սահակեանի նախաձեռնութեամբ հիմնադրած վերոյիշեալ կազմակերպութեան պատմականն ու նպատակը։

Աւետարանչականի գործադիր տնօրէն Զաւէն Խանճեանը իր  խօսքին մէջ, առաջին հերթին երախտագիտութիւն յայտնեց երեկոյի կազմակերպիչներին, մասնաւորապէս իր աշխատակիցներուն եւ աշխարհի տարբեր անկիւններէն եկած բազմաթիւ հիւրերուն։

Ընդգծելով ներկայ դժուար ժամանակները, նա յուզուած յայտարարեց. «Անցեալ 35 տարիներին ազատ ու անկախ Արցախի հեռանկարը երբեք այսքան մռայլ ու հեռաւոր չէ եղածլ:   Հայի կենդանի սերնդի պատմութեան մէջ երբեք Հայրենիքի մասին մտահոգութիւնն այսքան մեծ եւ լուրջ չի եղեած: Սպառնալիքներու, յարձակումներու, հողերու գրաւման, ռազմագերիներու մահապատժի, ատելութէան հրահրման եւ խթանման մասին, որոնք բոլորը մնացած են անպատիժ: ․․․Գոյատեւումի այս պայքարում մենք մեր ճակատագրի միակ երաշախաւորն ենք։ Մենք անցած ենք պատմութեան նման շրջաններ, կրած ենք ցաւ: Մեր տոկունութիւնն  ու յամառութիւնը միշտ ալ գերակշռած են: Մեր Հայրենիքը մեր լուծն է, եւ մենք բոլորս պէտք է պայքարինք` աջակցելու, պահպանելու  ու պաշտպանելու համար»,- ընդգծեց Խանճեան եւ տեղեկացուց, որ յառաջիկայ քանի մը ամիսներուն Արցախի մէջ պիտի կառուցուի երկու նոր մանկապարտէզ, վեց  տուն, իսկ Երեւանի Աւետիսեան դպրոցին մէջ յատուկ արուեստագիտական կեդրոն, Թուրքիոյ Թուզլայ քաղաքի յարութիւն առած Արմէն Ճամբարի վերստեղծում, ինչպէս նաեւ  Տաւուշի մարզի Բերդ քաղաքի Աւետարանչական նոր կեդրոնի  եւ կարիքաւորներու ճաշարանի կառուցում:

Նշանակալից երեկոն աւարտեցաւ Մերձաւոր Արեւելքի Հայ Աւետարանական Եկեղեցիներու Միութեան նախագահի պաշտօնակատար եւ Պէյրութի Հայկազեան Համալսարանի նախագահ վեր. դոկտ. Փոլ Յայտոսթեանի օրհնութեան աղօթքով:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles