ՖՐԱՆՍԱՅԻ ՄԷՋ ՀԱՄԱՏԱՐԱԾ ԳՈՐԾԱԴՈՒԼ ԱՇԽԱՏԱՆՔԻ ՕՐԷՆՔԻՆ ԴԷՄ

0 0
Read Time:3 Minute, 2 Second

khachadoor nice1ԽԱՉԱՏՈՒՐ Ա. ՔՀՆՅ. ՊՕՂՈՍԵԱՆ
Մայիս 27, 2016

Հանրակառքը եւ հանրագիծ-Թրամուէյը այս առաւօտ գործադուլ ըրին, կէսօրէն ետքը վերսկսան, եւ ինծի պէս շատերը պատանդ բռնուեցան. արդէն շաբաթէ մը ի վեր վիճակը այս է։ Կէսօրէն ետք Նիսի կեդրոնական գրադարանը գացի մամուլը աչքէ անցնելու երկար բացակայութենէս ետք, բայց թափուր էին գրակալ-թերթակալները, ու անոնց հոգ տանող տիկինն իր տեղը չէր։ Պահ մը Համակարգիչովս աշխարհին կապուելէ ետք փոքրածաւալ գրքոյկիս առաջին էջը կարդալ սկսայ եւ շարունակեցի, երբ գրաւուեցայ Փարիզի մէջ սահմռկեցուցիչ ոճիր գործած անյայտացած թուրքերու արկածախնդրական պատմութենէն. ﬕնչեւ տուն հասնիլս աւարտեցի։ Տունը՝ հեռատեսիլէն իմացայ որ այսօր Ֆրանսայի մէջ մամուլին օրաթերթերը լոյս չեն տեսած բացի համայնավար կուսակցութեան պաշտօնաթերթ «Հիւմանիթէ»ն (մարդկութիւն) որ ﬕնակը ընդունած էր իսկ ﬕւսները ﬔրժած էին հրատարակել Աշխատաւորներու Ընդհանուր Համադաշնակցութեան ՍԷ ԺԷ ԹԷի նախագահ Ֆիլիփ Մարթինէզի գրութիւն-թռուցիկը։ Մամուլին պատանդ բռնուիլը ընդվզեցուցած էր մամլոյ աշխատակիցները։ Վերջերս, ՛՛Լա Նուի Տըպու՛՛ (՛՛Գիշերը Ոտքի՛՛) շարժման մասնակիցները գիշերները ոտքի անքուն փողոցը դէմ յանդիման ելան ոստիկանութեան, եւ այրեցին անոնց կառքերէն մէկը։ Ոստիկանները ձրուեցին զիրենք արցունքաբեր ռումբերով եւ չարագործները ձերբակալեցին։ Բազմահազար գործաւոր, երիտասարդ ուսանողներ բողոքի ցոյցեր կազմակերպեցին կառավարութեան դէմ, եւ պահանջեցին որ ան չեղեալ նկատէ եւ ետ կոչէ նախարարուհի Միրիամ Էլ Քոմրիի Աշխատանքի Օրէնքը։ Կարգ ու կանոնին հսկող ոստիկանութեան հետ բախուﬓեր ունեցան։ Կառավարութեամ դէմ իրենց զայրոյթը ցուցարարները պարպեցին քաւութեան նոխազ դարձած ոստիկանութեան վրան ու վիրաւորեցին զանոնք։ khachadoor nice2Ոստիկաններուն դէմ այս ատելութեան ալիքին պատճառով անոնք եւս օր մը բողոքի ցոյց եւ գործադուլ կազմակերպեցին, անցեալ տարիէն ի վեր իրենց շարքերուն մէջ հարիւրաւոր վիրաւոր պաշտօնակիցներուն զօրակցելու նպատակով։ Ոոստիկանութեան համաձայն այսօր հարիւր յիսուն հազար, եւ կազմակերպիչներուն համաձայն երեք հարիւր հազար ցուցարարներ ֆրանսայի տարբեր քաղաքներու մէջ ցոյց կատարեցին։ Աշխատաւորական Ընկերակցութիւնները ﬕացան եւ կրկին պահանջենցին Աշխատանքի Օրէնքին հանուիլը։ Խումբ մը դիմակաւոր ցուցարարներ ալ մուտք գործեցին հոն ուր Նախարարուհին, Միրիամ Էլ Քոմրին հանդիպում կ՛ունենար։ Ութը օրէ ի վեր ֆրանսայի հիւսիսէն սկսած եւ ներկայիս տարածուած սպառման կայաններուն մէջ վառելանիւթին բացակայութեան պատճառով ինքնաշարժներուն շարանները։ ﬔծցած են Հիւլէական ելեկտրականութիւն արտադրող կայանները եւս ﬕացած են այս բողոքի շարժման։Երկրին ութը զտարաններէն վեցը չեն գործեր. կառավարութիւնը կ՛բւզէ բռնի ուժով աշխատանքի լծել կայանները։ Օրլի օդակայանի թռիչքները եւս կրճատուած են։ Փոխադրութեան նախարարը կը պնդէ որ երկրին մէջ քարիւղի պահեստը հարիւր տասը օրուան համար կը բաւէ։ Այսպէս ուրեﬓ երկրին մէջ դժգոհութեան ալիքը հետզհետէ կը տարածուի, բայց եւ այնպէս հանրապետութեան նախագահ Ֆրանսուա Հոլանտը, եւ վարչապետ Մանուէլ Վալսը վճռած են տեղի չտալ եւ գործադրութեան դնել աշխատանքի օրէնքը, ի պահանջել հարկին զայն վերատեսութեան ենթարկեն շաբաթ օրուան Ընկերակցութեանց հետ հանդիպումէն ետք։
Այսպէս, մէկ կողմէ հանրապետութեան նախագահն ու վարչապետը իսկ ﬕւս կողմէն Աշխատանքի Օրէնքին դէմ գործադուլ եւ ցոյց կատարողները ուժ կը ցուցադրեն իրարու, եւ կացութիւնը կը յղանայ աննախատեսելի հետեւանքներով, յատկապէս երբ Ֆրանսան կը պատրաստուի հիւրասիրել Եւրոպայի Ֆութպոլի ախոյանութեան մրցաշարքին հանդիսատես ըլլալ ուզող սիրահարները, որոնց ապահովական մտահոգութիւնը կ՛աճի համատարած ցոյցերուն եւ գործադուլներուն պատճառով։ Նիսի գրադարանին պաշտօնէութեան ﬕաժամ գործադուլը տարօրինակ թուեցաւ ինծի, ﬕաժամ խորհրդանշական իբր թէ գործադուլի գաղափարին վրան ծիծաղելով մտքովս քաշքշեցի այնքան որ ելքիս պահուն փոխ առած գրքերս նշանակող տիկնոջը անվարան հարցուցի,- Տիկին, ձեր այս գործադուլը ﬕայն մէկ ժամուան համա՞ր էր։ Անճրկած տիկինը գիրքերուս նայելով,- Այսօր շատ մարդ չկար, անոր համար ժամ մը առաջ փակեցինք, բայց, ﬕայն այսօրուան համար է վաղը նորէն սովորականին պէս բաց է։ Շնորհիւ այս գործադուլին ես ալ ժամ առաջ տուն հասայ գրաւոր զեկուցելու եհամար եւ ինքզինքս համոզելու որ իսկապէս ալ Ֆրանսան ազատութեան երկիր է, այնքան ազատ ու ժողովրդավար է որ երկրին նախագահն ու վարչապետը յամառօրէն կը պնդեն իրենց որոշուﬕն վրան, եւ իրենց հեղինակութեան սիրոյն զիրենք ընկերվարական ծրագիր վարելու համար ընտրած ժողովուրդին դէմ կ՛ելլեն երբ անոնք կը բողոքեն իրենց համար անընդունելի բարեկարգչական աշխատանքի օրէնքին դէմ։ Ժողովուրդին կամքին կը հակառակին վտանգելով իրենց եւ երկրին կեանքը, տնտեսական շահերն ու ապագան։ Ֆրանսայի ընկերային այս պայթուցիկ իրավիճակը օտար երկիրներուն ուշադրութեան եւ քննադատութեան առարկան է։ Երթեւեկութեան, զբօսաշրջիկութեան, առեւտուրի եւ արտադրութեան ջլատումը ﬔծ հարուած է եւ պիտի ըլլայ կառավարութեան եւ ժողովուրդին համար Ոտնագնդակի Եւրոպական մրցախաղերու նախօրեակին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles