Ֆրանսա՝ Ի Նպաստ Արցախի Ինքնորոշման

0 0
Read Time:1 Minute, 46 Second

p2 France

 

ՓԱՐԻԶ.- Մարտ 18-ին, Ֆրանսայի Ազգային ժողովէն ներէ, Միութիւն յանուն ժողովրդական շարժումի կուսակցութեան պատգամաւոր պրն Ժան-Քլօտ Մինիոն հարցում ուղղած է երկրի արտաքին գործոց նախարարին, Հարաւային Կովկասի մէջ հակամարտութիւններու կարգաւորման մասին։ Կառավարութեան կողմէ հարցումին պատասխանած է Եւրոպական հարցերով պատասխանատու նախարարը։ Ան յայտնած է թէ Ֆրանսան, ինչպէս գիտէք, լիովին ընդգրկուած է Մինսկի խումբին մէջ, զոր կը համանախագահէ Միացեալ Նահանգներու եւ Ռուսաստանի հետ, գտնելու համար մնայուն լուծում մը Լեռնային Ղարաբաղի իրավիճակին, որուն բնակչութիւնը՝ հիմնականին մէջ հայեր, պատերազմի պատճառով չափազանց շատ տառապած է։ Ներկայ գոյավիճակը ոչ ոքի շահերէն չի բխիր, ո՛չ Հայաստանի, ոչ՝ Ատրպէյճանի: Այս պատճառով ալ, Հանրապետութեան նախագահը ցանկանալով աջակցիլ դիւանագիտական նախաձեռնութեան վերսկսումին, անցեալ տարուան Հոկտեմբեր 27-ին, Փարիզի մէջ, գումարեց հայ եւ ազերի նախագահներուն մասնակցութեամբ գագաթաժողով մը։
«Մենք ամբողջութեամբ զօրաշարժի ենթարկուած ենք՝ կարգաւորելու համար Արցախի հակամարտութիւնը եւ պաշտպանելու՝ այս շրջանին մէջ ինքնորոշման իրաւունքը», յայտարարած է պրն Հարլեմ Տէզիր՝ Եւրոպական հարցերով Ֆրանսայի պետական քարտուղարը:
Այս հանդիպումի ընթացքին համաձայնութիւն գոյացաւ մարդասիրական գետնի վրայ վստահութեան առաջին քայլ առնելու՝ հակամարտութեան ընթացքին անհետացածներու մասին տեղեկութիւն փոխանակելով։ Այս քայլը սկսած էր իրականացուիլ։ Այս հանդիպումը նաեւ օգնեց Մինսքի խումբի շրջանակին մէջ նոր թափ հաղորդելու բանակցութիւններուն, որոնք ինչպէս յիշեցիք, հիմնուած են այսպէս կոչուած Մատրիտեան սկզբունքներուն վրայ, մասնաւորաբար՝ ուժ չկիրառելու, պետութիւններու տարածքային ամբողջականութիւնը յարգելու եւ ժողովուրդներու ինքնորոշման իրաւունքի հիման վրայ։ Վերջին ամիսներու ընթացքին մեր տեսած լարուածութիւնը կը հաստատէ այդ սկզբունքները կիրառելու բացարձակ անհրաժեշտութիւնը։ Հետեւաբար, Ֆրանսան գործօն կերպով կը շարունակէ Հոկտեմբերին սկսած իր ջանքերը։ Հանրապետութեան նախագահը դարձեալ պիտի հանդիպի իր պաշտօնակիցներուն, երբ յառաջիկայ Ապրիլ 24 եւ 25-ին կ՚այցելէ Երեւան եւ Պաքու։ Մենք ամբողջութեամբ զօրաշարժի ենթարկուած ենք՝ կարգաւորելու համար Արցախի հակամարտութիւնը եւ պաշտպանելու՝ այս շրջանին մէջ ինքնորոշման իրաւունքը»։
Արձագանգելով Ֆրանսայի նախարարի այս յայտարարութեան, Հ.Յ.Դ. Բիւրոյի անդամ Մուրատ Փափազեան ըսաւ. «Եւրոպական հարցերու նախարար Տէզիրի յայտարարութիւնը Ղարաբաղի ինքնորոշման ի նպաստ՝ ցոյց կու տայ հարցին մասին Ֆրանսայի կեցուածքը եւ հաստատեց նախագահ Ֆրանսուա Հոլանտի յանձնառութիւնը՝ հարցին դրական լուծում մը գտնելու կապակցաբար։ Նախագահ Հոլանտի կեցուածքը շատ յստակ է։ Ֆրանսուա Հոլանտի կեցուածքը հիմնուած է արդարութեան հայեցակարգի վրայ եւ մենք ամբողջութեամբ համաձայն ենք այդ մօտեցումին։ Յիշենք, որ Ֆրանսուա Հոլանտ, որ 15 տարիէ ի վեր Հայ Դատի ի նպաստ յանձնառութիւն ունի եւ քայլեր առած է, Ապրիլ 24-ին, Հայոց Ցեղասպանութեան 100-ամեակի ոգեկոչման առիթով, պիտի գտնուի Երեւան»։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles