ՖԻԼԱՏԵԼՖԻՈՅ ԳԱՂՈՒԹԸ ՊԱՏՇԱՃՕՐԷՆ ՆՇԵՑ 102-ԱՄԵԱԿԸ

0 0
Read Time:59 Second

 

ՖԻԼԱՏԵԼՖԻԱ.- Ապրիլ 23-ին, աւելի քան երկու հարիւր հայորդիներ ներկայ եղան Հայոց Ցեղասպանութեան 102-ամեակի ձեռնարկին:
Օրուան հանդիսավարն էր Անդրանիկ Գիզիրեանը, որ կոչ ուղղեց ներկաներուն անպայմանօրէն դիտել եւ ընբոշխնել վերջերս ցուցադրուող ՝՝Խոստումը՝՝ (՝՝The Promise“) ժապաւէնը:
Շրջանի հովիւներու աղօթքէն ետք, խօսք առաւ օրուան բանախօսը՝ Արամ Համբարեան (Հայ Դատի Ուաշինկթընի կեդրոնական գրասենեակ), որ աւելի անդրադարձաւ Հայաստանի եւ Արցախի ներկայ իրավիճակին մասին: Ան յայտնեց թէ Հայ Դատի գրասենեակը, այս գծով հետեւողական աշխատանք կը տանի, որպէսզի Միացեալ Նահանգները տնտեսապէս աւելի օժանդակութիւն յատկացնեն:
՝՝Հայ Դատի Ամերիկայի յանձնախումբը միշտ կ՛աշխատի քոնկրԷսականներու եւ նախագահին հետ, որպէսզի հայանպաստ որոշումներ առնուին: Այս մէկը մեր պարտականութիւնն է: Միշտ ալ որեւէ որոշում կայացնելու ատեն կը փորձենք հասկնալ, թէ ինչպէս կրնանք օգնել Հայաստանին եւ հայութեան: Միջին Արեւելքի մէջ այժմ կատարուածը նման է Հայոց ցեղասպանութեան, եւ ես կը կարծեմ, որ շատ մը ամերիկացիներ ատիկա կը նկատեն: Հայոց ցեղասպանութեան հարցը միշտ Ամերիկայի մէջ ուշադրութեան կեդրոնին պահելով: Եւ պիտի գայ օր մը, երբ Թուրքիան այլեւս պիտի չկարենայ ազդել ամերիկեան քաղաքականութեան վրայ…՝՝ եզրակացուց Համբարեան:
Կարդացուեցաւ շրջանի քաղաքապետ Թամ Ուոլֆի նամակը, որուն մէջ, ան ցաւակցութիւն եւ զօրակցութիւն կը յայտնէր:
Ալըն եւ Սիւզըն Արփաճեան ներկայացուցին նկարազարդ գիրք մը, նուիրուած իրենց հարազատներէն՝ Մարի Զաքարեանի: Գեղարուեստական յայտագրով, ելոյթ ունեցան տեղւոյն Հայ Քոյրերու Վարժարանի աշակերտները:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles