ՀՈՒՆԳԱՐԱԿԱՆ ԱՅԼԱՆԴԱԿ ԵՒ ՆԵՆԳԱՄԻՏ ՌԱՓՍՈՏԻԱ…

0 0
Read Time:1 Minute, 25 Second


ՀԱՅՐԵՆԻՔ

Խմբագրական

Սեպտեմբեր 4, 2011

Հարցը միայն Եւրոպական պետութեան կողմէ, խուլիկանի մը ազատ արձակման որոշումն ու արարքը չէր: Ո՛չ ալ տարիներէ ի վեր, այդ խայտառակ որոշման ետին թաքնուած հանդիպումներն ու գաղտնի համաձայնութիւններն ու կաշառակերութիւնը:

Այլ դեռ շատ աւելի, անընդունելի եւ անհանդուրժելի է այս Հունգարական Ռափսոտիան, որ ահազանգ պիտի հնչեցնէ Լա Հէյի Միջազգային դատական ատեաններու, կամ Ժընեւի, Սթրազպուրկի եւ եւրոպական այլ քաղաքակրթուած միջավայրերու մէջ կայք հաստատած Մարդկային Իրաւանց յանձնախումբերուն:

Այդ ահաւոր կեղծիքն ու զեղծարարութիւնը պատահած չէր հեռաւոր Քոնկոյի կամ Մալիի խորերուն մէջ, այլ ընդհակառակը, վերոյիշեալ քաղաքակրթուած աշխարհի ամէնահին ցամաքամասիքիթին տակՏանուպի ափին, սոյն գետի երբեմնի հարս նկատուած` Պուտափեշթի մէջ:

Խծբծելի եւ սահմռկեցուցիչ է այս Հունգարական Ռափսոտիան, որովհետեւ պիտի ունենայ իր նախադրեալներն ու խոր անդրադարձը, յատկապէս երբ Պաքու հասնելով, ոճրագործը, փոխանակ տեղական բանտէ մը ներս արգելափակելու, կը դիմաւորուի ծաղկեփունջերով եւ դեռ իսկական խեղկատակութիւնն ու մանկամտութիւնը` ազգային հերոս նկատուելով, ան վերստին կը տիրանայ բանակայինի իր պաշտօններուն, նոյնիսկ աստղ մըն ալ ստանալովյաւելուլ խուլիկանեաց“:

Արդեօք այս արարքը պիտի չմղէ՞ Ատրպէյճանիքաղաքակիրթժողովուրդին եւ յատկապէսհինգլուխղեկավարութեան, որ փոխանակ պարծենալու կատարուած իրերայաջորդկաֆերուն, վերատեսութեան ենթարկէ այս ամբողջ թղթածրարն ու իր ետին կանգնող սադրանքներն ու նենգամտութիւնը եւ եզրակացնէ թէ ինչպէ՞ս կարելի էրռազմադաշտէ հեռու, անմեղ հայորդիի մը դէմ, սովորական պայմաններու մէջ, գերարտասովոր  սխրանքմը գործած Սաֆարովի ազատ արձակման գծով աշխատանք տանիլ:

Ուրեմն, ըստ նախագահ Ալիեւի, ոճրագործներ հերոսացնելով պիտի կերտէ ապագայի Ատրպէյճանըհիանալի գաղափար եւ ցաւալի միտք եւ խելք:

Սակայն, վերստին նաւարկենք Տանուպն ի վեր: Արդեօք որքա՜ն խոստումներ տրուեցան, որքա՜ն գումար մսխուեցաւեւ անշուշտգրպաններ լեցուեցան“, որպէսզի անարդարութիւնը յաղթէ արդարութեան:

Այդ մէկը պիտի որոշէ արդարամիտ հունգարացին, որ լաւապէս քաջատեղեակ է թէ ի՞նչ ըսել է ոտնակոխուիլ եւ շահագործուիլ: 1956-ին, Խորհրդային օրերուն, նոյնինքն Տանուպի ափին կատարուած յեղափոխութիւնը կը մնայ ցայտուն օրինակ մը:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՄԵՆՔ ԿԸ ՃԱՆՉՆԱՆՔ ԹՈՒՐՔ-ԱԶԵՐԻՆ, ԿԱՐԵՒՈՐԸ` ԴԱՇՆԱԿԻՑՆԵՐՈՒՆ ԳՈ՛ՐԾՆ Է
Next post Ի՞ՆՉ ԿՐՆԱՆ ԸՆԵԼ Հ.Հ. ԻՇԽԱՆՈՒԹԻՒՆՆԵՐԸ (ԱՌԻԹԸ ՊԱՏՄԱԿԱՆ Է ԵՒ ՀԱԶՈՒԱԳԻՒՏ)

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles