Քուէյթի Մէջ.- Հ.Յ.Դ. 125-Ամեակի Նշում

0 0
Read Time:1 Minute, 40 Second

arf kuwait1

Ուրբաթ, Դեկտեմբեր 11-ին, Քուէյթի հայութիւնը եւ յատկապէս Դաշնակցական ընտանիքը, նշեց Հ.Յ.Դ.-ի 125-ամեակը` ներկայութեամբ Քուէյթի եւ շրջակայից թեմի առաջնորդ Մասիս ծ. վրդ. Զօպույեանի, Քուէյթի մէջ Հայաստանի դեսպան Ֆատէյ Չարչօղլեանի, ազգային մարմիններու ներկայացուցիչներու եւ համակիրներու հոծ բազմութեան: Օրուան կարգախօսն էր.- «Ժողովուրդիս հետ, հայրենիքիս համար»:
Քուէյթի Հ.Յ.Դ. պատասխանատու կազմի խօսքը փոխանցեց Յակոբ Պետիրեան: Խօսելով դաշնակցականի կերպարին մասին` ան ըսաւ. «Ի պահանջեալ հարկին, կեանքի գնովն իսկ ծառայելու հայրենիքին: Ահա այս մեկնաբանութեան մէջ ամփոփուած ու կերտուած է դաշնակցականի կերպարն ու ինքնութիւնը: Հայ յեղափոխական դաշնակցութիւնը հայ ազգին տուած է գաղափարական մը, հայրենիքի եւ ազատութեան գաղափարականը: Անոր իրագործման համար շարժման մէջ դրած է իր միտքն ու բազուկը: arf kuwait2arf kuwait4Այս կուսակցութիւնը իր arf kuwait3հիմնադրութեան առաջին օրէն դարձաւ համազգային, եւ բազմաթիւ նուիրեալներ բոլորուեցան իր շուրջ, որ իր սրբազան դրօշին վրայ բոցավառ տառերով արձանագրեց «Մա՛հ կամ ազատութիւն» ու ազատութեան ճանապարհին վրայ զոհեց իր անձնուէր զաւակները, որոնք զոհուեցան Պանք Օթոմանի, Խանասորի, Վասպուրականի, Սասունի, Սարդարապատի, Բաշ Ապարանի, Լիզպոնի եւ Արցախի մէջ, որպէսզի ապահովեն հայ մարդու բարօրութիւնը եւ հայրենիքի ազատութիւնն ու անկախութիւնը»:
Օրուան բանախօսն էր Լիբանանէն հրաւիրուած՝ Մելիք Գարագաւորեան, որ ներկայացուց Հ.Յ.Դաշնակցութեան առաքելութեան ուղին: «Հ.Յ.Դաշնակցութիւնը 125 տարի հայկական իրականութեան մէջ հանդիսացաւ այն կուսակցութիւնը, որ համահայկական խնդիրներու ամէնէն ծանր բեռը միշտ ալ ինքն իր վրայ վերցուց, երբ ուրիշներ զբաղած էին ձեռնածութեամբ եւ մտավարժանքներով: Դաշնակցութեան համար Հայ դատի պայքարին մէջ առանցքային նշանակութիւն եւ կարեւորութիւն ունի Լեռնային Ղարաբաղի Հանրապետութիւնը: arf kuwait5Դաշնակցութիւնը անհրաժեշտ կը նկատէ այսօր, մեկնելով շրջանային անորոշութենէն, Հայաստանի եւ Արցախի միջեւ ռազմաքաղաքական դաշինքի մը կնքումը նախ եւ առաջ իբրեւ անվտանգութեան երաշխիք, երկրորդ` նաեւ իբրեւ պատգամ միջազգային հանրութեան եւ ամէնէն կարեւորը իբրեւ յստակ կեցուածք թուրք-ազրպէյճանական ռազմատենչ նկրտումներուն եւ զինադադարի յաճախակի խախտումներով խափանարարական գործողութիւններուն: Դաշնակցութիւնը անյետաձգելի եւ անխուսափելի կը գտնէ Արցախի հարցի լուծման բանակցային գործընթացին Լեռնային Ղարաբաղի Հանրապետութեան լիիրաւ մասնակցութիւնը` իբրեւ հակամարտող համահաւասար կողմ», յայտնեց ան:
Հայրական պատգամը փոխանցեց Մասիս ծ. վրդ. Զօպույեան` վեր առնելով Դաշնակցութեան դերը հայրենիքի մէջ եւ սփիւռքի տարածքին: Ան եզրակացուց.- «Հ.Յ.Դաշնակցութիւնը 125 տարի պայքարեցաւ ու պիտի շարունակէ պայքարիլ` հայ ժողովուրդին ապահովելու ազատ եւ բարօր կեանք»:
Գեղարուեստական յայտագրով հարուստ, օրուան հաւաքը աւարտեցաւ «Արիւնոտ դրօշ» երգով:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Օքսֆորտ Համալսարանին Մէջ Գիտաժողով՝ «Արեւմտահայերէնը 21րդ Դարուն»
Next post ՀԱԼԷՊԻ ՄԷՋ ՓԱՌԱՇՈՒՔ ՏՕՆԱԿԱՏԱՐՈՒԹԵԱՄԲ ՆՇՈՒԵՑԱՒ Հ․Յ․Դ․ 125 ԱՄԵԱԿԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles