Քոլորատոյի Ծերակոյտը Մերժեց Ազերի-Ամերիկեան Համագործակցութեան Բանաձեւը

0 0
Read Time:1 Minute, 15 Second

պ2-3 colorado-
Ամերիկայի Միացեալ Նահանգներու Հայ Դատի Յանձնախումբը կը հաղորդէ թէ Քոլորատօ նահանգի Ծերակոյտը մերժած է քննել հակասական ու խնդրայարոյց բանաձեւ մը, Resolution SJR 15-006 անուանումով, որ կ՚անդրադառնար ազերի-ամերիկեան համագործակցութեան ամրապնդման նպաստող քայլերու եւ ծրագիրներու:
Բանաձեւը առաջադրուած էր ծերակուտականներ Լարի Քրաուտըրի, Լաուրա Վուցի եւ Քոլորատօ նահանգի ներկայացուցիչներու պալատի անդամ Էդուարդ Վիզիլի կողմէ: Ծերակոյտի նիստին ներկայ էր Ատրպէյճանի ընդհանուր հիւպատոսը, սակայն հակառակ իր ներկայութեան բազմակողմանի կերպով շեշտուեցաւ Ատրպէյճանի մէջ մարդկային իրաւանց խախտումներու իրավիճակը եւ բռնատիրական ծանր վարչակարգը:
Հայ Դատի յանձնախումբը ճիգ տարած էր ճշմարտութիւնը բացայայտող գրութիւններ հրապարակելու, ինչպէս նաեւ կոչ ուղղած էր ելեկտրոնային արշաւ իրագործելու բանաձեւի հեղինակ Լարի Քրաուտւրի գրասենեակին ու մնացեալ օրէնսդիրներուն դէմ, որպէսզի դէմ քուէարկեն բանաձեւի ընդունման:
Բանաձեւի հեղինակը իր համաձայնութիւնը տուած է ետ քաշել նախագիծը, բայց վերաքննութիւն նախատեսուած է Մայիսի կիսուն:
Հայ Դատի Յանձնախումբի գործադիր տնօրէն Էլէն Ասատրեանը ուրախութիւն յայտնեց, որ Քոլորատօ նահանգը կը միանայ Հաուայիի, Միսիսիփիի, Հարաւային Տաքոթա, Թենըսի եւ Ուայոմինկի նահանգներուն, հաստատելով որ քարիւղով չի վաճառէր իր սկզբունքները կաշառակերութեամբ յորդող Իլհամ Ալիեւի վարչակարգին մէջ: «Մենք յատկապէս ուրախ ենք, տեսնելով ծերակուտական Քրաուտերը, որ որոշած է վերանայիլ նախագիծը եւ ի վերջոյ դուրս բերել այն՝ տեսնելով Ատրպէյճանի չարաշահումներն ու արտաքին յարձակողապաշտութիւնը» ըսած է Ասատրեանը:
Նշենք, թէ վերջերս «Ուոլ Սթրիթ Ճըրնըլ» եւ «Նիւ Եորք Թայմզ» թերթերուն մէջ հրապարակուած «Ատրպէյճանի նախագահ պարոն Ալիեւի երկու երեսները» վերտառութեամբ յօդուածներ լոյս տեսած էին, ուր Ատրպէյճանը կը դատապարտուէր Միացեալ Նահանգները սպառնալու եւ շանթաժի ենթարկելու համար: Պարբերականները կը յիշեցնէին թէ Ատրպէյճանի մէջ ԱՄՆ նախկին դեսպան Ռիչըրտ Քոզլարիչ կոչ ուղղած էր պատժամիջոցներ կիրառելու Ատրպէյճանի դէմ, ափսոսանք յայտնելով քաղաքացիական հասարակութեան դէմ հետապնդումներու եւ բանտարկուած լրագրողներու աճող թիւին կապակցութեամբ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles